Les Poires

Wikipedia, Entziklopedia askea
Jump to navigation Jump to search
Les Poires. Egilea: Honoré Daumier (1831)
Les Poires. Egilea: Honoré Daumier (1831)

Les Poires La Caricature aldizkarian 1831ean argitaratutako marrazki serie famatua da. Errepublikarrek sinbolotzat hartu zuten Luis Filipe I-ren Uztaileko monarkiaren aurka.[1]

Testuingurua[aldatu | aldatu iturburu kodea]

Jatorrizko marrazkia Charles Philiponek egin zuen, 1831eko azaroaren 14ean. Luis-Filipe I erregea iraintzearengatik salatua, epaitegian lekukotasuna ematen ari zen. Kondenatua izango zela ziurtzat emanez, bere defentsarako, epaileen aurrean marrazki sorta hau egin zuen, erregearen antza edozerk har zezakeela frogatze aldera.[2] “Transformazio honetako zein urrats zehatz dela-eta kondenatu nahi nauzue?”, galdetu zien epaileei.[3] Epaiketaren ostean, Philiponek berak zuzendutako La Caricature aldizkarian argitaratu nahi izan zuen; horretarako, marrazki sorta berregitea eskatu zion Honore Daumier kolaboratzaileari; Daumierren marrazki hau 1831eko azaroaren 24ean argitaratu zen, aldizkariaren 56 zenbakian; berehalako arrakasta izan zuen.[4]

Deskripzioa[aldatu | aldatu iturburu kodea]

Les Poires lau irudiz osatutako sorta da, Luis-Filipe erregearen aurpegiaren metamorfosia erakusten duena, pixkanaka madari bilakatuz. Karikaturak erregearen gainbehera irudikatzen du, kudeaketan zein herriaren atxekimendu mailan.

Populuaren iraultza[aldatu | aldatu iturburu kodea]

Daumierren marrazkiaren argitalpenak Charles Philiponek igurikitako emaitza lortu zuen. Bere hitzetan: “Aurreikusitakoa gertatu zen. Populuak irudi satiriko eta sinplea hartuta, alde guztietatik madariak marrazteari ekin zion: pintatuz, zirriborratuz, grabatuz... Laster Pariseko murru guztiak madariz beteta zeuden, eta handik Frantziako horma guztietara zabaldu ziren”.[2]

Erreferentziak[aldatu | aldatu iturburu kodea]

  1.   Lenoir, Noëlle (2005) La vie politique, de Daumier à nos jours Somogy 82. orrialdea .
  2. a b   Rissoan, Jean-Pierre, Caricature : les "poires" de Philipon..., . Noiz kontsultatua: 2018ko apirilaren 9a .
  3.   Alonso, Jon (1998) Camembert helburu Susa 137. orrialdea ISBN 978-84-86766-87-0 .
  4.   Renault, Jean-Michel (2006) Censure et caricatures Pat à Pan 14. orrialdea .