Mantibleko erromatar zubia

Wikipedia, Entziklopedia askea
Jump to navigation Jump to search
Mantibleko erromatar zubia
Kultura ondasuna
Puente de Mantible DSC 4525.JPG
Kokapena
Herrialdea Espainia
Autonomia Errioxako Autonomia Erkidegoa
HiriaLogroño
Koordenatuak 42° 30′ 36″ N, 2° 30′ 29″ W / 42.510026°N,2.507931°W / 42.510026; -2.507931Koordenatuak: 42° 30′ 36″ N, 2° 30′ 29″ W / 42.510026°N,2.507931°W / 42.510026; -2.507931
Arkitektura
Materiala(k) harria
Estiloa Erromatar arkitektura
Ondarea
BIC RI-51-0004791

Mantibleko erromatar zubia Ebro ibaiaren gainean dagoen zubia da, Asa (Lantziego, Arabar Errioxa) eta El Cortijo (Logroño, Errioxa) herrietan kokaturik dagoena. Gaur egun, zubiaren aztarnak besterik ez dira geratzen.

Bere luzera 164 metrokoa zen, 5 metroko zabalera eta 30 metroko altuera maximoa zituelarik. Erdi-puntuko zazpi arkuz zegoen osaturik, gaur egun horietatik bi bakarrik geratzen direlarik zutik, besteen oinarrietako aztarna gutxi batzuekin batera.

Historialari batzuen arabera II. mendearen lehen erdian eraiki zen, Erromatar Inperioaren garaian. Beste batzuen ustez, ordea, zubia XI. mendean eraiki zen, Garesekoarekin batera eta biak eraikiak izango ziren orduko Nafarroako Erresumako bi hiririk garrantzitsuenak lotzeko: Naiara eta Iruñea.

Ez dago oso argi ezta noiz utzi zion igarotzeko modukoa izateari, baina badaude XVI. mendeko dokumentuak zeinetan adierazten den zubia ordurako suntsituta zegoen. Suntsiketa hori, ordea, arinago ere gerta zitekeen. Gaur egun, Espainiako kultura ondasun dago izendaturik, RI-51-0004791 erreferentziarekin. GR 38a, Ardoa eta Arrainaren bidea, zubi ondotik igarotzen da.

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Mantibleko erromatar zubia Aldatu lotura Wikidatan