Los Ajaches

Los Ajaches
Los Ajaches
Mota	Eremu natural eta Sumendi
Geografia
Koordenatuak	28°53′54″N 13°46′55″W / 28.8984°N 13.781958°W
Estatu burujabe	Espainia
Autonomia	Kanariak
Probintzia	Las Palmas
Udalerria	Yaiza

Los Ajaches antzinako sumendi formazio bat da, Lanzarote uhartearen hegoaldean dagoena. Papagayo lurmuturretik (Lanzaroteko hegoaldeko muturra) Playa Quemada ingurura (uhartearen erdialde-ekialdea) hedatzen da.

Geologia[aldatu | aldatu iturburu kodea]

Formazioa hamaika milioi urte ingurukoa da. Geologoek uste dute sumendi horien hasierako altuera 4000 metrotik gorakoa izan zela (Teide baino gehiago gaur egun), baina gaur egun ez dira 400 metrotik gorakoak. Horrek erakusten du zer higadura-prozesuk desegin dituzten formazio horiek.

Morfologia[aldatu | aldatu iturburu kodea]

Altuera eta modelatze leunekoa, nahiz eta uharte hego-ekialdeko labarrek hautsita egon, haran zabal eta ibai artekoak ditu, hala nola Femésekoa — bertan dago izen bereko populazioa —, lurzoru naturalaren edo harearen gainean lehorreko belardi, tipula, leguminoso, sandia, papaia eta tomatez zipriztinduta. Mendi-mazelak ez daude terrazaz josita, Famara mendigunean bezala, eta kolore zurixka dira, kalitxez josita.

Hego-mendebaldeko muturrean, iparraldean Uga eta Yaiza artean dagoen mugan, kubo formako etxe zuriak eta laboreen berdea nabarmentzen dira paisaian, labazko basamortu baten hondoan.

Hegoaldeko sektore honetako elementurik aipagarrienak Janubioko gatzagak, Playa Blanca (berriki turismo masiboak hartu du), Papagayoko hondartzak eta Rubicón lautadaren erdian isolatuta dagoen Montaña Roja dira.

Babesa[aldatu | aldatu iturburu kodea]

Mendigunea naturagune babestua da, eta monumentu natural kategoria du. Gainera, hegaztientzako babes bereziko eremu (HBBG) izendatu dute, eta, definizioz, sentsibilitate ekologikoko eremu.^[1]

Erreferentziak[aldatu | aldatu iturburu kodea]

↑ (Gaztelaniaz) www.gobcan.es. Red Canaria de Espacios Naturales Protegidos. .

Bibliografia[aldatu | aldatu iturburu kodea]

Idazle asko. (2000). Canarias. Madril: Agedime S.L.-Editorial Mediterráneo ISBN 84-7156-274-X..
(Gaztelaniaz) Idazle asko. (2013). Itinerarios didácticos por la isla de Lanzarote. Ciudad Real: Publicaciones del Grupo de Investigación GEOVOL, Universidad de Castilla-La Mancha, 187-204 or. ISBN 84-695-676-6..