Maria Teresa Austriakoa (1816-1867)

Maria Teresa Austriakoa (1816-1867)
	; Irudi gehiago
Abbess of the Institution of Noble Ladies of the Prague Castle (en)
Consort of the Two Sicilies (en)
Bizitza
Jaiotza	Viena, 1816ko uztailaren 31
Heriotza	Albano Laziale, 1867ko abuztuaren 8a (51 urte)
Hobiratze lekua	Santa Chiara basilika
Heriotza modua	berezko heriotza: kolera
Familia
Aita	Karlos Austria-Teschengoa
Ama	Princess Henrietta of Nassau-Weilburg
Ezkontidea(k)	Fernando II.a Bi Sizilietakoa (1837ko urtarrilaren 27a -
Seme-alabak	ikusi Prince Louis, Count of Trani (en) ; Prince Alfonso, Count of Caserta (en) ; Princess Maria Annunziata of Bourbon-Two Sicilies (en) ; Princess Maria Immaculata of Bourbon-Two Sicilies (en) ; Prince Gaetan, Count of Girgenti (en) ; Maria Pia Borboi-Bi Sizilietakoa; Prince Pasquale, Count of Bari (en) ; Maria Luisa Borboi-Bi Sizilietakoa; Prince Gennaro, Count of Caltagirone (en) ; Prince Alberto of Bourbon-Two Sicilies (en) ; Prince Giuseppe of Bourbon-Two Sicilies (en) ; Prince Vincenzo of Bourbon-Two Sicilies (en) ;
Haurrideak	ikusi Archduchess Maria Karoline of Austria (en) ; Archduke Albrecht, Duke of Teschen (en) ; Archduke Karl Ferdinand of Austria (en) ; Archduke Wilhelm Franz of Austria (en) ; Archduke Friedrich of Austria (en) ;
Leinua	House of Habsburg-Lorraine (en)
Jarduerak
Jarduerak	ezkontidea
Ideologia eta sinesmenak
Erlijioa	Erromatar Eliza Katolikoa

Maria Teresa Austria-Teschengoa (alemanez, Maria Theresia von Österreich; Viena, 1816ko uztailaren 31 – Albano Laziale, 1867ko abuztuaren 8a) Austriako artxidukesa izan zen jaiotzez. Teschen adarrekoa zen, Habsburgo-Lorrena Etxekoa.

Bizitza

Familia

Teschengo dukea zen Karlos Austriako artxidukearen eta Enriketa Nassau-Weilburgeko printzesaren alaba zaharrena izan zen. Leopoldo II.a Germaniar Erromatar Inperio Santuko enperadorearen eta Maria Luisa Espainiako infantaren biloba zen aitaren bidez, eta amaren aldetik Nassauko dukerriaren familiakoa zen. Gurasoen jauregian bataiatu zuten, Albertina jauregian, 1816ko abuztuaren 2an, Vienako printze-artzapezpikuak, aitabitxi-amabitxiak osaba, Frantzisko I.a Austriako enperadorea, eta Maria Teresa Austriako artxidukesa, Antonio Saxoniako printzearen emaztea, Maria Leopoldina Austriako artxidukesak ordezkatua.^[1]

Amaren aldeko aitona-amonak Frederiko Guilende Nassau-Weilburgeko (1768-1816) printzea eta emaztea, Luisa Isabel Kirchbergeko burgravina, Sayn-Wittgenstein-Hachenburg-eko kondesa izan ziren. Aitaren aldeko aitona-amonak Karlos Kristian Nassau-Weilburg-ekoa eta Karolina Orange-Nassauko printzesa. Amonaren aldeko birraitona eta birramona Gilen IV.a Orange-Nassauko printzea eta Ana Hannoverreko printzesa ziren. Birramona horren gurasoak Jurgi II.a Britainia Handiko erregea eta Karolina Ansbacheko margravina ziren.

Abadesa

Ama 1829. urtean hil zen, 13 urte zituenean, eta hortaz, aita eta neba Albertorekin batera, neba-ahizpa gazteenen ardura hartu zuen. Osabak, Frantzisko I.a Austriakoak, Pragako gazteluko Dama Nobleen Erakundeko abadesa izendatu zuen 1834an. Postu hori Austriako artxidukesa batek bete behar zuen beti. 1835. urtean, enperadore berriaren koroatzea zela eta, Fernando I.a Austriakoak eta emazte Maria Ana Savoiakoak, Bohemiako errege-erregina bezala, abadesa Bohemiako erregina koroatzen uzten zuen pribilegioa erabili zuten. Ezkondu zenean utzi zuen goi-kargu hori.^[2]

Ezkontza

1837ko urtarrilaren 27an ezkondu zen Fernando II.a Bi Sizilietakoa erregearekin. Bi Sizilietako Erresumako erregina bihurtu zen eta Borboi-Bi Sizilietako etxearen eta Austriako artxidukesa baten arteko hirugarren ezkontza ospatu zuten.

