Limako Hirigune Historikoa

Limako Hirigune Historikoa
	UNESCOren gizateriaren ondarea
	Irudi gehiago
Kokapena
Estatu burujabe	Peru
Peruko eskualdea	Lima
Peruko probintziak	Lima Province
District of Peru	Lima District
Koordenatuak	12°03′05″S 77°02′35″W / 12.0514°S 77.0431°W
Historia eta erabilera
UNESCOko Mundu Ondare Gunearen artxiboaren zuzenketa	1991
Arkitektura
Azalera	259,36 ha
Gizateriaren ondarea
Irizpidea	(iv)
Erreferentzia	500 eta 500bis
Eskualdea	Latinoamerika eta Karibea
Izen-ematea	1988 (XII. bilkura)
	↑ UNESCOk egindako sailkapenaren arabera ;

Limako Hirigune Historikoa Lima hiriko erdigunea zaharra da. Lima eta Rímac barrutiek osatzen dute. Gutxi gorabehera 277.99 hektarea ditu. Francisco Pizarro konkistatzaile espainiarrak sortu zuen, 1535eko urtarrilean. Peruko Erregeorderriaren hiriburua eta espainiarrek Hego Amerikan izan zuten hiri handiena izan zen. Lurrikarek kalte handiak jasan zituzten arren, monumentu arkitektoniko ugari gorde ditu. 1988an, UNESCOk Gizateriaren Ondare izendatu zuen.^[1]

Berreskuratzeko lanak

Limako hirigune historikoan erregimen berezia sortuko duen lege bat onartu du Peruko Gobernuak, Unescok Gizateriaren ondare gisa katalogatuko hiria babesteko eta garapen ekonomiko eta iraunkorra sustatzeko. El Peruano egunkari ofizialean argitaratutako arauaren arabera, erabakiaren helburua da «Limako hirigune historikoaren bizigarritasun-baldintzak hobetzea, zentro bizi bat sustatzeko, egoera txarrean dauden etxebizitzen prekarietatea lehengoratzea sustatuz eta Hirigune Historikoan etxebizitza-defizita murriztuz, kultura-ondarearekin harmonian». Arauan deskribatutako beste puntu bat Rimac ibaiari «hiriaren ardatz egituratzaile gisa duen protagonismoa» itzultzeko asmoa da, haren paisaia hidrikoa, hirikoa eta historikoa birjartzeko eta metropoliko korridore ekologiko gisa duen figurari balioa emateko. Eta, alde horretatik, erdiguneko kaleetan eta inguruko muinoetan berdeguneak hobetu, lehengoratu eta bultzatu nahi ditu.^[2]