Lankide eztabaida:Suna no onna

Ongi etorri, Suna no onna, euskarazko Wikipediara! Hau zure eztabaida orria da, beste wikilarien mezuak jasotzeko balioko dizuna. Gainera, lankide orria ere baduzu; nahi izanez gero, hor jar ditzakezu zeure datuak, interesak, hitz egiten dituzun hizkuntzak... (zeure lankide orria egiteko informazioa nahi baduzu, ikus orrialde hau). Nahi baduzu ere zure proba orrian idazten has zaitezke. Lagungarriak izan daitezkeen loturak Wikipedian aritzeko bost euskarriak ezagutu Ezagutu Wikipediako politikak Estilo gida ezagutu Hasi orain! Pausoz pauso aurrera Wikitestu tutoriala Aldaketak fin-fin kodeak erabiliz Orokorrak Praktikoak Teknikoak Irakasleak Wikipedian laguntzeko modu ugari daude. Horietako batzuk Wikipedian nola lagundu dezakezun argitzen duen orrian bildu ditugu. Artikulu jakin batez ohar edo iradokizunen bat egiteko, artikulu horren eztabaida orrian idatz dezakezu. Wikipediari buruzko galdera, ohar edo iradokizun orokorra baldin bada, berriz, Wikipediako Txokoa duzu horretarako toki egokiena. Eta hainbat Wikiproiektu ditugu, gai jakin batzuetan parte hartzen lagunduko dizutenak. Wikilari jakin bati idazteko edo erantzuteko, haren eztabaida orrian idatzi beharko duzu. Bestela, ez zaio mezu bat duela jakinarazteko oharra azalduko, eta agian ez da konturatuko idatzi diozula. Eztabaida orriaren goialdean «Gehitu atala» lotura aurkituko duzu. Hor klik eginez, mezua sortzeko aukera izango duzu. Mesedez, ez zaitez ahaztu mezuaren bukaeran zure erabiltzaile sinadura edo zigilua ezartzeaz; bestela, ezingo dugu jakin nork idatzi duen, nori erantzun behar diogun. ES: Si no comprende o no sabe escribir en nuestra lengua y desea comunicarse con nosotras y nosotros, por favor, acuda a la Embajada. FR: Si vous ne comprenez pas ou ne savez pas écrire dans notre langue et souhaitez communiquer avec nous, s'il vous plaît, visitez l'Ambassade. EN: If you do not understand or you cannot write in our language and you want to tell us something, please visit the Embassy. DE: Wenn Sie unsere Sprache nicht verstehen oder nicht schreiben können und Sie bei uns mitreden möchten, dann besuchen Sie bitte die Botschaft. RU: Если Вы не понимаете или не можете писать на нашем языке, но хотите поделиться с нами чем-либо, пожалуйста, посетите наше посольство.

Abizenak euskal biografietan

Arrastion Mentxu! Politika formala WP:Antroponimia orrian duzu. Laburpena hauxe da: "Euskal herritarren euskarazko izenak eta deiturak Euskaltzaindiak araututako eran emango ditugu, salbu eta pertsona horrek Euskaltzaindiak araututako forma erabiltzea ez duela nahi adierazi badu". Ondo izan.--Marklar (eztabaida) 19:13, 21 azaroa 2019 (CET)

Forma aldaketa eta forma aldatzaileak

Kaixo! Hilabete honetako lehiaketan forma-aldatzaile artikulua dugu, eta ikusi dut ingelesez bi daudela (forma-aldaketa kontzepturako, forma-aldatzaile pertsonaietarako). Uste dut bigarrena behar dugula, baina akaso gauza berbera da eta lotu ditzakegu beste modu batez Wikidatarekin, kontabilizatzeko 10.000 artikuluen zerrendan. Theklan (eztabaida) 12:09, 20 otsaila 2022 (CET)

Kaixo.Bai, ez nekien nola jokatu. Ingelesez, "forma-aldatzailea" "Shapeshifting"-era birbideratuta dago , eta beste hizkuntzetan dauden artikuluekin lotzeko, "Shapeshifting" egitea erabaki dut. Ez da apenas aldatuko bata ala bestea jarrita. Suna no onna (eztabaida) 12:36, 20 otsaila 2022 (CET)

Akitaniar panteoia

Kaixo Mentxu! Euskal mitologia artikuluan borobiltze bidean dago, eta pentsatu dut ondo egon daitekeela atal bat sartzea eusko-akitaniar jainkoen inguruan. Nik honen inguruan ezer gutxi, baina badakit zu aritu zarela. Ausartuko zinateke paragrafo bat idazten? Theklan (eztabaida) 00:20, 24 abuztua 2022 (CEST)

