Leonor de Toledo

Leonor de Toledo
(1543) Irudi gehiago
erregeorde
Bizitza
Jaiotzako izen-deiturak	Leonor Álvarez de Toledo y Osorio
Jaiotza	Toledo, 1522 (egutegi gregorianoa)
Herrialdea	Espainia
Heriotza	Pisa, 1562ko abenduaren 17a (egutegi gregorianoa) (39/40 urte)
Hobiratze lekua	San Lorenzo basilika
Heriotza modua	berezko heriotza: malaria
Familia
Aita	Pedro Álvarez de Toledo, Marquis of Villafranca
Ama	María Osorio Pimentel
Ezkontidea(k)	Cosimo I.a Medici  (1539ko martxoaren 29a -  1562ko abenduaren 27a (egutegi gregorianoa))
Seme-alabak	ikusi Maria Cosimo Medici Frantzisko I.a Medici Isabella Medeci Giovanni de' Medici (en) Lukrezia Medici Garzia de' Medici (en) Fernando I.a Medici Pietro de' Medici (en) Pedricco de' Medici (en) Anna de' Medici (en) Antonio de' Medici (en)
Haurrideak	ikusi García Álvarez de Toledo, 4th Marquis of Villafranca (en) Luis Álvarez de Toledo Osorio Fadrique Álvarez de Toledo y Osorio (en)
Leinua	House of Alba (en)
Hezkuntza
Hizkuntzak	gaztelania
Jarduerak
Jarduerak	politikaria

Leonor de Toledo, ezaguna Leonor Álvarez de Toledo edo Eleonora Álvarez de Toledo izenez ere (Alba de Tormes, Salamanca, 1522 – Pisa, 1562ko abenduaren 17a) espainiar aristokrata eta gobernatzailea izan zen, Florentziako dukesa, Cosimo I.a Medicikoaren emaztea izateagatik 1539tik hil zen arte. Latinezko dibisa Cum pudore laeta foecunditas (euskaraz: Apaltasunez, gozo emankorra) zen.

Bizitza

Leonor Salamancan jaio zen, Espainian, Pedro de Toledo edo Pedro Álvarez de Toledoren —Napoliko Erregeordearen— eta María Osorio Pimentelen —Villafranca del Bierzoko II. markesaren— alaba.

Ezkontza

Cosimo I.a Medici Florentziako dukea emazte baten bila zebilen, bere posizio politikoa indartzen lagundu ziezaiokeena, eta Karlos V.a enperadoreak aliantza bat behar zuen Medicitarrekin, Toskanako lurraldeetan tropa espainiarrak eduki ahal izateko. Hautagai perfektua izan zen Leonor, Napoliko erregeordearen alaba. Leonor ederra zen, izugarri aberatsa, eta bere aita italiar penintsulako gizonik boteretsu eta indartsuenetako bat zen, Alba etxearen leinukoa.

Cosimo eta Leonor Florentzian ezkondu ziren, 1539ko maiatzaren 14an. Hasiera batean, bikotea gaur egungo Medici Riccardi Jauregian bizi izan zen, eta handik gutxira Palazzo Vecchiora joan ziren, une hartarako hobetuta eta handituta. Ezkondu eta hamar urtera, senar-emazteak Leonorrek erosi zuen bizileku berrira joan ziren, Pitti jauregira.

Mezenas handia izan zen, Bronzino eta Pontormo bezalako artistak babestuta, Medicitarren pintura bilduma izugarri handitu zuela. Dirudienez, Leonorrek eragin handia zuen bere senarrarengan, eta bera zen duke handiaren umore aldaketa etengabeak eta izaera barnerakoia baretu zitzakeen bakarra.

Leonor de Toledo bere seme Juan Medicirekin, Bronzinok erretratatuak

Ondorengotza

Leonorrek hamaika seme-alaba izan zituen Cosimorekin, horien artean heldutasunera iritsi ziren bost seme-alaba (Francisco, Juan, García, Fernando I.a Medicikoa eta Pedro); seme-alaba horien aurretik, leinua desagertzeko arriskuan egon zen. Horrela, oinordekoak alaben ezkontzaren bidez Italiako dinastia eta familia nobleekin elkartuz, Toskanan indar eta egonkortasun aro bat inauguratzeko gai izan ziren.

