Lucy Thompson
| Lucy Thompson | |
|---|---|
 | |
| Bizitza | |
| Jaiotza | Pekwan (en)  , 1856 |
| Herrialdea |  Ameriketako Estatu Batuak |
| Heriotza | Eureka, 1932 (75/76 urte) |
| Jarduerak | |
| Jarduerak | idazlea |
| Jasotako sariak | ikusi
|
Che-na-wah Weitch-ah-wah, Lucy Thompson ingelesezko izenez ezagunagoa, (Pekwan, 1856ko urriaren 29a – Eureka, 1932ko otsailaren 23a) yurok jatorriko estatubatuar idazlea izan zen, To the American Indian: Reminiscences of a Yurok Woman autobiografiagatik ospea lortu zuena.
Bizitza
[aldatu | aldatu iturburu kodea]1856ko urriaren 29an jaio zen Pecwan herrian eta Kaliforniako yurok komunitateko kidea zen[1]. Jaiotzez Che-na-wah Weitch-ah-wah izena jarri zioten. Haren aita komunitateko talth (buruzagi espirituala) izan zen eta alabari horretarako beharrezko gaitasunak irakatsi zizkion[1].
1875ean Milton "Jim" Thompson egur flotatzaile eta masoi zuriarekin ezkondu zen[2]. Elkarrekin Klamath River herrian bizi ziren eta 1910ean Eurekara joan ziren bizitzera[1].
1916an To the American Indian: Reminiscences of a Yurok Woman autobiografia idatzi zuen bere herriaren istorioak gordetzeko asmoarekin[3]. Besteek bere herria eta ikuspegia hobeto ulertzea nahi zuen. Horrez gain, estatubatuar zuriak kritikatu zituen gehiegizko arrantza bezalako praktikengatik[4]. Thompsonen ustez, kaliforniar indigenen aurkako indarkeria genozidioa zen[5].
Lucy Thompson Eurekan (Kalifornia) hil zen 1932ko otsailaren 23an, senarra hil eta urtebete eta bi hilabetera[1].
Sariak
[aldatu | aldatu iturburu kodea]1992an, Thompsonen autobiografiak American Book Award saria irabazi zuen[3].
Erreferentziak
[aldatu | aldatu iturburu kodea]- ↑ a b c d (Ingelesez) «Lucy Thompson letters, 1916.» Online Archive of California (Noiz kontsultatua: 2024-08-02).
- ↑ (Ingelesez) Buckley, Thomas. (1993). «Lucy Thompson: To the American Indian, Reminiscences of a Yurok Woman (Book Review)» Ethnohistory 40 (3): 482..
- ↑ a b (Ingelesez) «Lucy Thompson on Native American Authors» ipl: Information You Can Trust (Noiz kontsultatua: 2022-03-29).
- ↑ (Ingelesez) Matthews, Clifford N.; Tucker, Mary Evelyn; Hefner, Philip J. (2002). When Worlds Converge: What Science and Religion Tell Us about the Story of the Universe and Our Place in it. Open Court Publishing, 244 or. ISBN 9780812694512. (Noiz kontsultatua: 2024-08-02).
- ↑ (Ingelesez) «‘To the American Indian’ turns 100» The Times-Standard 2018-07-30 (Noiz kontsultatua: 2024-08-02).
Kanpo estekak
[aldatu | aldatu iturburu kodea]
Datuak: Q6698546
Multimedia: Lucy Thompson / Q6698546