Kaixo. Artikulu bat egin nahi nuen eta denbora hartu nahi nuen hori egiteko. Pirinioetako panteoia sartu beharko litzateke, eta hegoalderago agertu diren idazkunetako teonimoak gehitu. Baina, bai, euskal mitologiako atal batekin has gaitezke. Suna no onna (eztabaida) 08:42, 24 abuztua 2022 (CEST)

Asteburuan izan beharko da. Suna no onna (eztabaida) 21:15, 25 abuztua 2022 (CEST)

Ez dago presarik. Theklan (eztabaida) 21:48, 25 abuztua 2022 (CEST)

Aztarnategi arkeologiko infotaula

Kaixo! Hobeto zuzenean idaztea, Txokoa baino hobea da pertsonekin hitz egiteko. Zer nahi duzu aldatu zehazki aztarnategi arkeologiko infotaulan? Nik egin dudana da automatizatzea, beste txantiloi askorekin bezala, baina akaso beste gauza bat duzu buruan. Theklan (eztabaida) 10:03, 13 uztaila 2023 (CEST)

Zerbait ikusten badut esango dizut. Orain dagoena lehengokoa baino askoz hobeto dago.

Zuzenean idatzi nahi nizun eta oker egin det. Suna no onna (eztabaida) 10:07, 13 uztaila 2023 (CEST)

izen gehiago

María José Iriarte Chiapusso, Naroa García Ibaibarriaga, Aritza Villaluenga, Adriana Soto, Andoni Saenz de Buruaga, Lourdes Herrasti edo Andoni Tarriño, besteak beste 88.11.97.150 20:00, 17 uztaila 2023 (CEST)

Palestinako historia sartuko al dugu?

Kaixo! Palestinako historia artikulua Wikipedia guztiek izan beharreko 10.000 artikuluen zerrendaren parte da. Orain arte eskas zegoen, eta ni ari naizenez Palestina artikulua hobetzen, zerbait hori ere gehi dakioke artikuluari. Hala ere, oso interesgarria izango litzateke garapen handiagoa izatea artikuluak. Animatzen bazara, artikuluen zerrendan ere jar dezakegu hilabete honetako erronkan. Theklan (eztabaida) 11:57, 1 azaroa 2023 (CET)

Kaixo, Galder Theklan. Larunbatean OPE bateko azterketa daukat eta ordurarte ezin naiz Wikipedian sartu. Sartzen naiz, oposaketa ikasteaz asper-asper eginda nagoelako, baina mugatu behar dut nere burua egun hauetan. Gero, bai, gehio egin dezaket. Suna no onna (eztabaida) 12:26, 1 azaroa 2023 (CET)

Zorte on, ba! Ez dut sartuko oraingoz artikulua. Badira beste batzuk ere ekiteko. Theklan (eztabaida) 12:34, 1 azaroa 2023 (CET)

Paleohispaniko / paleohispaniar

Kaixo, Suna no onna. Eskerrik asko nire eztabaida orrian utzitako mezuagatik. Ongi iruditzen bazaizu hemen erantzungo dizut.

Uste dut bi kontzeptu desberdin nahasteko arriskua dagoela hemen: herrialdea eta eskualdea.

• Hispania administratiboki Erromako Inperioko probintzia bat zen, gutxi gora behera K.a. 197tik K.o. 472ra arte, hau da, Erromako herrialde bat zen.
• Hispania eta Iberia geografikoki Iberiar penintsularen sinonimoak dira, hau da, Europako eskualde baten izenak dira.

Erromako Hispaniako herritarrak hispaniarrak ziren, baina erromatartu gabeko Antzinako Hispaniako herriak: iberiarrak, baskoiak, eta abar, herri hispanikoak ziren, Iberiar penintsulakoak alegia. Erromako Hispanian alfabeto latinoa erabiltzen zen, baina erromatartu gabeko Antzinako Hispanian hainbat idazkera hispaniko erabiltzen ziren: iberiko, baskoniko, eta abar.

Gaur egun hispaniko hitzaren esanahia zabaldu egin da, eta Espainiari eta gaztelaniaz mintzatzen diren herri eta kulturei ere badagokio. Bereziki Antzinate klasikoan erromatartu gabeko Iberiar penintsulakoari paleohispaniko deritzo 1980ko hamarkadatik aurrera.

