Nahiz eta sarbidea irisgarria izan, geltokiaren erabilera ez da irisgarria, nasa eta trenaren arteko maila ezberdinatsuna dela eta. Arartekoak argitaratutako irisgarritasuna eta garrioaren ikerketa-diagnosiaren arabera, «Mugikortasun Urriko Pertsona erabiltzaileak ezin du modu autonomoan nasa eta unitate mugikorraren plataformaren arteko desnibela libratu», eta «Burdinbide zerbitzuen eragileak ez du Mugikortasun Urriko Pertsona erabiltzaileari bermatu ibilgailutik igo edota jaistea.»[2]
Etorkizunean Bilboko Renfeko Aldirien sarean mugikortasun urriko pertsonei egokitutako trenak ezartzea espero da. Bitartean, 2018ko udan zehar plataforma irisgarri mota ezberdinekin hainbat froga egin ziren.[3]
Laudio udalerriko hirigunearen ekialdean kokatzen da. Bidaiarien eraikinak oin laukizuzena eta bi solairu ditu. Behe partean hormak harlanduzkoak dira, eta gainontzeko parteetan luzituz estalitako harginlanezkoak. Estalkia bi isurialdeetako teilatua da. Fatxada gorputz nagusi batez eta alboetara gorputz simetriko txikiago banaz osatuta dago. Sarbidea gorputz nagusiaren erdialdetik egiten da, non zirkuluerdiko arku handia dagoen, eta horren gainean hiru bao jasotzen dituen balkoia, forjazko baranda batek babestuta. Eraikinaren ornamentazioa armarri bat duen frontoiz eta moldura eta ukondo konikoz osotzen da, amaieran dorretxo zirkularrak daudela. Bidaiarientzako eraikinak leihatiladun txarteldegia, txartel salmenta eta balioztatze makina automatikoak, itxaron gela, kafetegia eta 2017tikdesfibrilagailua ere jasotzen ditu.[8]
Geltokiak lau trenbide eta bi nasa ditu, bata albokoa eta bestea zentrala, eta azken honetan 1931ko markesina bat dago. Nasen arteko aldaketa trenbideak azpitik zeharkatzen dituen tunela erabilita egiten da.
Burdinbide azpiegitura osatzeko orratz aldaketak egiteko gela, komunak jasotzen dituen eraikin txikia, biltegi funtzioa duen pabilioia eta zama tunelak daude. Kanpoaldean aparkalekua dago.
Araba
Bilbo ↔ Urduña
Gasteiz ↔ Laudio – Artziniega
Artziniega ↔ Okondo
C-3 linea
Castejon — Bilbo: 227,500 kilometro-puntua
Jose Matia kalea, 2
Datuak: Q3381376
Multimedia: Laudio/Llodio train station / Q3381376
Bizkaia
Nafarroa
Gaztela eta Leon
Errioxa
