Lactarius intermedius
| Lactarius intermedius | |
|---|---|
 | |
| Sailkapen zientifikoa | |
| Erreinua | Fungi |
| Filuma | Basidiomycota |
| Klasea | Agaricomycetes |
| Ordena | Russulales |
| Familia | Russulaceae |
| Generoa | Lactarius |
| Espeziea | Lactarius intermedius |
| Banaketa mapa | |
 | |
| Basionimoa | Agaricus intermedius |
Lactarius intermedius Russulaceae familiako onddo espezie bat da.[1]
Sinonimoak: Agaricus intermedius (Basionimoa), Lactarius intermedius, Lactarius cilicioides var. intermedius, Lactifluus intermedius, Lactarius citriolens var. intermedius.
Deskribapena
[aldatu | aldatu iturburu kodea]Kapela: 7 eta 10 cm bitarteko diametrokoa, erdian zertxobait hondoratuta, inbutu formara iritsi gabe. Ertz leunak, ile gabeak eta kizkurtuak. Kapelaren azala glabroa, eremu zirkularrik gabe, hori-krema kolorekoa gaztetan, zahartzean zurbilagoa (azalean orban okre-arrexka kolorekoak)
Orriak: Azpi-dekurrenteak, nahiko zabal, zuri-krema kolorekoak tonu arrosekin, espora-jalkinaren ondoren hori bihurtzen dira.
Orri dekurrenteak: Hanka ukitzeaz gain beherantz jarraitzen duten orriak.
Hanka: Motza (3-4), lodia, sarritan okertua, latza, sakonera gutxiko zulotxoekin baina ez eskrobikulatua, zuri-okre kolorekoa, latexa min samarra, zuria (horitu egiten da aireak ukitzean)
Haragia: Oso trinkoa, zuria (latexak horitu egiten du), potasarekin urdin bihurtzen da. Fruta usaina du eta zaporea mingotsa eta pikantea, ez gozoa.[2]
Etimologia: Lactarius terminoa "lac" "lactis" esnetik dator, esneari dagokio. Latexa jariatzen dutelako ebakitzean edo haustean. Intermedius epitetoa, antzeko bi espezieren tartekoa delako.
Jangarritasuna
[aldatu | aldatu iturburu kodea]Interes gastronomikorik gabea. Ez du balio gastronomikorik, garratza, pikantea da.[3]
Nahasketa arriskua
[aldatu | aldatu iturburu kodea]- Lactarius scrobiculatus, ezti-kolorekoa da (ilunagoa), ertz iletsua, kapelaren azala eremu zirkularrekin eta horia da hasietatik, oso iletsua, potasarekin gris-urdinxka kolorea hartzen du eta pinuen azpian ateratzen da (ez izeietan).
- Lactarius aquizonatus (eremu zirkular nabariagoekin)[4]
Sasoia eta lekua
[aldatu | aldatu iturburu kodea]Udazkenean. Izei zurien azpian. Izeien eta pagoen baso mistoetan.
Banaketa eremua
[aldatu | aldatu iturburu kodea]Alpeak, Austria, Eslovenia, Espainia, Frantzia, Italia, Alemania, Polonia, Grezia, Pirinioak.[5]
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 359 or. ISBN 84-282-0887-5 (T. 4). ISBN: 84-282-0538-8 (O.C.)..
- ↑ (Gaztelaniaz) Sociedad micológica Barakaldo. Investigación y divulgación de la micologia.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Lactarius intermedius: GBIF—the Global Biodiversity Information Facility.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q1550277
Multimedia: Lactarius intermedius / Q1550277
Espezieak: Lactarius intermedius