Euskaltzaindiaren Hiztegi arauemailean hispaniko eta hispaniar hitzen definizioak aurkitu ditzakezu. Urtar (eztabaida) 13:05, 21 urtarrila 2024 (CET)

Kaixo, @Urtar. Nire zalantzak filologikoak ziren batez ere, eta Wikipediako arauekin lotua. Arauok diote besteek publikatu dituzten terminoak erabili behar ditugula. Esaten duzu "Iberiar penintsulakoari paleohispaniko deritzo 1980ko hamarkadatik aurrera." Zein hizkuntzatan? Euskaraz idatzitako iturrietara jotzen badugu, nik hau ikusi nuen:

• paleohispaniar: EHU, Gorrotxategirwen fitxa: https://www.ehu.eus/eu/web/graduak/filologiako-gradua/irakasleak?p_redirect=fichaPDI&p_idp=3183
• paleohispaniar: Egoibarra on-line aldizkaria: https://egoibarra.eus/eu/eibartarrak/joaquin-gorrochategui-churruca
• paleohispaniar: Gara egunkaria: https://www.naiz.eus/eu/hemeroteca/gara/editions/2022-11-15/hemeroteca_articles/baskoiek-beren-hizkuntzan-idatzi-zutela-baieztatzen-du-irulegiko-piezak
• paleohispaniar: Lur entziklopedia tematikoa
• paleohispaniko: Aranzadiren web-guneko artikulu bat: https://www.aranzadi.eus/eu/idazketa-eskuan
• paleohispaniko: berriako elkarrizketa Gorrotxategiri: https://www.berria.eus/kultura/ematen-du-hizkuntza-asko-aldatu-dela-eta-ez-dela-batere-aldatu_1324101_102.html

Hortik nire zalantza, zeren eta, aurretik paleohispaniar izena erabili duten kazetariek eta idazleek, ez dute gaztelaniazko "paleohispánico" hitza ondo itzuli?

Bide batez, ez gaizki hartu, baina, ni historian lizentziatua naiz eta nere espezializazio garaiak Antzinaroa eta Potrohistoria dira. Hispania ez zen inoiz probintzia bat izan. Hispanian hainbat probintzia egon ziren, denboraren poderioz aldatu egin zirenak une jakin batzuetan. Suna no onna (eztabaida) 13:50, 21 urtarrila 2024 (CET)

Eskerrik asko, Suna no onna. Iturriak ekartzea lagungarria da. Nik paleohispaniko izendapenaren zazpi adibide gehiago aurkitu ditut:

• (2000) hizkuntza paleohispanikoak https://www.euskadi.eus/web01-bopv/es/p43aBOPVWebWar/VerParalelo.do?cd2000002346
• (2012) hizkuntza paleohispaniko https://www.euskadi.eus/contenidos/informacion/hist_zertze_bibliografia/es_7409/adjuntos/Euskara_eta_inguruko_Hizkuntzak.pdf
• (2015) hizkuntza paleohispanikoak https://ehutb.ehu.es/video/58c67137f82b2b281c8b457b
• (2018) epigrafia paleohispanikoa https://diposit.ub.edu/dspace/bitstream/2445/167577/1/690058.pdf
• (2018) hizkuntza paleohispanikoen https://www.researchgate.net/publication/286453444_Arabako_hiztunak_XXI_mendeko_eleaniztasunean_Los_hablantes_de_Alava_en_el_multilinguismo_del_siglo_XXI
• (2018) hizkuntza paleohispanikoak https://www.euskaltzaindia.eus/dok/iker_jagon_tegiak/82339.pdf
• (2023) signario paleohispaniko baskonikoa: https://dialnet.unirioja.es/descarga/articulo/9260858.pdf

Badaezpada, lehenago ikusi ez baduzu, Wikipedia:Egiaztagarritasuna orrialdeak honako hau dakar:

"Iturri eta egile guztiek ez dute balio berdina eta, beraz, landutako gaiarekiko gertutasun handiena duten iturriak baliatuko ditugu: gaia zenbat eta zehatzagoa, erreferentziaren espezializazioa orduan eta handiagoa."

Beraz, egunkari artikulu batean behin "sistema paleohispaniar" agertzea ez dakit nahikorik den Wikipedian "idazkera paleohispaniar" izenburutzat jartzeko, "idazkera paleohispaniko" ordez. Bestelako iritzirik ba al duzu? Urtar (eztabaida) 14:31, 22 urtarrila 2024 (CET)

Erabat ados. Bilaketa Googleen eginez gero egunkariak eta herri-aldizkariak ateratzen zitzaizkidan, euskarazko lan akademikoak askoz urriagoak direlako. Bide batez, Euskaltzaindiaren web-gunean eta bilatu dut eta ez dut ezer topatu...

