Manuel Pérez Martínez (Pérez apaiza)

Wikipedia, Entziklopedia askea
Hona jauzi: nabigazioa, Bilatu
Manuel Pérez Martínez (Pérez apaiza)
Bizitza
Izen osoa Gregorio Manuel Pérez Martínez
Jaiotza Alfamén1943ko maiatzaren 9a
Herrialdea  Espainia
Heriotza Kolonbia1998ko otsailaren 14a (54 urte)
Heriotza modua berezko heriotza (hepatitisa)
Hezkuntza
Hizkuntzak gaztelania
Lanbidea
Lanbidea apaiz katolikoa
Izengoitia(k) Poliarco eta El Cura Pérez
Sinesmenak
Erlijioa Erromatar Eliza Katolikoa
http://www.manuelperez.org/index.php

Gregorio Manuel Pérez Martínez (ezizenez Cura Pérez eta Poliarco; Alfamen, Zaragoza, Espainia, 1943 - Santander, Kolonbia, 1998) espainiar apaiz ohia eta Kolonbiako ELN (Ejército de Liberación Nacional) gerrillako buruzagia izan zen.

Biografia[aldatu | aldatu iturburu kodea]

1959an Zaragozako apaizgaitegian sartu zen, eta filosofiako ikasketak egin zituen. 1962an Obra de Cooperación Sacerdotal Hispano-Americana (OCSHA) elkartearekin bat egin zuen, eta teologia ikastera joan zen Madrila. 1966an ordenatu zuten apaiz, eta hiru urtez parrokia batean jardun ondoren, Santo Domingora (Dominikar Errepublika) joan zen, Laín eta Gracia apaizekin. Handik, Kolonbiara jo zuen, 1968an, José Antonio Jiménez apaizarekin.

Laínekin bat eginik, Cartagena de Indiasera joan ziren hirurak, eta 1968an gizarte- eta politika-zereginak betetzen zituzten apaizek osaturiko Galconda mugimenduko kide nagusietakoa izan zen Pérez. 1969an Espainiara egotzi zituzten, baina ezkutuan itzuli eta ELN gerrillan sartu zen, Laín eta Graciarekin batera.

1973an gudarosteak eraso gogorra egin zion gerrillari, eta Pérezek hartu zuen gerrillaren antolaketa eraberritzearen ardura; bera izan zen buruzagi eta arduradun politikoa aurrerantzean. 1989an eskumikatu egin zuten, Araucako gotzainaren hilketa zela-eta. 1991tik 1992ra bitartean, gobernuarekin elkarrizketak izan zituzten ELN eta FARC (Fuerzas Armadas Revolucionarias de Colombia) gerrillek, baina huts egin zuten.

Ernesto Samperren gobernuarekin bake-hitzarmena sinatu zuen 1994an, baina 1996an hauteskundeak bertan behera gera zitezela eskatu zuen, eta sabotajea iragarri zuen. 1998an hil zen mendialdean.

Erreferentziak[aldatu | aldatu iturburu kodea]