Logroño

Logroño
Errioxa
Bergarako Printzearen pasealekua.
Administrazioa
Estatua	Espainia
Erkidegoa	Errioxa
Probintzia	Errioxa
Eskualdea	Logroño
Izen ofiziala	Logroño
Alkatea	Maria Concepcion Gamarra Ruiz Clavijo
Postakodea	26001-26009
INE kodea	26089
Kokapena
Koordenatuak	42° 28′ 12″ N, 2° 26′ 44″ W
Logroño Logroño (Espainia)
Logroño Logroño (Errioxa)
Demografia
Biztanleria	151.344 bizt. (2015) -618
% 47,63    % 52,37
Eremua	79,57 km2
Dentsitatea	327,87 bizt/km²
Garaiera	384 m
Distantzia	336 km Madrilera
Datu gehigarriak
Sorrera	1095
http://www.logro-o.org/

Logroño Errioxako probintzia eta autonomia erkidegoko hiriburua da. Errioxa osoko biztanleriaren erdia bizi da hirian, erkidegoko osasun, kultur eta ekonomia zerbitzuak batuz.

Ebro ibaia zeharkatzen du, hiria bitan banatuz. Donejakueko Bidea ere, bertatik igarotzen da.

Geografia

Kokapena

Logroñoren udalerri mugakideak honakoak dira: Guardia eta Lantziego ipar-mendebaldean, Fuenmayor mendebaldean, Navarrete hego-mendebaldean, Lardero eta Villamediana de Iregua hegoaldean, Murillo de Río Leza hego-ekialdean, Agoncillo ekialdean, Viana ipar-ekialdean, eta Oion iparraldean.

Klima

Datu klimatikoak (Logroño)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	9.5	12.0	15.1	16.7	21.0	25.4	29.3	29.1	25.4	19.3	13.4	10.1	18.9
Batez besteko tenperatura minimoa (°C)	2.0	3.0	4.4	6.1	9.5	12.6	15.3	15.5	12.7	8.9	5.0	3.2	8.2
Pilatutako prezipitazioa (mm)	27	23	26	44	48	47	31	23	24	31	36	37	399
Prezipitazio egunak (≥ 1 mm)	6	5	5	7	8	5	4	4	4	6	6	6	67
Hezetasuna (%)	77	71	65	63	62	59	57	59	64	72	76	79	67
Iturria: AEMET

Historia

1610an Logroñoko prozesua izan zen bertan, Hego Euskal Herriko sorgin-ehiza handiena. Batez ere Zugarramurdiko akelarreari buruz izan zen. 12 emakume erre zituzten, haietako bost sinbolikoki, galdeketetako torturapean hil baitzituzten.

Demografia

Ardogintza

Hiria Errioxako ardoaren ekoizle nagusietakoa da "Errioxa Beherea" azpieskualdean.

Ospakizun eta jai-egunak

Hiriburu errioxarraren ospakizun garrantzitsuenak hurrengoak dira:

• San Bernabe, ekainaren 11n, Inbasio frantziarren aurkako erresistentzia ospatzen da. Jendearen artean, amuarrain frijituak, ardoa eta ogia banatzen da.
• San Mateo, irailaren 21aren astean zehar. Vendimia edo mahats-biltzearen festa, mahatsaren-zapalketa ospatzen da. Lehen mostoa Valvanerako Birjinari eskeintzen zaio. Aste guztian zehar, zezenketak eta kontzertuak ospatzen dira, Iruñaren antzera. Jendeak ardo eta bereziki,zurrakapotea, dastatzearen ohitura jarraitzen du.

Politika

Udalbatzaren osaketa

Logroñoko Udala
Alderdi politikoa	Zinegotziak
Alderdi Popularra (PP)	17
Alderdi Sozialista (PSOE)	10
UPyD (UPyD)	0
Errioxar Alderdia (PR)	0
Ezker Batua (IU)	0

Kirola

Logroñoko kirol talde garrantzitsuena, Club Balonmano Ciudad de Logroño eskubaloi taldea da, ASOBAL Ligan jokatzen du Darien Logroño izenarekin. Futbolari dagokionez, CD Logroñes talde historikoa ordezkatzen du hiria; bederatzi denboraldiz Lehenengo Mailan ibilia eta gaur egun Bigarren B Maila-n.

Logroñoar ezagunak

Logroñoko Bergarako pasealekua, "Espoloia" bezala ezaguna

• Gaspar Llamazares (1957-), IUko politikaria.
• Enrique Villar (1939-2010), PPko politikaria.

Hiri senidetuak

Logroño ondorengo hiriekin senidetuta dago:

• Darmstadt, Alemania (2002)
• Brescia, Italia
• Dunfermline, Eskozia. (1990)
• Vichy, Frantzia

Ikus, gainera

• Errioxako udalerrien zerrenda

Kanpo loturak

Wikimedia Commonsen badira fitxategi gehiago, gai hau dutenak: Logroño

• (Gaztelaniaz) Logroñoko Udalaren webgunea