Ligre

Wikipedia(e)tik
Hona jo: nabigazioa, Bilatu
Wikipedia:Taxotaula bat irakurtzeko eraTaxotaula bat irakurtzeko era
Ligrea
'Ligrea'
'Ligrea'


Sailkapen zientifikoa
Erreinua: Animalia
Filuma: Chordata
Klasea: Mammalia
Ordena: Carnivora
Familia: Felidae
Generoa: Panthera
Espeziea: Panthera leo x tigris

Ligrea lehoi ar eta tigre eme baten arteko elkargurutzearen semea da, bi espezie ezberdinen arteko hibridoa. Bere irudia tigre marraduneko lehoia erraldoi batena da. Lehoian bezala, ligre arrek ilajea garatzen dute. Bere izen zientifikoa Panthera leo × tigris da.

Ligrea normalean 4 metroko tamaina arte hazten da eta 500 kilogramo pisatzera heltzen da, bere aita (lehoia) eta ama (tigrea) baino tamaina handiagoa izanik; honen azalpena hazkunde genearen inhibitzailea amaren partetik lehoietan eta aitarenetik tigretan transmititzen delako, beraz, ligrea ez mota honetako inongo genik heredatzen eta bere bizitza osoaren zehar hazten da. Bere hanka eta buztana, bestalde, txikiak dira bere gorputzarekin konparatuz gero, hauek bai hazteari uzten baitiote; horregatik, posiblea da ligre ar zaharrenak ibiltzeko elbarrituak geratzea bere gorputzaren pisuari eutsi ezin diotelako. Kontrako kasua tigoiarekin ematen da: hemen tigre ar eta lehoi eme baten emaitza animali txikiago eta lirainago bat sortzen dute, hankak eta buztan luzeago batzuekin, itxura hain beldurgarria ez edukiz. Horregatik ligrea baino askoz urriagoa da, azken honek zirkoen partez ehizatuagoa eta ustiatuagoa egonik, eta neurri txikiago baten zoologikoetan, publikoa erakartzeko erreklamo gisa.

Ligre bikotea

Giza-influentzia da bereziki ligreen existentziaren erantzule. Normalean tigreek eta lehoiek ez dute beraien lurraldeak elkarbanatzen, ondorioz aurkitzeko aukera gutxi edukiko lukete gurutze arraro hori sortzeko. Gaur egun lehoiak eta tigreak Gir basoan, Indian bakarrik bizi dira batera. Antzina Persian, Txinan eta seguru aski Beringian koexistitzen ziren. Bestaldetik, bi espezien ohiturak oso desberdinak dira, (egunekoa eta agerikoa lehoiaren kasuan, eta gauekoagoa eta oihandarra tigrean) bien arteko naturazko gurutzamendua are zailagoa bihurtuz.

Ikuskatutako ligre ar guztiak antzuak dira. Hala ere, emeak kasu batzuetan emankorrak izan daitezke, eta beste tigre batzuekin ugaltzea lortu dute ti-ligre izeneko ondorengoak sortuz, edota lehoi batekin, le-ligrea sortuz.

Ikus, gainera[aldatu | aldatu iturburu kodea]

Kanpoko loturak[aldatu | aldatu iturburu kodea]

Commons-logo.svg
Commonsen fitxategi gehiago dago honi buruz:
Ligre