Layer Cake (filma)

Wikipedia, Entziklopedia askea
Hona jauzi: nabigazioa, Bilatu
Layer Cake (filma)
Filma
Jatorrizko izena Layer Cake
Urtea 2004
Generoa polizia filma
lapurreta filma
film adaptazioa
drama filma
Herrialdea Erresuma Batua
Jatorrizko hizkuntza ingelesa
Oinarritzat hartutakoa Layer Cake
Iraupena 106 minutu
Kolorea koloretakoa
Grabazio lekua(k) Amsterdam
Zuzendaritza eta gidoia
Zuzendaria(k) Matthew Vaughn
Gidoigilea(k) J. J. Connolly
Antzezlea(k)
Daniel Craig
Colm Meaney
Sienna Miller
Michael Gambon
George Harris
Jamie Foreman
Tom Hardy
Sally Hawkins
Ben Whishaw
Burn Gorman
Dexter Fletcher
Francis Magee
Jason Flemyng
Kenneth Cranham
Marcel Iureș














Ekoizpena
Ekoizlea Matthew Vaughn
Konpainia ekoizlea Sony Pictures Classics
Marv Films

Edizioa Jon Harris
Bestelako lanak
Musikagilea Lisa Gerrard
Argazki-zuzendaria Ben Davis
Kanpo loturak

Layer Cake, batzutan Layer Cake izenburuaz, 2004ko Matthew Vaughn ingeles zinema zuzendariaren ekintza thriller filma bat da. J. J. Connolly ingeles idazle eta gidoigilearen izenburu berdineko Layer Cake eleberrian oinarritua dago. Daniel Craig, Colm Meaney, Sienna Miller eta Michael Gambon aktoreek antzeztu zuten.

Izenburuak gizarte estratifikazioari aipamena egiten dio, batez ere Erresuma Batuko legez kanpoko azpimundu kriminalean erabili ohi den hitza da, hain zuzen ere filma bera gauzatzen den giroan.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Bradek (Daniel Craig) itxura on, ongi jantzia eta jatorra den negoziogizona dirudi. Kokaina eta estasuarekin merkantzia arrunta izango balitz bezala negoziatu ohi du. Eskuak zikindu edota bere anonimatoa galdu gabe dirutza egitea lortu du, eta orain negozio horretan nahiko ibili eta oraindik dirutza hartaz gozatzeko gaztea denez erretiroa hartzeko asmoa du. Honela, egun pare batean "negoziotik" at egongo dela aurreikusi eta bere asmoa gauzatzeko zuhur jokatzeko asmoa du.

Jimmy Price (Kenneth Cranham) Londresko krimen antolatuaren nagusia eta buruzagiak Bradi mesede parea eskatuko dizkio. Eddie Temple (Michael Gambon) buruzagi kriminal boteretsuaren alaba drogazalea (Sienna Miller) desagertu egin da eta Pricek Bradi hura topatzeko eskatuko dio. Betebeharra hasiera batean erraza dirudi, baita Pricek eskatuko dion bigarren mesedea ere: "The Duke" (Jamie Foreman) izeneko hiltzaile batek estasi bildaketa handi bat topatu du, Pricek harekin bitartekari lanak egin eta droga hori erosteko norbait behar du, hots, Brad bera. Bradek bi mesede horiek egin eta jada azpimundu ilun horrekin behin-betiko amaituko du, bizi berri bati hasiera emanez. Baina erraza zirudiena okertuz joango da. Joko honetan Slavo izeneko (Marcel Iureş) Serbiako gerra jaun misteriotsu eta ezkutuko bat ere sartuko da, bai eta Brad lagundu edota oztopatuko duten Londresko azpimundu kriminaleko tipo arriskutsuak ere. Brad drogen negoziotik ateratzeko beharbada duen guztia eman beharko duela jabetzen da, baita bizia bera ere.

Aktoreak[aldatu | aldatu iturburu kodea]

Kanpo loturak[aldatu | aldatu iturburu kodea]