Luis Villasante parkea

Luis Villasante parkea
Donostia, Aiete
Luis Villasante parkearen begetazioa
Herrialdea Lurraldea	Euskal Herria Gipuzkoa
Luis Villasante parkea Luis Villasante parkea Luis Villasante parkea
Koordenatuak:	43°18′24.41″N 2°00′08.33″W

Luis Villasante parkea Gipuzkoako Donostia hiriburuan dagoen parke bat da. Lugaritz muinoaren magalean dago, Aiete auzoan dago, Serafin Baroja parketik hurbil; Loreatik ere ikus daiteke.

Luis Villasante frantziskotar fraide, euskalari eta euskaltzainaren omenezko izena darama.

Ezaugarriak

Makurdura leuneko pasealeku lasai bat da, abeldar sastraka batek zedarritua eta bankuz hornitutako behatokiak dituena. Altueran hego-mendebaldeko baso ibar bat inguratzen du, non zuhaitz eta zuhaixka begetazioko nahasketa heterogeneo bat elkarrekin bizi den. Eremu urbanizatutik hurbilen dagoen zonan espezie aldetik aniztasun handia ageri da, besteak beste, itsas pinuak, erramuak, lizarrak, milazkak. Haatik, magalaren azpiko zonan planta handiko zuhaixka eta zuhaitz autoktono ugari dituen zuhaizti eder bat mantendu da, non, besteak beste, haltzadiak, haritzak eta sahats hauskarak ageri diren. Ohikoa da pasealekuan paseriformeak ikustea; baita ere, inguruan, zapelatz arruntak eta hontz zuriak.

Basoan ere ugaztunn txiki asko daude: erbinude arrunta, satitsuak, trikuak, satorrak...

Parkearen erdialdean, landaredian gordeta, Mariene izenarekin ezagutzen zen antzinako baserri zahar baten erorkinak daude.

Arazoak

• Inguruko urbanizazioek erabat mugatzen dute espazioa, hesi-eragina sortzen.
• Baratz klandestinoak.
• Beheko aldean Topoaren lanek beheko basoari zati bat kendu dio.
• Espezie inbaditzaileak: panpa-lezka, kanabera

Iruditegia

• 
  Villasante parkearen beheko aldea. Topoaren lanek zati handi bat kendu zioten basoari.
• 
  Basoa goitik paseabide batekin inguratuta dago.
• 
  Basoa ikusteko begiratoki ugari daude.
• 
  Bidexka baso barruan.

Kanpo estekak

• Datuak: Q25474453
• Multimedia: Luis Villasante parkea / Q25474453