Lakshmi Sahgal
| Lakshmi Sahgal | |
|---|---|
 | |
| Bizitza | |
| Jaiotza | Chennai, 1914ko urriaren 24a |
| Herrialdea |  Britainiar Raj 1947ko abuztuaren 14a) Indiako Agindupeko Lurra (1947ko abuztuaren 15a - 1950eko urtarrilaren 26a) India (1950eko urtarrilaren 26a - |
| Heriotza | Kanpur, 2012ko uztailaren 23a (97 urte) |
| Heriotza modua | berezko heriotza: bihotz-biriketako geldialdia |
| Familia | |
| Aita | Subbarama Swaminathan |
| Ama | Ammu Swaminathan |
| Ezkontidea(k) | Prem Sahgal (1947 - 1992) |
| Seme-alabak | ikusi
|
| Haurrideak | ikusi
|
| Hezkuntza | |
| Heziketa | Madras Medical College (en)  Queen Mary's College (en) |
| Hizkuntzak | malabarera ingelesa |
| Jarduerak | |
| Jarduerak | politikaria, medikua, ginekologoa, ofizierra, iraultzailea eta freedom fighter (en) |
| Jasotako sariak | ikusi
|
| Zerbitzu militarra | |
| Adar militarra | Rani of Jhansi Regiment (en) |
| Ideologia eta sinesmenak | |
| Erlijioa | ateismoa |
| Alderdi politikoa |  Communist Party of India (Marxist) (en) |
Lakshmi Sahgal (jaiotzez Lakshmi Swaminathan)[1] (edo Sehgal; hindiz लक्ष्मी सहगल (Chennai (Britainiar Raj) 1914ko urriaren 24a - Kanpur 2012ko uztailaren 23a) Indiako Armada Nazionaleko ofiziala eta Indiako mugimendu independentistako iraultzailea izan zen. Emakumearen Gaietarako ministro izan zen Azad Hinden gobernuan.
Historia
[aldatu | aldatu iturburu kodea]Lakshmik Queen Mary 's Collegen ikasi zuen,[2][3] eta geroago medikuntza ikastea aukeratu zuen, eta MBBS titulua lortu zuen Madras Medical Collegen 1938an. Urtebete geroago ginekologia eta obstetrizia diploma jaso zuen.[4] Gobernuko mediku gisa lan egin zuen Kasturba Gandhi ospitalean, Triplicane Chennain.
Bigarren Mundu Gerran, Rani Jhansi erregimentuan borrokatu zuen (Rani Lakshmibai iraultzailearen agindupean), emakumez soilik osatutako erregimentuan, Raj Britainiarra boteretik kentzea helburu zuena.[5]
Emakumeek gogo biziz erantzun zioten emakume guztien brigadara biltzeari, eta "Lakshmi Swaminatan doktorea" "Lakshmi kapitaina" bihurtu zen, berarekin bizi osorako geratuko zelarik izena eta identitatea.[6]
Lakshmi kapitaina India Libreko Behin-behineko Gobernuan Emakumearen Erakundeko arduraduna zen, Singapurreko Subash Chandra Bose buru zuela.
