Leukoplasia

Wikipedia, Entziklopedia askea
Jump to navigation Jump to search
Leukoplasia
Leukoplakia02-04-06.jpg
Deskribapena
Mota eritasun
Espezialitatea otorrinolaringologo
Identifikatzaileak
GNS-10 K13.2, N48.0, N88.0, N89.4 eta N90.4
GNS-9 528.6, 530.83, 607.0, 622.2, 623.1 eta 624.0
DiseasesDB 7438
MedlinePlus 001046
eMedicine 001046
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Leukoplasia aho mukosako minbizi aurreko lesio ohikoena da. Azkeneko urteotan, testuinguru kliniko batean pean, nagusiki zuria den lesio bat bezala definitzen da, arraspatzean askatzen ez dena, beste modu batean sailkatu ezin dena eta aho minbizia garatzeko arriskua duena. Tabakoa gaitz hau garatzeko faktore garrantzitsuena da, baina beste batzuk ere ager daitezke, hala nola, alkohola eta kandidiasia. Diagnostikoa egiteko lehenik behin behineko diagnostiko kliniko bat egitea gomendatzen da eta, azkenik, aldagai etiologiko guztiak identifikatu eta ezabatu ondoren, behin betiko diagnostikoa. Era berean, lesioak aho mukosan 2-4 astez jarraitzen badu biopsia burutu beharko da, behin betiko emaitza histologikoak izateko.

Manifestazio klinikoak[aldatu | aldatu iturburu kodea]

Aho leukoplasia sailkatzerako orduan bi talde nagusi aurkitzen ditugu; leukoplasia homogeneoak eta ez homogeneoak. Azken hauen artean hiru azpitalde aurkitzen ditugu, nodularrak, exofitikoak eta eritroplasiak.

Homogeneoak[aldatu | aldatu iturburu kodea]

Leukoplasia homogeneoa nagusiki ahoan agertzen den lesio zuri bat da, uniformeki zapala dena, azal fina duena, arrailak izan ditzakeena. Sakonune eta nabarmentasunak ere izan ditzake. Hauen sintomatologia oso motela da eta diagnostikoa esplorazio arruntetan ematen da.

Ez homogeneoak[aldatu | aldatu iturburu kodea]

Leukoplasia ez homogeneoa zuria edo gorria den lesioa izaten da, azal irregularra izaten du, nodularra eta exofitikoa. Hauen artean hiru azpitalde daude, leukoplasiaren egituraren arabera sailkatzen direnak.

  • Leukoplasia nodularrak
  • Leuplasia exofitikoak
  • Eritroleukoplasiak
Leukoplasia ez homogeneo mota desberdinak.
Lesio exofitikoa aho masaileko mukosan.
Lesio nodularra.
Eritroleukoplasia ezpainan.

Aho leukoplasiaren sailkapena eta aldi klinikoak[aldatu | aldatu iturburu kodea]

Sailkapena egiteko bi maila desberdintzen dira. Leukoplasiaren tamaina eta emaitza histologikoak, displasiaren presentziaren araberakoa. Honek aho leukoplasiaren aldi klinikoa lortzea du helburu, aho minbiziarekin egiten den moduan, baina aldagai oso aldakorrekin.

Wikimedia Commonsen badira fitxategi gehiago, gai hau dutenak: Leukoplasia Aldatu lotura Wikidatan