Maardu

Maardu
	hiria
	Irudi gehiago
Administrazioa
Herrialdea	Estonia
Konderri	Harjuko konderria
Udalerri	Maardu City
Posta kodea	74111
Geografia
Koordenatuak	59°28′41″N 25°00′58″E / 59.478055555556°N 25.016111111111°E
Azalera	23,44 km²
Demografia
Biztanleria	17.017 (2024ko urtarrilaren 1a)
Dentsitatea	726 bizt/km²
Informazio gehigarria
Hiri senidetuak	Jēkabpils, Białogard, Chornomorsk (en) , Myrhorod (en) , Kallaste City (en) , Elektrėnai, Ulan Bator, Sihanoukville (en) , Vanadzor, Bijelo Polje eta Prince George (en)
	maardu.ee

Maardu (NAF: ˈmɑːrd̥u; alemanez: Maart) Estoniako iparraldeko kostaldeko hiria eta udalerria da, Finlandiako golkoa aldera begira dagoena. Harjuko konderrian kokatuta dago, Tallinngo metropoli-eremuaren barruan eta hiriburutik 15 kilometro ekialdera. Hiriak 22,76 km²-ko azalera du eta 16.875 biztanle 2025eko datuen arabera.^[1]

Muugako portuaren zati bat, Estoniako zama-porturik handiena, hirian bertan dago.

Geografia

Finlandiako golkoaren hego-ekialdean dago Maardu, Estoniako iparraldean. Harjuko konderriko Viimsi eta Jõelähtme landa-udalerriekin egiten du muga. Hiria honako eremuetan hauetan banatuta dago:

Kallavere (hiriaren erdialdea).
Muuga aedlinn (Muugako lorategi-hiria).
Kroodi (industriagunea).
Kärmu (industriagunea).
Muugako portua.
Maardu aintzira.

Demografia

2011ko datu estatistikoek biztanleriaren aniztasun etnikoa erakusten dute. Eslaviar jatorriko biztanleak gehiengoa ziren. Izan ere, biztanleen % 61,89 errusiarrak ziren eta estoniarrak, berriz, % 24,81. Jarraian, biztanleen % 4,91 ukrainarrak ziren jatorriz eta % 3,77 bielorrusiarrak. Gainerako biztanleek talde txikiagoak osatzen zuten, hala nola tartariarrak (% 0,96), finlandiarrak (% 0,50) eta poloniarrak (% 0,49).^[2]

Hiriko biztanleria beheraka zihoan 2017ra arte.^[1] Urte hori izan zen inflexio-puntua eta joera irauli zen. Orduz geroztik, biztanleria goraka doa berriro.^[1]

Honako hau Wikidata bidez sortutako biztanleria grafiko automatiko bat da. Aldaketa bat egin beharrez gero,

bertan egin dezakezu.

Kirolak

Hiriko kirol nagusia futbola da. Maardu Linnameeskond futbol-taldea da hiriko klub garrantzitsuena eta Maardu hiriko estadioan (estonieraz: Maardu linnastaadion) jokatzen ditu partidak.