Ondorengoak:

Bikoteak hamabi seme izan zituen:

Luis (1838-1886), Traniko kondea. Matilde Ludovica Bavariakoarekin ezkondua, Austria-Hungariako enperatriza zen Elisabet Bavariakoaren ahizpa. Izan zuten alaba bakarra, Maria Teresa Borboi-Bi Sizilietako printzesa, Hohenzollerngo printzearekin ezkondu zen.
Alberto (1839-1844), Castrogiovanniko kondea.
Alfonso (1841-1934), Casertako kondea. Lehengusinarekin, Maria Antonieta Borboi-Bi Sizilietako printzesarekin, ezkondu zen, eta seme-alabak izan zituen. Borboi-Bi Siziliarren familiaren lerroa haiengandik dator.
Maria Anunciada Borboi-Bi Sizilietakoa (1843-1871), Karlos Luis Austriako artxidukearekin ezkondua.
Maria Inmaculada Borboi-Bi Sizilietakoa (1844-1899), Karlos Salvador Austria-Toscanako artxidukearekin ezkondua.
Cayetano (1846-1871), Girgentiko kondea. 1868an, Espainiako infanta zen Elisabet Borboikoa eta Borboikoarekin ezkondu zen (Elisabet II.a Espainiako erreginaren alaba nagusia), eta horrek Espainiako infanta bihurtu zuen.
José (1849-1852), Lucerako kondea.
Maria Pia Borboi-Bi Sizilietakoa (1849-1882), Roberto I.a Parmako dukearekin ezkondu zen.
Vicente (1851-1854), Melazzoko kondea.
Pascual (1852-1904), Bariko kondea. Ezkontza morganatikoan ezkondu zen Blanche Marconnayrekin.
Maria Luisa Borboi-Bi Sizilietakoa (1855-1874), Bardiko kondea zen Henrike Borboi-Parmako printzearekin ezkondua.
Genaro (1857-1867), Caltagironeko kondea.

Erbestea eta tronua berreskuratzeko ahaleginak

Maria Teresa alargun geratu zen 1859. urtean. Bi Sizilietako tronua bere semeordeak hartu zuen, Frantzisko II.a Bi Sizilietakoa erregeak, Fernando II.a Bi Sizilietakoak Maria Kristina Savoiakoarekin izan zuen lehen ezkontzatik izan zuen seme bakarrak.

Frantzisko ez zen tronua mantentzeko gai izan, eta errege familia osoa Erroman eta Albano Lazialen erbesteratu zen.

Maria Teresa izaera oso indartsukoa zen eta tronua berreskuratzen saiatu zen Napoliko izaera lokaleko matxinada txikietan. Hala ere, batek ere ez zuen arrakastarik izan.

Heriotza

1867. urtean artxidukesa koleraren ondorioz hil zen Albano Lazialen, bere seme gazteena, Genaro printzea (gaixotasun beraren ondorioz hila) baino egun batzuk lehenago, eta bere semeordeak negar asko egin zuen. Mediku baten arreta baztertu omen zuen, Manfrè doktorearena hain zuzen ere, liberala zela eta.

Aginduak

Gurutze Izarratuaren Ordenako lehen mailako dama. (Austriar inperioa).^[3]^[4]
1844ko ekainaren 15a: Maria Luisa Erreginaren Dama Nobleen Ordenakoa. (Espainiako Erresuma).
1849: Kristautasunaren Urrezko Arrosa. (Aita Santuen Lurraldea).

Karguak

1837ko irailaren 7a – 1837ko urtarrilaren 27a: Pragako gazteluko Dama Nobleen Erakundeko abadesa.^[2]

Erreferentziak

↑ «Wien» Wiener Zeitung 2 de agosto de 1816.
↑ ^a ^b «BLKÖ:Habsburg, Maria Theresia (Königin beider Sicilien) – Wikisource» de.wikisource.org.
↑ «Wien» Wiener Zeitung 2 de agosto de 1816.
↑ «ÖNB-ALEX - Staatshandbuch» alex.onb.ac.at.

Kanpo estekak

Datuak: Q234045
Multimedia: Maria Theresa of Austria (1816–1867) / Q234045

[1] «Wien» Wiener Zeitung 2 de agosto de 1816.

[:0-2] «BLKÖ:Habsburg, Maria Theresia (Königin beider Sicilien) – Wikisource» de.wikisource.org.

[3] «Wien» Wiener Zeitung 2 de agosto de 1816.

[4] «ÖNB-ALEX - Staatshandbuch» alex.onb.ac.at.

[1]

[2]

[3]

[4]