Irudia	Izena	Jaio zen	Hil zen	Heriotzaren aroa	Oharra:
	Maria Medici	1540	1557	17 urte	Malariak jota hil zen.
	Frantzisko I.a Medici	1541	1587	46 urte	Juana Habsburgo-Jagellongoren senarra eta Bianca Cappellorena bigarren ezkontzan. Pozoitu egin zuten.
	Isabella Medici	1542	1576	34 urte	Paolo Giordano Orsiniren emaztea. Ezkontideak itota hil zen.
	Joanes Medici	1543	1562	19 urte	Malariak jota hil zen.
	Lukrezia Medici	1545	1561	16 urte	Alfontso II.a Ekialdekoaren emaztea, Ferrarako dukea, ustez senarrak pozoitu zuen.
	Pedricco	1546	1547	ia urtebete
	Garcia	1547	1562	15 urte	Malariak jota hil zen
	Antonio	1548	1548	0
	Fernando I.a	1549	1609	60 urte	Kardinal oso gaztea, gero Cristina de Lorenarekin ezkondu zen.
	Ana Medici	1553	1553	0
	Pedro	1554	1604	50 urte	Leonor de Toledo Colonnaren senarra, ustez adulterioarengatik hil zuena; 1593an Beatriz de Menesesekin ezkondu zen.

Leonor de ToledoBronzinok erretratatua

Nortasuna

Leonorren kontakizun garaikideek gezurtatu egiten dute bere erretratu askotan agertzen duen itxura formala. Bere bizitza pribatuan jolastea maite zuen, umeez eta senarra ez zegoenean gobernatzeaz arduratzen zen. Bidaiari saiatua zen, jauregiz jauregi etengabe mugitzen zena.

Urre eta zilarrezko hamar ehule erabiltzen zituen etengabe bere soinekoetan lan egiteko, eta esan ohi da bere arropa ederra bere itxura akastuna mozorrotzeko erabil zezakeela. XXI. mendeko auzitegiko medikuek haren gorpuzkiei buruz egindako ikerketek agerian utzi dute hezurretan kaltzio-eskasia izugarria dagoela (haurdunaldi ugari eta jarraituen ondorioetako bat), eta horrek osasun-arazo larriak eta hortzetako mina eragin zizkiola.

Heriotza eta hilobia

Leonor Toledokoa Pisan hil zen, 1562an. Kostaldeko giroaren bila joan zen hara, jasaten zuen biriketako gaixotasuna arindu nahian, eta, azkenean, bertan hil zen.

Florentziako San Lorenzo Basilikan dagoen Leonor Toledokoaren hilobiaren plaka, latinez

Gorpua Florentziako San Lorenzo Basilikako hilobi batera eraman zuten.

Hemen hobiratua dago:

ELEONORA, PEDRO DE TOLEDOREN ALABA

XV. ALBAKO DUKEA, NAPOLIKO ERREGEORDEA

VIRREY, COSIMO I.A MEDECI, ETRURIAKO KONDEA, 1562KO EKAINAREN 15EAN HIL ZEN, 40 URTEREKIN, 23 URTE ELKARREKIN

Bera hil eta mende batzuetara, mito bat sortu zen, bere seme Garciak, bere anaia, Juan, hil zuela zioena, 1562an izandako liskar baten ondorioz, zeinak, era berean, bere aita Cosimo, haserre, Garcia bere ezpataz hil zuen eta Leonor, larrituta, atsekabez astebetera hil zen. Hala ere, deshobiratze modernoek ez zuten inolako indarkeria zantzurik erakutsi gorpuetan eta denak malariaz hil zirela egiaztatu zen 1562an.

Kanpo estekak

• Datuak: Q237717
• Multimedia: Eleanor of Toledo / Q237717

Aurrekoa: Margarita Parmakoa

Florentziako II. Dukesa ezkontidea 1539 - 1562

Hurrengoa: —