Eskerrik asko. @Suna no onna Suna no onna (eztabaida) 14:54, 22 urtarrila 2024 (CET)

1.000 artikuluak

Kaixo! Burdin Aroa Wikipedia guztiek izan beharreko 1.000 artikuluetako bat da. Nahi baduzu, parte hartu dezakezu artikulu horiek 30.000 bytetik gora igotzeko dugun proiektu erraldoian: Wikiproiektu:Wikipedia guztiek izan beharreko 1.000 artikuluen zerrenda. Merezi du! Theklan (eztabaida) 20:17, 21 urtarrila 2024 (CET)

Ados! Suna no onna (eztabaida) 20:21, 21 urtarrila 2024 (CET)

Axtrokiko brontzea

Kaixo, zuri eta @Luistxo, biei idazten dizuet, biak aritu zaretelako gai honekin. Dakizuenez, 100 objektuen inguruko proiektua abiatu dugu, eta uste dut Axtrokiko brontzeak garrantzitsuak direla. Hala ere, originalak Madrilen daude. Zuek uste duzue Madrilgoa jarri beharko genukeela? Edo San Telmoko kopia eta, ordua, San Telmo museoarekin hitz egiten dugunean sartu? Madrilgoa ez genuke eurekin hitz egingo, zuzenean sartuko genuke.

Bestetik, uste duzue artikuluan historia atal bat gehitzea posible dela? Horrek asko lagunduko luke proiektuan, noski. Batzuetan badakit zaila izango dela, baina testuingurua ematea objektuari garrantzitsua izango da.

Eskerrik asko Theklan (eztabaida) 09:31, 8 martxoa 2024 (CET)

Kaixo: Axtrokiko kopia dago ere Eskoriatzan, aurkitu zituzten udalerrian, hain zuzen. Baina han ez dute agian informazio osoa izango, ez baitute museorik. Duela egun batzuk liburu bat argitaratu du aurkikuntzaren urteurrena ospatzeko Eskoriatzako udalaren laguntzarekin, Xabier Peñalverrek idatzia. Nik Eskoriatzako udalera idatziko det ea materiala pasa ahal duten, ados?

San Telmokoak sartu beharko genituzke Madrilgoa sartu ordez. San Telmo hemen bertan daukagu eta hor emango digute objektuaren fitxaren bat, katalogo zenbakia, etab. Suna no onna (eztabaida) 09:46, 8 martxoa 2024 (CET)

Ados! Ba San Telmorekin gaudenean (oraindik ez gara hasi), aipatuko diegu. Hala ere, historia baldin badugu eginda, hori aurreratzen dugu. Theklan (eztabaida) 09:49, 8 martxoa 2024 (CET)

Bai, duda barik. Beste adibide batzuk (zerrendan sar daitezkeenak, edo ez, nire zerrenda probisionalean daudenak): antzinako epigrafia (@Suna no onna k ondo ezagutzen duena) egon daiteke Akitania, Gaztela edo Aragoin. Izturitzeko txirula Parisen dago. Pompeloko togatusa, Nafarroako Museoan geratu omen da, baina txiripaz, auskalo nongo bilduma batean baitzegoen. San Frantzisko Xabierrren beso ustelgabea, handik hona ibiltzen da baina egoitza Erromako eliza batean du. Tolosa Okzitaniakoan dago Errolanen adarra, objektu faltsu bat noski (Italian egina Orreagakoa baino 4 mende geroago), baina Orreaga eta mito fundatzaile batzuk ilustratzeko balio dezakeena (beste objektu mitiko-faltsu batekin alderatzeagatik: Nafarroako Kateak, Mendabiako eliza batean daude 46 katebegi... ez dokumentatuak Commons edo Wikipedian oraingoz, baina merezi dezaketenak tokia 100 obketuetan); ontzi edo beste aztarna batzuk egon daitezke Ternuan; Naiaran (Errioxa) Nafarroako errege-erreginen panteoi bat dago eta hango hilobi bat (edo beste nonbaitekoa) sar zitekeen zerrendan...

