Mai Al-Kaila

Mai Al-Kaila
(2015) Irudi gehiago
Palestinian Health Minister (en) 2019ko apirilaren 13a - 2024ko martxoaren 31 ← Jawad Awad (en) - Maged Abu-Ramadan (en) → Palestine ambassador to Italy (en) 2013 - 2019 ← Sabri Ateyeh (en) - Abeer Odeh (en) → Palestinian Ambassador to Chile (en) 2006 - 2013 ← Sabri Ateyeh (en) - Imad Nabil Jadaa (en) →
Bizitza
Jaiotzako izen-deiturak	مي سالم حنا الكيلة
Jaiotza	Jerusalem, 1955eko apirilaren 8a (70 urte)
Herrialdea	Palestina
Bizilekua	Bir Zeit
Lehen hizkuntza	arabiera
Hezkuntza
Heziketa	Granadako Unibertsitatea University of California, San Francisco (en) Txileko Unibertsitatea
Hizkuntzak	arabiera ingelesa
Jarduerak
Jarduerak	ginekologoa, erizaina, politikaria, diplomazialaria eta unibertsitateko irakaslea
Enplegatzailea(k)	Al-Quds University (en)
Ideologia eta sinesmenak
Erlijioa	kristautasuna

Mai Salem Hanna Al-Kaila (Ekialdeko Jerusalem, 1955eko apirilaren 8a) palestinar mediku, diplomazialari eta politikaria da. Palestinako Osasun ministro lehen emakumea izan zen. Doktoretza egina du osasun publikoan eta osasun administrazioan. Palestinako Kontseilu Medikuaren buru izan zen, Osasun ministro gisa. Palestinako Aginte Nazionaleko kide ere bada, Mohammad Shtayyeh lehen ministroa buru duela.

Biografia

Mai Al-Kaila Ekialdeko Jerusalemen jaio zen 1955eko apirilaren 8an. Oinarrizko hezkuntza eta prestakuntza Birzeiteko eskoletan egin zituen eta Ramalako ikastetxe pribatuan bigarren hezkuntza osatu zuen. Ondoren, erizaintza ikasi zuen Jerusalemgo Augusta Victoria Ospitalean, eta bere heziketa osatu zuen Granadako Unibertsitatean, Espainian, medikuntza ikasiz. Bertan lizentziatura titulua lortu zuen. Ondoren, obstetrizia eta ginekologia arloan espezializatu zen Kaliforniako Unibertsitatean, San Frantziskon, Amerikako Estatu Batuetan. Osasun Publikoan eta Epidemiologian doktoretzaTxileko Unibertsitatean lortu zuen.

Jerusalemgo Palestinako Ilargi Gorriko Ospitalean mediku egoiliar gisa lan egin zuen, Obstetrizia eta Ginekologia programan. Bere lan ibilbidean hainbat lanpostutan aritu izan da, hala nola, Al-Quds Unibertsitatean irakasle Osasun Publikoko Departamentuan eta UNRWAn Amatasun eta Haurren Programako buru.

1994an, Palestinako ordezkaritzako kide izendatu zuten, 1995ean Pekinen (Txina) egin zen Emakumeari buruzko Munduko Konferentzian parte hartzeko.

2005eko urriaren 31n Palestinako Estatuaren enbaxadore izendatu zuten Txilen. 2013ko urriaren 1era arte egon zen postu horretan, orduan izendatu baitzuten Palestinako Estatuaren Italiako enbaxadore. 2016ko abenduaren 4an Palestinako Kontseilu Iraultzailerako hauteskundeak irabazi zituen, Fatah erakundearen zazpigarren konferentzian egin zirenak, eta bertako kide izendatu zuten.

2019ko apirilaren 13an, Konstituzioa zin egin zuen Mahmud Abás Palestinako presidentearen aurrean, Mohammad Shtayyeh-en gobernuko Osasun ministro gisa.

Sariak eta aintzatesnepak

• 2017an, Normandiar Akademiaren urrezko domina jaso zuen, Italiako Aire Indarrarekin elkarlanean; sari hori jaso zuen palestinarren giza eskubideen aldeko aktibismoagatik eta defentsagatik.
• 2022ko ekainaren 7an, Sergio Mattarella italiar presidenteak, Italiako Izarraren Ordena eman zion Italiako Kontsulatu Nagusiak antolatutako Ramala hiriko Egun Nazional Italiarraren ospakizunean, italiar-palestinar harremanak sendotzeko egin zituen ahalegin handiak aitortzeko.

Kanpo estekak

• Datuak: Q63349096
• Multimedia: Mai al-Kaila / Q63349096