INAk Birmaniara jo zuen armada japoniarrarekin 1944ko abenduan, baina 1945eko martxoan, gerra-marea haien kontra zihoalarik, INAko buruzagiek erabaki zuten erretiratzea Imfasten sartu baino lehen. Lakshmi kapitaina atxilotu zuten britainiarrek 1945eko maiatzean, eta Birmanian egon zen 1946ko martxora arte, Indiara bidali zuten arte, Delhiko INAren epaiketek herriaren atsekabea areagotu eta gobernu kolonialaren amaiera azkartu zutenean.[6]
Azken urteetan
[aldatu | aldatu iturburu kodea]1971n, Lakshmi Indiako Alderdi Komunista marxistan sartu zen. Bangladeshko krisian, sorospen kanpalekuak eta laguntza medikoa antolatu zituen Kalkutan Bangladeshetik Indiara sartu ziren errefuxiatuentzat. 1981ean All India Democratic Women 's Association elkartearen sortzaileetako bat izan zen, eta haren jarduera eta kanpaina asko zuzendu zituen.[6] Mediku talde bat zuzendu zuen Bhopalera 1984ko abenduko gas tragediaren ondoren, Kanpurren bakea berrezartzeko lan egin zuen 1984ko sikhen aurkako istiluen ondoren, eta atxilotu egin zuten 1996an Bangaloreko Miss Munduko Txapelketaren aurkako kanpaina batean parte hartzeagatik.[6]
2002ko Indiako Presidentetzarako hauteskundeetan, ezkerreko lau alderdik (Indiako Alderdi Komunista, Indiako Alderdi Komunista (marxista), Alderdi Sozialista Iraultzailea eta All India Forward Bloc) hautagai izendatu zuten Sahgal presidentetzarako hauteskundeetan. A.P.J. Abdul Kalamen aurkari bakarra zen, garaile atera zena.
Bizitza pertsonala
[aldatu | aldatu iturburu kodea]Lakshmi Prem Kumar Sahgalekin ezkondu zen 1947ko martxoan, Lahoren. Ezkondu ondoren, Kanpurren jarri ziren bizitzen, eta han jarraitu zuen medikuntzan, eta laguntza eman zien Indiako Partizioari jarraiki iristen ari ziren errefuxiatuei. Bi alaba izan zituzten: Subhashini Ali eta Anisa Puri.
Subhashini politikari komunista eta aktibista nabarmena da. Aliren arabera, Lakshmi ateoa zen.[6] Shaad Ali zinegilea haren biloba da.[6]
2012ko uztailaren 19an bihotz-biriketako geldialdia izan zuen,[7] eta uztailaren 23an, 11:20an, Kanpurren hil zen 97 urterekin.[8][9] Bere gorpua Kanpurko Medikuntza Fakultateari eman zioten medikuntza ikasketak egiteko.[10]
Sariak
[aldatu | aldatu iturburu kodea]1998an, K. R. Narayanan presidente indiarrak "Padma Vibhushan" saria eman zion Sahgali.[6] 2010ean, Calicuteko Unibertsitateak ohorezko doktoretza eman zion.[6]
Erreferentziak
[aldatu | aldatu iturburu kodea]- ↑ (Ingelesez) Gupta, Om. (2006-04). Encyclopaedia of India, Pakistan and Bangladesh. Gyan Publishing House ISBN 978-81-8205-389-2. (kontsulta data: 2025-11-19).
- ↑ (Ingelesez) Kolappan, B.. (2012-07-24). «A fulfilling journey that began in Madras» The Hindu (kontsulta data: 2025-11-19).
- ↑ «http://www.frontline.in/static/html/fl2008/stories/20030425006013300.htm» www.frontline.in (kontsulta data: 2025-11-19).
- ↑ «Capt Lakshmi Sehgal, chief of INA womens regt, is dead» The Telegraph (kontsulta data: 2025-11-19).
- ↑ (Gaztelaniaz) Barraza, Ángela. (2015-01-06). «10 historias de mujeres revolucionarias que no le enseñaron en la escuela» El Ciudadano (kontsulta data: 2025-11-19).
- 1 2 3 4 5 6 7 8 (Ingelesez) Lakshmi Sahgal. 2025-09-25 (kontsulta data: 2025-11-19).
- ↑ PTI. (23 de julio de 2012). Exemplary life: Capt Lakshmi Sehgal met patients till the end. The Hindu.
- ↑ End of an era: Captain Lakshmi Sehgal passes away. .
- ↑ «Captain Lakshmi Sahgal passes away» The Times Of India 23 de julio de 2012.
- ↑ TAPAS CHAKRABORTY. (24 de julio de 2012). Lakshmi Sehgal no more. Telegraphindia.com.
Kanpo estekak
[aldatu | aldatu iturburu kodea]
Datuak: Q465051
Multimedia: Lakshmi Sahgal / Q465051