Marasmio hankagorri
| Marasmio hankagorria | |
|---|---|
_Antonin,_Halling_&_Noordel_39054_crop.jpg) | |
| Sailkapen zientifikoa | |
| Erreinua | Fungi |
| Filuma | Basidiomycota |
| Klasea | Agaricomycetes |
| Ordena | Agaricales |
| Familia | Omphalotaceae |
| Generoa | Gymnopus |
| Espeziea | Gymnopus erythropus |
| Basionimoa | Agaricus erythropus |
Marasmio hankagorria (Gymnopus erythropus) Omphalotaceae familiako onddo espezie bat da.[1] Gaztetan jan daiteke, baina kalitate kaskarrekoa da. Kapelaren eta oinaren arteko kolore kontrastea ezaugarri duen espeziea.
Sinonimoak: Collybia kuehneriana, Collybia erythropus.
Deskribapena
[aldatu | aldatu iturburu kodea]Kapela: 5 cm arteko diametrokoa, ganbila, gero zabaldua eta pixka at hondoratua, ertza gardentasunagatik ildaskatua, makurra, azal higrofanoa, leuna, arre-gorrixka, okre-haragi kolorekoa lehortzean.
Orriak: Ez oso estu, desberdinak, itsatsiak edo eskotatuak, zuritik kremara doazenak, ertza osorik, espora-jalkina zuri-krema.
Orri eskotatuak: Oinera iritsi baino lehentxeago eskote txiki bat duten orriak.
Hanka: 7 x 0,5 cm-ko luzerakoa, zilindrikoa edo, batzuetan, luzera osoan zehar ildaskatua, barnehutsa, fistulosoa, leuna, arre-gorrixka bizi samar kolorekoa.
Haragia: Mehea, zurixka, arre-gorrixka oinean, zapore gozokoa eta usain ahulekoa, ez oso atsegina.[2]
Etimologia: Collybia antzinako grekotik dator, eta txanpona esan nahi du. Perretxikoaren formagatik.
Jangarritasuna
[aldatu | aldatu iturburu kodea]Kalitate gastronomiko kaskarrekoa.[3]
Nahasketa arriskua
[aldatu | aldatu iturburu kodea]Marasmius oreades delakoarekin, honen oina ez da hain gorrixka. Collybia dryophila espeziarekin ere bai, honek kapela iluna du eta oina ez du gorrixka.
Sasoia eta lekua
[aldatu | aldatu iturburu kodea]Udazkenean. Hostozabaletan lurperatutako zur hondarretan, batez ere pagoetan, askotan talde faszikulatuetan.
Banaketa eremua
[aldatu | aldatu iturburu kodea]Kanada, Ameriketako Estatu Batuak, Mexiko, Kolonbia, Txile, Europa, Errusia, Himalaiako eskualdea, Hego Korea, Japonia, Australia, Benin.[4]
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Palazon Lozano Fernando. (2006). Setas para todos. JoseLuis Añanos Echo Editorial Pirineo, 300 or. ISBN 84-87997-86-4..
- ↑ Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 178 or. ISBN 84-282-0865-4..
- ↑ Gymnopus erythropus: GBIF—the Global Biodiversity Information Facility.
Kanpo estekak
[aldatu | aldatu iturburu kodea]
Datuak: Q10658921
Multimedia: Gymnopus erythropus / Q10658921