Lygia Pape

Lygia Pape
	; Irudi gehiago
Bizitza
Jaiotza	Nova Friburgo, 1927ko apirilaren 7a
Herrialdea	Brasil
Bizilekua	Rio de Janeiro
Heriotza	Rio de Janeiro, 2004ko maiatzaren 3a (77 urte)
Familia
Seme-alabak	ikusi Paula Pape (en) ;
Hezkuntza
Heziketa	Rio de Janeiroko Unibertsitate Federala 1980) master : estetika; Escola Nacional de Belas Artes (en)
Hizkuntzak	portugesa; gaztelania
Jarduerak
Jarduerak	eskultorea, margolaria, marrazkilaria, artista grafikoa, instalazioetako artista, zinemagilea eta artista
	Parte-hartzailea Pinta Art Show ;
Enplegatzailea(k)	Rio de Janeiroko Unibertsitate Federala
Jasotako sariak	ikusi John Simon Guggenheim Memorial Foundation beka ;
Kidetza	Grupo Frente (en) ; neo-concrete movement (en)
Mugimendua	concrete art (en)

Lygia Pape (Nova Friburgo, Brasil, 1927ko apirilaren 7a – Rio de Janeiro, 2004ko maiatzaren 3a) grabatzailea, eskultorea, margolaria, zinemagilea, irakaslea eta artista multimedia izan zen.^[1] Arte Zehatza eta neokonkretismoaren barruan ezaguna da, Brasilen oso esanguratsuak izan ziren mugimendu artistikoen barruan.

Bizitza

Fayga Ostrower eta Ivan Serpa grabatzaileekin hasi zituen arte ikasketak Lygia Papek.^[2]

Lan ibilbidea

Artista

Abstrakzionismo geometrikoak eta dibertsifikazio eredugarriak markatutako lana utzi zuen. Bere lanik kitzikagarrienetako bat El Libro del Tiempo (euskaraz: Denboraren Liburua) da, elkarren artean ezberdinak diren egurrezko 365 piezaz osatutako multzoa. Arte garaikideak Brasilen duen ordezkari garrantzitsua da Lygia, eta abstrakzio geometrikoarekin hasi zen ibilbide artistikoa du. 1950eko hamarkadan, ospe handia izan zuen Rio de Janeiroko eszena artistikoan eta, 1959 urtean, manifestu neokonkretuaren sinatzaileetako bat izan zen, Ferreira Gullar eta Hélio Oiticica buru zituela.^[3]

Arte Abstraktuaren 1. Erakusketa Nazionalean parte hartu zuen, Petropolisen, 1953 urtean. Tecelaresen zurezko grabatuak erakutsi zituen, Frente taldearekin, Rio de Janeiroko Arte Modernoko Museoan, 1955 urtean.^[3] 1956 urtean, Arte Konkretuko Erakusketan parte hartu zuen MASPen eta Zurichen. 1956. urtearen bukaeran eta 1957. urtearen hasieran, Arte Zehatzeko 1. Erakusketa Nazionalean parte hartu zuen, São Pauloko Arte Modernoko Museoan eta Hezkuntza eta Kultura Ministerioan, Ríon.^[2] 1958 urtean, Copacabana Palace hoteleko antzokian, Reynaldo Jardim-en parte-hartzearekin berak idatzitako Bale Neokonkretikoa aurkeztu zuen.

Lygia Papek arte garaikidearen esparrua zabaltzea lortu zuen, baita Helio Oiticica eta Lygia Clark brasildarrak bezalako artistek ere. Hasieran, artean irudikapenetik urruntzen ziren Konkretuen taldean, geometrikoen taldean, baina oso modu originalean eta askotarikoan kontatu zen. Gero, beste elementu artistiko batzuk gehitu zituen. Brasilgo "cinema novo"-arekin (Glauber Rocha, Pereira Dos Santos) ere kolaboratu zuen, baita bere kartelak egiten ere; eta berak, azkenean, kutsu oso ezberdineko bideoak egin zituen. Baina ez zuen inoiz galdu bere erreferentzia adierazkor geometriko eta dinamikoa, aberasten lagundu zuena.

Irakasle

1972 urtetik 1985 urtera, Lygia Papek semiotika irakatsi zuen Santa Ursula Unibertsitateko Arkitektura Eskolan, Rio de Janeiron, eta irakaslea izan zen Universidade Federal do Rio de Janeiroko Arte Ederren Eskolan, 1983an.

Heriotza

Lygia Pape, arte brasildarraren figura nagusietako bat, 2004ko maiatzaren 3an hil zen Rio de Janeiron, 77 urte zituela.

Azken erakusketak

2011 Museo Nacional Centro de Arte Reina Sofía, Madril
2009 53, Biennale di Venezia
2009 Folder Museum of Modern Art, New York
2008 Kunsthalle, Kiel
2008 Contemporary Brazilian Art Museum of Contemporary Art, Tokio
2008 Museo de Arte Moderna, Rio de Janeiro
2008 Moderna Museet, Stockholm
2007 Tomie Ohtake Institutua, São Paulo
2007 Museo de Arte Moderna, Rio de Janeiro
2006 Bronx Museum of the Arts, New York
2006 Arte Modernoaren Museoa, São Paulo
2006 Museo de Arte Moderna, Rio de Janeiro
2006 1 Graca Brandao Galeria, Oporto
2006 Barbican Centre, Londres
2005 Museum of Contemporary Art, Chicago
2005 Museum of Contemporary Art, Tesalonika
2005 Quarter, Florentzia
2005 Museum für Gegenwartskunst, Siegen
2004 Museo de Arte Moderna, São Paulo
2004 Haus der Kunst, Munich
2004 Le Magasin, Grenoble
2003 Galerie der Stadt Sindelfingen
2003 50. Biennale di Venezia
2003 Fortes Vilaça galeria, São Paulo
2002 Steirischer herbst, Graz
2002 Solomon R. Guggenheim Museum, New York
2000 CAMJAP, Lisboa
2000 Museu Serralves, Porto
1998 Museum of Contemporary Art, Los Angeles

Aintzatespenak

Sofia Erregina Arte Zentro Museo Nazionaleko erakusketa handiak, Teresa Velázquez Cortés erakusketa-komisario zela 2011 urtean, Europan zabaldu zen bere aintzatespena. Venezian, 2009 urtean, Brasilgo eta arte amerikarreko figura artistiko ospetsuenetako bat dela ikusi zen.

Erreferentziak

↑ Cultural, Instituto Itaú. «Lygia Pape» Enciclopédia Itaú Cultural.
1 2 «Lygia Pape | CPDOC» cpdoc.fgv.br.
1 2 «Pinacoteca do Estado de São Paulo» archive.vn 8 de septiembre de 2016.

Kanpo estekak

Datuak: Q3773732
Multimedia: Lygia Pape / Q3773732

[1] Cultural, Instituto Itaú. «Lygia Pape» Enciclopédia Itaú Cultural.

[:0-2] 1 2 «Lygia Pape | CPDOC» cpdoc.fgv.br.

[:1-3] 1 2 «Pinacoteca do Estado de São Paulo» archive.vn 8 de septiembre de 2016.

[1]

[2]

[3]