Objektu zehatzen kasuak goian aipatuak, baina iruditzen zait beste elementu batzuk izan daitezkeela generikoak ezta? Esate baterako erronka ilustratzeko aukeratu den irudian ageri dira eskusoinua edo BOJ kortxoa ateratzekoa. Museo batean ale bat gordetzen bada horiena edo Goggomobil bizkaitar batena adibidez, ba hobeto, baina bestela artikuluak eta ale baten argazkiak balio digute...

Beste zalantza bat dut nik objektu desagertuekin. Adibidez hau, Kontxako erret bainu-etxola. Zer iruditzen? Luistxo (eztabaida) 10:00, 8 martxoa 2024 (CET)

"Ahozko kulturan" esaten da Madrilgoak ere kopia direla eta benetazkoak, segururik, kutxa gotor batean egongo direla ondo babestuta. Bestalde, Eskoriatzako Ibarraundi museoan ere badute beste kopia bat. Suna no onna (eztabaida) 10:11, 8 martxoa 2024 (CET)

The plot thickens. Ari gara ere objektu etnografikoekin, gaur bilera dugu Nafarroako Museo Etnografikoan, adibidez. Eta horrela izan daiteke berdin objektu hau edo beste hori, garrantzitsuena delako zer kontatzen duten. Hala ere, hobeto zaudenean, zerrendarako dituzun ideia super onak antolatzen lagundu behar diguzu. Theklan (eztabaida) 10:12, 8 martxoa 2024 (CET)

Arabako Heraldika Museoa

Gabon, Suna no onna

2007an Arabako Heraldika Museoa itxi eta desmontatu zen. Mendoza dorretxea artikuluan zuzendu dut datu hau, baina "ez naiz ausartzen" Museoko artikulua aldatzen, jada ez baita existitzen eta ez baitakit nola jokatu (hasiberria naiz wikipedian) hanka sartu gabe 😉

Ed Alava (eztabaida) 02:25, 12 apirila 2024 (CEST)

Kaixo:

Nik oso ondo ikusten dut egin duzun informazioaren eguneraketa. Ondo izan eta aurrera Wikipediarekin! Suna no onna (eztabaida) 08:54, 12 apirila 2024 (CEST)

Egun on, eta mila esker zure erantzunagatik

Ez naiz batere ondo azaldu, barkatu. Arazorik ez Mendozako dorretxearen artikuluarekin, baina "Arabako Heraldika Museoa" jada ez da existitzen, beraz... zer egiten da kasu hauetan? iraganean hitzegin? "Bisita eta ordutegiak" atala ezabatu eta ohar bat jarri? artikuku osoa ezabatu? Ed Alava (eztabaida) 09:05, 12 apirila 2024 (CEST)

Kaixo. Nik bisita ordutegiak kenduko nituzke, itixiera data jarri eta esaldi batzuk aldatu. Adibidez, " 1963tik arabako Mendoza herriko Mendozatarren dorrean dagoen museoa da...." ordez, jarri 1963tik 2007ra Arabako Mendoza herriko Mendozatarren dorrean zegoen museoa izan zen...." Suna no onna (eztabaida) 11:15, 13 apirila 2024 (CEST)

Beste gauza bat. Artikuluan jartzen du Villanañeko elizara eraman nahi zutela museoa. Eta beste artikulu honetan dio asmoa bai, baina oraindik ez dutela museoa ireki: https://www.gasteizhoy.com/villanane-torre-palacio-varona/ Suna no onna (eztabaida) 11:33, 13 apirila 2024 (CEST)

Kaixo, Suna no onna

eta mila esker erantzunagatik. Saiatuko naiz artikulua aldatzen... hanka sartze handirik egingabe! aio Ed Alava (eztabaida) 20:18, 17 apirila 2024 (CEST)

Armendaritzen lana

Kaixo! Lan honi buruz, Tallinngo Hackathonenan garbitze lan bat egiten aritu nintzen, bertako katalogoa garbiturik. Datu teknikoak ez ziren asko, nahiko motz gelditzen da, batez ere gero Wikidatako propietateekin bat etorri behar direlako. Adibidez, lurzoruaren erabilera ez da Wikidatan existitzen. Bestalde, koordenatu sistema aldatu behar da. Horretarako, bihurgailu bat aplikatu behar da, eta hori modu laster samarrean egin ahal izatea. Oraingoz, beraz, horiek zailtasunak. Hasita dago, baina geldirik. Ongi segi -Iñaki LL (eztabaida) 19:52, 13 ekaina 2024 (CEST)

Eskerrik asko. Suna no onna (eztabaida) 09:55, 14 ekaina 2024 (CEST)

