Maaouya Ould Sid'Ahmed Taya

Maaouya Ould Sid'Ahmed Taya
	; Irudi gehiago
5. Mauritaniako presidentea
5. Mauritaniako Lehen Ministroa
Bizitza
Jaiotza	Atar, 1941eko azaroaren 28a (82 urte)
Herrialdea	Mauritania
Hezkuntza
Heziketa	École Spéciale Militaire de Saint-Cyr (en) ; École supérieure de guerre (en)
Hizkuntzak	arabiera
Jarduerak
Jarduerak	politikaria eta militarra
Jasotako sariak	ikusi Meritu Zibilaren Ordenaren Lepokoa (1994) ;
Gradua	koronel
Sinesmenak eta ideologia
Erlijioa	sunismoa
Alderdi politikoa	Republican Party for Democracy and Renewal (en)

Maaouya Ould Sid'Ahmed Taya, batzuetan soilik Uld Taya (arabieraz: معاوية ولد سيد أحمد الطايع‎; Atar, Mauritania, 1941eko azaroaren 28a) politikaria eta militarra da.

Bizitza[aldatu | aldatu iturburu kodea]

Mauritaniako gudarostean sartu ondoren, 1961ean alferez-maila lortu zuen, eta 1967an kapitain. Bien bitartean zenbait kargu izan zituen Defentsa Ministerioan eta Estatu Nagusian. 1973an komandante izendatu zuten. Hurrengo urtean Parisko Gerrako Goi Eskolan sartu zen eta Mauritaniara itzuli zenean, hurrengo urtean, Estatu Nagusi Laguntzaileko buru izendatu zuten. 1976-1978 urteetan Saharako gerran parte hartu zuen.

1978an, Ould Daddah lehendakaria kargua uztera behartu zutenean, Defentsa-ministro izendatu zuten. 1981eko apirilean Lehen Ministro eta Defentsa Nazionaleko ministro izendatu zuten, koronel izendatzeaz gainera, eta 1984an, Salbazio Nazionaleko Batzorde Militarreko lehendakari.

1989an Maroko, Libia, Aljeria, Tunisia eta Mauritaniako estatuburuek, Marrakexen elkartuta, Magreb Arabiarraren Batasuna sortu zuten.

1991n erreferendumera deitu zuen, independentziaz geroko lehen konstituzio demokratikoaz bozkatzeko. Gehiengoz onartu zen konstituzioa, eta Uld Tayak, Mauritaniako lehendakaritzat, konstituzioa aldarrikatzeko dekretua izenpetu zuen. Lehendakariaren dekretua betetzeko eta demokrazia ezartzeko lehen urrats gisa, lehendakaritzarako hauteskundeetarako deia egin zen 1992an, eta Ould Tayak irabazi zituen. Handik gutxira, legegintzarako hauteskundeak egin ziren, eta lehendakari Tayaren Alderdi Errepublikar Demokrata eta Sozialistak irabazi zituen. Oposizioko alderdiek ez zuten parte hartu.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.