Larrea (Barrundia)

Larrea
Euskal Herria
Larrearen ikuspegia, herriko kale nagusia den A-3012 errepidetik.
Kokapena
Herrialdea	Araba
Udalerria	Euskal Autonomia Erkidegoa
Administrazioa
Posta kodea
Geografia
Koordenatuak	42°54′55″N 2°28′08″W
Garaiera	569 metro
Demografia

Artikulu hau Arabako herriari buruzkoa da; beste esanahietarako, ikus «Larrea».

Larrea Barrundia udalerriko herrietako bat da. Iparraldean Elgeako mendilerroa dauka, eta bestaldean Araotz auzoa (Oñati). Mendebaldean Hermua, hegoaldean Heredia eta ekialdean Narbaxa herri arabarrak mugakide ditu. Gaur egun ezaguna da gaztagintzagatik, Arabako Lautadako beste herri batzuk bezala.

2007ko urtarrilaren 1eko erroldan, auzoak 88 biztanle zituen.

Demografia eta biztanleria

Larreko biztanleria

2000	2001	2002	2003	2004	2005	2006	2007
70	71	73	79	81	79	83	88

Garraioa

Araba Bus sareko  lineak zerbitzua ematen dio herri honi:

Araba Bus  Zerbitzua   Hasiera   Ibilbidea   Amaiera ⁠ 4 Gasteiz (geltokia) Gasteiz (Alas/Boulebard) • Zurbao • Ilarratza • Matauku • Arbulu • Argomaiz • Venta del Patio • Mendixur • Matura • Ozeta • Hermua • Larrea • Axpuru • Barria (bidegurutzea) • Barria (aterpe) • Narbaxa • Arriola • Gordoa Galarreta

Gainera, Eskualdeko Garraioa sareak linea bat ditu herrian:

Eskualdeko Garraioa  Zerbitzua   Hasiera   Ibilbidea   Amaiera ⁠ 8b Agurain Erdoña Ozeta Etxabarri Urtupiña • Audikana • Etura • Gebara • Mendixur • Matura • Marieta-Larrintzar • Elgea • Hermua • Larrea • Axpuru • Narbaxa • Zuhatzola • Deredia • Dallo • Arrieta Agurain Erdoña Ozeta

Larretar ospetsuak

• Joan Perez Lazarraga (1548?-1605), bertako dorrearen jaunetako bat, bai eta ezaguna den Hego Euskal Herriko euskal testurik zaharrenaren egilea ere (Lazarragaren eskuizkribua, 1567-1602 bitartean idatzia).
• Bruno Villareal (1801-1862), karlisten Arabako komandante nagusia Lehen Karlistaldian.

Lazarraga dorrearen aurrealdearen zati bat.

Ondasun nabarmenak

• Lazarraga dorrea (Lazarragatarren dorretxe izana, gerora baserri bihurtua), Eusko Jaurlaritzak kultura ondasun izendatua 2002an.
• Donemiliagaren parrokia-eliza, XVI. mendeko fabrika duena, eta XVIII. mendeko ataria.

Jaiak

• Uztailaren 4an "El Barte".
• Abuztuaren 16an San Roke.

Bibliografia

• Alava, pueblo a pueblo. Jose Luis Sáenz de Ugarte (1983). Caja Provincial de Álava - Arabako Kutxa

Kanpo estekak

Euskarazko Wikipedian bada atari bat, gai hau duena: Euskal Wikiatlasa

• Datuak: Q2743345
• Multimedia: Larrea (Álava)

• (Gaztelaniaz) «Bolo baserria», Hiru.com webgunea.