Miliarioak

Kaixo! c:Category:Miliaria in the Basque Country kategoria sortu dut, momentuz bakarrarekin, baina ziur zuk badituzula detektatuta beste batzuk. Theklan (eztabaida) 15:55, 7 urtarrila 2025 (CET)

Kaixo! Gehitu ditut beste lau argazki. Aurizperriko udalean/kultur etxean erakusgai daudenak falta dira. Ordenadorean nituela uste nuen eta orain ez ditu aurkitzen. Suna no onna (eztabaida) 18:01, 7 urtarrila 2025 (CET)

Donostian leku egoki bat wikitalde bat eratzeko

Kaixo Lankide:Suna no onna!! Ez legoke arazorik egon beharko. Are, hainbat urteetan Wikiproiektuetan parte hartu dute, Liburutegietan bereziki. Hemen adibide moduan egin zen lana. Horretan aritu zen ere MerZab lankidea. Edozein kasutan, Donostia Kulturaren egituraren baitan egin gabe, Kultur Etxeek eta Liburutegiek gelak uzten dituzte irabazi asmorik elkarte eta banakoentzat topaketak egiteko. Gaur egun esango nuke areto gehienek wifia duzuela. Liburutegi Nagusiak ez du gelarik horrelako jarduerak egiteko, baina hiriko kultur etxe guztiek bai (Egia, Okendo, Ernest Lluch...). Hor kontua da eguna eta ordua topatzea nahi den gelarekin, izan ere, eskari handia dago. Honetan laguntzea nahi baduzu, idatzi pribatutik eta emango azalpenak.

Beste aukera bat Emakumeen Etxea da. Han gainera Wikilantegi bat egin zen 2016an eta Berdintasun saila inplikatuta egon zen erabat Donostiapedia proiektuan, nahiz eta gaia zeharka tratatu zen, hau da, atal propioa eman gabe. Hor lan dezente egin zen hiriko emakume elkarte batzurekin. Badute areto on bat horretarako.

Gero arte -Xabier Cañas (eztabaida) 13:27, 20 otsaila 2025 (CET)

Kaixo, @Xabier Cañas:

Eskerrik asko entzunagatik. Mail bat bidaliko dizut. Suna no onna (eztabaida) 19:15, 20 otsaila 2025 (CET)

Euskal Herriko historiaurrea: zeramika

Kaixo! Ikusiko zenuen Euskal Herriko historiaurrea artikulua guztiz eraberritzen ari naizela. Lehen genuena Etor-Hostoa Entziklopedia Enblematikotik dator, 1990ko hamarkadaren amaieran idatzitako testua. Gainbegirada bezala ondo zegoen, baina oso zaharkitua geratu zaigu eta, gainera, estilo aldetik ez zetorren oso bat. Edukietako askok Barandiaranen paradigma zuten oraindik, pentsa!

Ba hasi naiz osatzen, han hemenka genuen testuekin, nik ondutakoekin... baina zeramika atalera iristerakoan, hor pixka bat blokeatu naiz. Eta ikusi dut zu ari zarela horrekin orain, eta agian interesatzen zaizu bereiztea Neolitoko zeramika, Brontze Arokoa eta Burdin Arokoa. Ahal baduzu, esadazu, ze badago lana artikulu hori zuzentzeko garaian. Theklan (eztabaida) 20:23, 24 iraila 2025 (CEST)

Saia naiteke. Ez dakit zer dagoen gai zehatz horri buruz, eta bilatu beharko det. Hain zuzen ere zeramikari buruzko gauza batzuk landu nahi nituen Historiaurrea (Neolitoa eta gerokoak) zeramikaren bidez ikertu direlako hein haundi batean, eta hurregatik, garai haiei buruzko artikulu batzuk ulertzeko, kontzeptu batzuk landuta izan behar ditugu. Apur bat erotzen ari baiz terminologia oinarrikoarekin. Zein da wikilarien artean, aproposena euskal terminologiari buruz galdetzeko? Suna no onna (eztabaida) 21:03, 24 iraila 2025 (CEST)

Artikulu hau dagoela ikusi du: Euskal Herriko historiaurreko zeramika Badirudi berregite sakona behar duela Suna no onna (eztabaida) 21:11, 24 iraila 2025 (CEST)

Horiek guztiak entziklopedia zaharkituetatik datoz, hor dugu arazoa. Theklan (eztabaida) 21:54, 24 iraila 2025 (CEST)

