Mafra

Mafra; Mafra
	Portugalgo udalerria
	Irudi gehiago
Administrazioa
Estatu burujabe	Portugal
Portugalgo barrutia	Lisboa
Izen ofiziala	Mafra
Jatorrizko izena	Mafra
Posta kodea	2640
Geografia
Koordenatuak	38°56′N 9°20′W / 38.93°N 9.33°W
Azalera	291.65 km²
Mugakideak	Torres Vedras, Sobral de Monte Agraço, Arruda dos Vinhos, Loures eta Sintra
Demografia
Biztanleria	76.685 (2011)
Dentsitatea	262,94 bizt/km²
Informazio gehigarria
Sorrera	1189
Telefono aurrizkia	261
Hiri senidetuak	São Vicente (en) , Leimen, Fréhel eta Mindelo (en)
	cm-mafra.pt

Mafra Portugalgo Lisboako barrutian dagoen kontzejua da. 2011ko erroldaren arabera 76.685 biztanle bizi ziren 263.14 kilometro koadroko azaleran.

Mafrako jauregi nazionalarengatik ezagutzen da, jauregi barroko ikusgarria baita.

Etimologia[aldatu | aldatu iturburu kodea]

Mafra izenaren jatorria ez da batere zehatza, baina arabiarren Mahfara hitzetik etor liteke, zeinak "harrobia" esan nahi duen.

Historia[aldatu | aldatu iturburu kodea]

Indusketa arkeologikoek erakutsi dute Neolito garaian populatu zela Mafra ingurua, baina paleolito eta mesolito garaietako aztarna batzuk ere badaude, k.a. 7000 urtekoak.

K.o. I eta IV mendeen artean erromatarrak egon ziren bertan, Sintra eta Peniche arteko errepidean kokaturik baitzegoen. Nekazaritza eremu garrantzitsua bihurtu zen, batez ere ardoa, olioa eta barazkiak ekoizten ziren bertan. V mendean bisigodoak iritsi ziren eta 711 urtean mairuek konkistatu zuten. lau mendetan arabiarrak egon baziren ere, beren aztarna handirik ez da kontserbatzen.

1147an Afonso Henriquesek konkistatu zuen Mafra. 1189an Silveseko apezpikuaren menpe gelditu zen eta hiri gutuna jaso zuen. Dena dela herri txikia izaten jarraitu zuen, 1527ko erroldan 191 biztanle baino ez zituen. Manuel I.aren erregealdian hainbat eliza eraiki ziren eta herria pixka bat handitu zen.

1717an Joanes V.ak Mafrako jauregi nazionala eraikitzeari ekin zion izan ere bertan ezarri baitzuen erregearen ehiza eremua, Tapada de Mafra izenekoa. Mafrak biztanle gutxiko lurraldea izaten jarraitu zuen harik eta XIX mendean hiria jauregiaren inguruan eratzen hasi zen arte. Maria II.ak militar konpainiak ezarri zituen Mafrako komentuan eta 1859rako 4.000 soldadu baziren bertan. 1870an komentua Real Colégio Militar bihurtu zen.

1910ko iraultzaren ondoren Errepublika ezarri zen eta Manuel II.a erregeak bertan hartu zuen babesa. Hurrengo egunean Gibraltarrera egin zuen alde.