Magnus III.a Norvegiakoa

Wikipedia, Entziklopedia askea
Jump to navigation Jump to search
Magnus III.a Norvegiakoa
Magnus Berrføtt 1.png
Norvegiako monarka

1093 - 1103
Olaf III of Norway Itzuli - Olav Magnusson of Norway Itzuli
Bizitza
Jaiotza Norvegia, 1073 (egutegi gregorianoa)
Herrialdea  Norvegia
Heriotza River Quoile Itzuli1103ko abuztuaren 24a (egutegi gregorianoa) (29/30 urte)
Hobiratze lekua Downpatrick
Familia
Aita Olaf III of Norway
Ama Thora Jonsdottir
Ezkontidea(k) Margaret Fredkulla Itzuli
Seme-alabak
Leinua Hardrada dynasty Itzuli
Jarduerak
Jarduerak monarka
Sinesmenak eta ideologia
Erlijioa kristautasuna

Magnus III.a Oinutsa (1073 - Irlanda, 1103ko abuztuaren 24a), Norvegiako erregea 1093tik 1103 arte. Olaf III.aren sasiko semea zen, eta Harald Hadrada-ren biloba.

Vikingoen garaiko garaipenak gogoan, bere lurraldea hedatzen saiatu zen. Danimarkaren eta Suediaren kontra egin zuen. Danimarkako Halland aldea arpilatu zuen. Geroago, 1097an, Götaland eskualdean sartu zen, Suedian, eskualdea baketzeko eta muga berrezartzeko. Vänern aintziraraino iritsi zen. Soldatu-talde bat utzi, eta Norvegiara itzuli zen, baina suediarrek, neguan, berriro eskuratu zuten eskualdea. Hurrengo udan berriro itzuli zen Magnus III.a Suediara, baina suediarrek garaitu zuten Göta ibaiaren ertzean.

Ez zuen lortu lurrik eskuratzerik Eskandinavian, eta Britainiar uharteetara abiatu zen 1098an, armada handi bat berekin zeramala. Orkadak beretu ondoren, Hebridetara abiatu zen, eta arpilatu egin zituen. Gero, 160 itsasontziz osatutako itsas armada batekin, Man uhartera jo zuen, eta bere egin zuen. Handik, Britainia Handira jo zuen, eta normandiarren aurka borrokatu zen Angleseyn, eta nagusitu.

1102an berriro itzuli zen Britainiar uharteetara, bere inperioa sendotzera eta Irlanda konkistatzeko asmotan. Dublin bereganatu ondoren, iparralderantz abiatu zen, Ulsterrera. Irlandaren parte handi bat bereganatzea lortu zuen, baina borroka batean hil zuten irlandarrek.

Erregea hil ondoren, berak sortutako inperioa berehala desegin zen.

Erreferentziak[aldatu | aldatu iturburu kodea]