Jarriko bazara Euskal Herriko historiaurrea artikuluko zeramikari buruzkoak hobetzen, ez izan inongo beldurrik hor dagoena guztiz eraldatzeko, orain dela 30 urte idatzitako testu bat da, erreferentziarik gabe, eta hala moduzkoa izan daiteke, Theklan (eztabaida) 10:59, 1 urria 2025 (CEST)

Ados. Oraindik ez ditut gauzak guztiz argi. Suna no onna (eztabaida) 12:15, 1 urria 2025 (CEST)

Bide batez, galdera bat mapei buruz. Ni bi mapa egiten ari naiz Wikidatatik datuak atera nahizn:

1- Euskal Herriko kastroak

2- Zerrenda:Eusko-akitanierazko izendun idazkunak

Eta noizbait Erromatar garaiko aztarnekin sartuko naiz.

2ak arazoak ditu, baina aspaldi ez det berrikusi eta aaiatuko naiz konpontzen Burdin Aroko herri harresiutei buruz (kastroak) galdetu nahi nizun. Nafarrao Garaikoak sartzea falta zait eta 300 baina gehiago dira. biana bana banan sartu behar ditut ez dauakdalkao datu base bat. gehienak PDFn dagoen liburu batetik ateratzen ditut (https://www.cervantesvirtual.com/obra/de-aldeas-a-ciudades-el-poblamiento-durante-el-primer-milenio-ac-en-navarra/) eta ez daukat datu baserik. (Beste informazio iturria, Nafarroa Garaiko iparralderako batez ere) web gune bat da (https://wiki.txoperena.es/tiki-index.php?page=Poblados+de+la+edad+del+hierro). Betalde, idazkunak Gorrotxategiren paperezko liburutik atera behar ditut, 1984koa. Badago modu azkarrago bat, PDF izanda, datuak ateratzeko? Beste wikilari bat saiatu zeneta abdirudi ez dela batere erraza. Badakit Webn gunetik ere atera daitezkeela python erabiliz. Oriandi kez naiz saiatu, Armendarizena amaitu nahi nuelako lehenago. Suna no onna (eztabaida) 12:34, 1 urria 2025 (CEST)

PDF luzeekin oso zaila da, badago orain AA bidez gauzak ateratzeko modua, baina ez ditu beti guztiak ondo lortzen, eta asmatu ahal ditu ere. Saiatu naiz Nafarroako kastroen horrekin, baina luzeegia da aztertu ahal izateko. Theklan (eztabaida) 14:00, 1 urria 2025 (CEST)

Mertxi! Suna no onna (eztabaida) 15:02, 1 urria 2025 (CEST)

Zeuk idatzitako «Lug (jainkoa)» artikuluari buruzko iritzia

Arratsalde on, Suna no onna. Zeuk idatzitako «Lug (jainkoa)» artikulua irakurtzeak atsegina dakar eta nire ustez artikulu onen zerrendan sar daiteke oso ongi idatzita baitago. Horretarako oraindik ere dauden hutsune guztiak iturriez (erreferentziez) betetzea txundigarria izango litzateke (hau da, atal bakoitzaren amaieran erreferentzia egoki bat jarri behar da), hala ere laguntza behar baduzu horrekin, nire laguntza eskaini dezaket. Galdetu lasai. Eniisi Lisika (eztabaida) 16:53, 20 azaroa 2025 (CET)

Kaixo, Einisii: Pozten nau artikuluak gustatu izanak. Dena dela, ez dakit artikulu horrek merito hori merezi duen; azken finean frantseszko bertsiotik informazioaren zati haundi bat hartu nuen. Hala ere, arrazoia dudu: erreferentzia gehiago behar ditu. Antzinako erlijioen gaian, eta batez ere, mitilogiaren gaian, asmakizun asko daude Interneten errepikatzen direnak eta horregatik kontu haundiagoarekin ibili behar gera gai horiei buruz idazten badugu. Artikulu horretan erreferntziak sartu nahi badituzu eta zuzenketak egin edo informazio gehiago erantsi, aurrera, ba!! Dagoeneko, akats ortografiko-tipologiko batzuk ikusi ditut, baina gaur nahiko lan daukat lantokian eta ezin iznago naiz sartu zuzenketak egitera. Suna no onna (eztabaida) 10:07, 21 azaroa 2025 (CET)

