Luis Iruarrizaga 1891.eko abuztuaren 25ean jaio zen, Igorreko Garbe auzoko Errekako Etxe deituriko baserrian. Gurasoak, Pedro Inazio Iruarrizaga Atutxa, igorreztarra, eta Kasimira Agirre Ealok, bediarra, bederatzi seme-alaba izan zituzten eta Luis haien artean zaharrena izan zen. 7 urte zituela elizako eliz mutil izanda eleiz kanturako zaletasun handia erakusten zuen, eta Ramiro Urretxa herriko organistak ikasketa musikalak izango zituela ziurtatu zuen.[1]
1904. urtean Balmasedako Aita Klaretarrenen Andre Maria Bihotz Guztiz Garbiaren Seme Misiolarien Kongregazioan sartu zen. 18 urterekin, Santo Domingo de la Calzadan teologia ikasten ari zela, kantu gregorianoa eta harmonia ikasten jardun zuen.[1]
1916.an apaiztu eta gero Madrilera bidaltzen dute, Buen Sucesoko Santutegira, han organoa jotzeko. Madrilen bizi izaten jarri zelarik, Eliza Musikako Eskola Nagusia sortu eta bertako zuzendari izan zen. Anaiarekin batera, hark sorturiko Tesoro Sacro Musical aldizkariaren eta Madrilgo apaizgaitegiko Schola Cantorum abesbatzaren sortzaile eta zuzendari izan zen, hil zen arte.[1]
Bere 244 lan ezagutzen dira, nahiz eta 12 galdu egin zirela jakin. 24 urtetan zehar bere obra osoa sortu nuen, 100 konposizio inguru 1907 eta 1916 bitartean, ikaslea izan zen bitartean, eta beste guztiak, 130 inguru, 1916 eta 1928 bitartean, Madrilen.[1]
Obra nagusiak:
Misa Paschalis
Canciones bucólicas a la Santísima Virgen
Cántigas eta Poema de la Asunción
Euskarazkoen artean, Jesus umeari gabon abestitxoak, ahots baterako eta organoarekin
Bizkaia, Euskal Herria
Datuak: Q12262681
Multimedia: Luis Iruarrizaga / Q12262681