Laura Bassi

Wikipedia, Entziklopedia askea
Jump to navigation Jump to search
Laura Bassi
Laura Bassi - Carlo Vandi.jpg
Bizitza
Jaiotza Bolonia1711ko urriaren 31
Herrialdea  Aita Santuen Lurraldea
Bizilekua Bolonia
Heriotza Bolonia1778ko otsailaren 20a (66 urte)
Hezkuntza
Heziketa Boloniako Unibertsitatea
Hezkuntza-maila Ph.D.a
Hizkuntzak latina
italiera
Jarduerak
Jarduerak fisikaria, unibertsitateko irakaslea, matematikaria, anatomista, professor of philosophy Itzuli eta filosofoa
Lantokia(k) Bolonia
Enplegatzailea(k) Boloniako Unibertsitatea

Laura Bassi (Bolonia, 1711ko urriaren 31 - ib., 1778ko otsailaren 20a) filosofa, irakaslea eta zientzialari italiarra izan zen.

Ume prodijioa izan zen eta matematika-heziketa, filosofia, anatomia, historia naturala eta hizkuntza klaseak jaso zituen Gaetano Tacconi Boloniako Unibertsitateko medikuntza irakaslearengandik. Bassik zientziari buruzko interesa garatu zuen eta bere familiak eta lagunek adore eman zioten, haien artean Lambertini kardinal arrakastatsua (gero Benedikto XIV.a aita santua bilakatuko zena), postu akademikoa bilatzeko.

1732an graduatu zen, filosofia-irakasle postu bat lortu zuen unibertsitatean eta Boloniako Zientzia-Akademiaren kide bihurtu zen. 1738an Giuseppe Veratti ezkodu eta hamabi seme-alaba izan zituen. Bere ezkontzak ez zuen bere lanbide-karrera erraztu. Emakume bezala, ordura arte zailtasun ugariekin topo egin zuen. Adibidez, konferentzia publikoak ospa zitzakeen Senatuaren baimenarekin soilik. 1749an, zailtasun hauek arintzeko, laborategi pribatu bat inauguratu zuen, Europa osoan ospetsua izan zena eta, bertan, ospetsuak izango ziren zientzialari entzutetsu eta gazteak hartu zituen. 1776an soilik Boloniako Senatuak fisika esperimentaleko katedra eman zion Zientzia-Institutuan.