Agian zabaldu behar da (hots, frantseszko artikuluak ez duen informazio gehiago erantsi) eta hori egin ondoren, artikuluak zalantzarik gabe aski edukiko luke «artikulu on» bat izateko. Nik, eskuarki, lehen urratsa egiteko ingelesez idatzitako artikuluei begiratzen diet «asmakizunak» (zuzen ulertzen badut, Sarean erraz ikus daitekeen gezurrezko informazio esan nahi duzu) saihesterakoan eta zerbait berri gehitzeko, ingelesezko Wikipedian ondo orrazten baitute idatzitakoa, gezurrezko dena berehalakoan kenduz; horrez gain, jakitunek (adituek eta zientzilariek) bakarrik idatzitakoa eta zientzia-aldizkarietan argitaratutakoa erabiltzea onena izango litzateke (eta, adibidez, norbaiten blogak eta antzekoa dena saihestu behar dira) - horrela sinesgarritasun maila ezbairik gabe handiagoa da. Ikusiko dut zer hobetu dezakedan. Eniisi Lisika (eztabaida) 22:43, 24 azaroa 2025 (CET)

Ondo iruditzen zait proposatzen dezuna. Ni saiatzen naiz artikulu akademikoen bidez informazioa baieztatzen. Batzuetan, erreferentzietan edo kanpo esteketan, artikulu akademikoak gehitzen ditu baina ez dut goitik behera begiratu informazio gehiago ateratzeko, beraz, hor ere atera daiteke zerbait. Suna no onna (eztabaida) 21:15, 26 azaroa 2025 (CET)

Erretaulak eta

Kaixo Mentxu (@Suna no onna) Commons atal honetan iruzkin bat utzi duzu euskaraz, hemen: "Inglesez, altarpice edo altar piece, egitura arkitektonikoa duen erretaula edo pintatutako erretaula izan daiteke, eta reredos, bakarrik pintatuta dagoen erretaula. Horregatik kategorietan berezitu dira."

Ez dut uste hori denik ingelesez... irakurri ditut definizio batzuk, eta ingelesez ere ez dira aklaratzen, eta gainera hiru artikulu dituzte gauzak nahasteko: Retable /Q3714446, Altarpiece Q15711026, Reredos Q46686. Ez dut ulertzen ze desberdintasun tipologiko daude. Badaude batzuk hortik, ea taula margotuak edo taillak dira, baina egia esan batetik eta bestetik nahasten dituztenak ere badaude... Tipologia zehatz argi bat iruditzen zait erretaula nagusia, Iberiar penintsulako erresumetan garatu zena Gotikotik (eta hori neuk sortzea egoki ikusi dut), eta akaso erretaula tolesgarri edo hegaldunak, baina hauetan ere, gorde diren pieza batzuetan gerta liteke erdiko gorputza gorde dela, eta orijinalki zela gauza bat hegalduna, baina orain jada ez. Beste tipo argi batzuk dira historiko-geografikoak, hala nola erretaula flandestarrak, Aragoiko alabastrozkoak, Espainia Berriko urreztatu barrokoak...

Orduan, bi gauza: nire sujerentzia da Commons-etik kentzea iruzkin hori, ez duela asko aportatzen. Eta bi: aholku eskaera... Euskarazko erretaula lotua dago orain Altarpiece Q15711026 wikidatarekin, baina koherenteagoa da akaso lotzea Retable /Q3714446 delakoarekin lotzea? etimologikoki ere hitza hor dauden nazioartekoekin lotuago dago, eta hizkuntza desberdinetako hizkuntza gehien dituena horixe da baita ere. Zer iruditzen azken puntu hau? Luistxo (eztabaida) 10:39, 26 azaroa 2025 (CET)

Kaixo, Luistxo. Batzuetan, eromena da Wikidata eta inglesezko terminoak eta guk erabilten ditugunak enkajatu nahi izatea. Gainera, kasu askotan, paperean idatzizko obrak kontsultzea ez da beti eraginkorra. Badakizu: "cada maestrillo su librillo"... Artearen historia, edo Historia bera, ez dira %100ean adostutako terminologia erabiltzen saitzen den zientzia zorrotz horietako bat. Eta gainera hizkuntz erremu desberdinetan eremu semantiko desberdinak erabil daitezke. "Baldakino" hitzarekin ere denbora pila egon nintzen ingelesezko, frantsesezko, eta gaztelaniazko definizioak eta erabiltzen diren hitzen eremu semantikoa bilatzen, eta ez nuen kontua gehiegi argitu.

Aldareen kasuan, pentsatzen dut arrazoia izango duzula. Ez dut arazorik kentzen baduzu eta kategorietan proposatzen duzun aldaketekin. Suna no onna (eztabaida) 11:21, 26 azaroa 2025 (CET)