Latsazur

Wikipedia, Entziklopedia askea
Emakume bat latsazur bat erabiltzen bokata egiteko.

Latsazur edo ikuztohol [1] bat eskuz bokata egiteko erabiltzen den tresna da. XX. mendean garbiketa mekanizatua ohikoa bilakatu zen heinean, latsazurrak gehiago erabiltzen hasi ziren musika tresna gisa.

Deskribapena eta erabilera[aldatu | aldatu iturburu kodea]

Latsazurrik ohikoenak egurrezko egitura laukizuzen bat dira, gainean ildaskatutako egitura bat dutenak garbitu nahi den arropa igurtzi ahal izateko. XIX. mendean ildaska hauek zurezkoak izan ohi ziren, baina XX. mendetik aurrera metalezkoak ere sortzen hasi ziren. AEBn zinkezko latsazurrak XIX. mendean hasi ziren, eta beranduago altzairu galbanizatuzkoak edo beirazkoak[2].

Munduko leku askotan oraindik erabiltzen dira latsazurrak garbitzeko[3]. Arropak xaboi eta urarekin bustitzen dira harraska batean eta, ondoren, latsazurrak dituen ildasken aurka igurzten da, garbitzeko erabilitako likidoa arropako txoko guztiak busti ditzan. Latsazurrak ere erreka alboan erabili daitezke, xaboiarekin edo ez. Honela, antzina erabiltzen ziren lixiba-palak baino metodo hobea lortzen da, arropa gutxiago kaltetuz.

Erreferentziak[aldatu | aldatu iturburu kodea]

  1. Hidalgo, Juanjo. (2006). Hacer la colada, una dura tarea del pasado en manos de mujeres.. AVNIA Kultur Elkartea, 15 zenbakia, 68-86 or. or..
  2. «History of washboards, invention of zinc scrub boards & other rubbing boards» www.oldandinteresting.com Noiz kontsultatua: 2021-06-16.
  3. (Ingelesez) Cahn, Arno. (1994-01-30). Proceedings of the 3rd World Conference on Detergents: Global Perspectives. The American Oil Chemists Society ISBN 978-0-935315-52-3. Noiz kontsultatua: 2021-06-16.

Kanpo estekak[aldatu | aldatu iturburu kodea]