Lursagu gorri

Lursagu gorri
	Irudi gehiago
Sailkapen zientifikoa
Klasea	Mammalia
Ordena	Rodentia
Familia	Cricetidae
Generoa	Myodes
Espeziea	Myodes glareolus; (Schreber, 1780)
Banaketa mapa

Lursagu gorria (Myodes glareolus) cricetidae familiako karraskaria da, Eurasian bizi dena^[1]. 18 hilabete ere bizi den ugaztun hau orojalea da.

Deskribapena

Gorputza eta burua: 81-123 mm. Isatsa: 36-72 mm. Pisua: 23-36 g

Buru biribildua duen karraskari txiki bat da eta belarriak ilearen luzera nabarmen gainditzen dute. Isatsa proportzionalki luzea da beste mikrotinoen proportzioan.

Bizkarraldean duen kolore marroi-laranjagatik ondo ezagutzen da, baita begi hutsez ere. Alboetan, tonu grisaxkak ditu, azpialdean gris argia horiz lausotua.

Isatsa bi koloretakoa du, gainean oso iluna eta azpian argia. Espezie honetako kumeek, beste mikrotinoetakoek bezala, askoz kolore ilunagoa dute.

Hortzek, gainontzeko mikrotinoek ez bezala, adinarekin nabariagoak diren sustraiak dituzte. Esmaltearen tolesturak osatzen dituen angeluak ere beste mikrotinoetan baino biribilagoak dituzte.^[2]

Biologia eta ohiturak

Karraskari hauen jardueraren zati handi bat gauean gertatzen da, batez ere ilundu ondoren eta argitu baino lehen.

Espezie honen eguneko jarduera ere sentikorra da egunean zehar, batez ere urteko urtaro batzuetan, araldia hasten den garaian.

Ugalketak udazkenera arte irauten du baina elikagai ugariko urteetan, neguan ere jarraitu dezake. Umealdi bakoitzeko kume kopurua bi eta sei bitartekoa izaten da, laukoa da oso ohikoa.

Espezie honen dentsitateak zenbait urtetan igoera nabarmena izaten du, batez ere, elikagai ugariko urteetan.

Elikadura, landareen zati berdeak dira batez ere, eta zenbait fruitu, hala nola masustak, ezkurrak, pagatxak; onddo, goroldio eta artropodo txikiekin osatua.

Banaketa, habitata eta estatusa

Lursagu gorriak hostozabalen baso hezeetako animalia tipikoak dira, nahiz eta oso habitat ezberdinetan egon daitezkeen, betiere hezetasun ugari eta zuhaizka-estaldura trinkoa izanez gero. Basoaren barruan mikrohabitat bortitzenetan bizi da: Erreka ertzetan, eremu harritsu eta hezeetan, eta masustak, txilardiak eta estaldura lodia eskaintzen duten beste sastrakadi edo sastraka ugari dituzten maldetan.

Karraskari hau Europako eta Asiako zati handi batean hedatuta dago. Iberiar penintsulan Pirinioetan, Kantauri Sisteman eta Demanda mendilerroan baino ez da ezagutzen.

Euskal Herrian iparraldeko eremuan zehar hedatzen da, Kantabriako Mendilerroaren iparraldera iritsiz. Espezie hau ez da aurkitu muturreko hego eta hego-mendebaldeko sektorean.

Erreferentziak

↑ Musser, G. G. eta M. D. Carleton. (2005). Superfamily Muroidea. 894-1531. orr. "Mammal Species of the World a Taxonomic and Geographic Reference". D. E. Wilson eta D. M. Reeder. Johns Hopkins University Press, Baltimore
↑ (Gaztelaniaz) Administracion de la Comunidad Autonoma de Euskadi. (1989). Euskal Autonomiu Elkarteko Ornodunak. Graficas Santamaria S.A., 353 or. ISBN 84-7542-639-5..