Marin Marais

Marin Marais
	; Irudi gehiago
Bizitza
Jaiotza	Paris, 1656ko maiatzaren 31
Herrialdea	Frantzia
Heriotza	Paris, 1728ko abuztuaren 15a (72 urte)
Familia
Seme-alabak	ikusi Roland Marais (en) ;
Hezkuntza
Hizkuntzak	frantsesa
Irakaslea(k)	Monsieur de Sainte-Colombe; Jean Baptiste Lully
Jarduerak
Jarduerak	musikagilea eta viol player (en)
Mugimendua	musika klasikoa; musika barrokoa
Genero artistikoa	opera
Musika instrumentua	Viola da gamba

Marin Marais (Paris, 1656ko maiatzaren 31 - ibid., 1728ko abuztuaren 15a) viola da gamba jotzailea eta konpositore frantziarra izan zen, Jean-Baptiste Lullyren eta Monsieur de Sainte-Colomberen ikaslea. 1676an Frantziako Luis XIV.a erregearen gorteko musikari izendatu zuten. Kargu horretan nabarmendu zen, eta 1679an ordinaire de la chambre du roi pour la viole izendatu zuten, 1725 arte mantendu zuen titulua.

Viola da gamba jotzaile bikaina eta musika tresna horretarako lanen konpositore onenetakoa izan zen. Pieces de viole biltzen dituzten bost liburu idatzi zituen, gehienak baxu jarraituko suiteak. Pieza horiek gustukoak zituzten gortean, eta haiei esker gogoan izan zuten luzaroan musikaria, "biolaren inperioa sortu eta finkatu zuena" izan baitzen (Hubert le Blanc, 1740). Haren lanen artean, operak ere daude, horien artean ezagunena Alcyone (1706), ekaitzaren eszenagatik.

Biolarako piezen edizio integral bat dago, Éditions JM Fuzeau-k argitaratua.

Lanak

Violarako 600 pieza baino gehiago ondu zituen, bost liburutan banatuta.

Pièces à une et à deux violes ("Biola bat eta bitarako piezak", 1686)
Basses continues des pièces à une et deux violes avec une augmentation de plusieurs pièces particulières en partition ("Biola bat eta bitarako piezetako baxu jarraitua eta zati bereiziak dituzten zenbait pieza", 1689)
Pièces pour violes, Deuxième livre ("Biolarako piezak, bigarren liburua", 1701)
Pièces pour viole, Troisième livre ("Biolarako piezak, hirugarren liburua", 1711)
Pièces à une et à trois violes, Quatrième livre ("Biola bat eta hirutarako piezak, Laugarren liburua", 1717)
Pièces pour viole, Cinquième livre ("Biolarako piezak, bosgarren liburua", 1725)
Les Folies d'Espagne ("Espainiako erokeriak")

Hirukoterako piezak. Frantzian genero hau landu zuen aurreneko konpositoreetako bat da:

Pièces en trio pour les flûtes, violons et dessus de viole avec la basse continue ("Hirukotekako piezak, flautak, biolinak, biola eta baxu jarraituarekin", 1692)
La Gamme et autres morceaux de symphonie pour le violon, la viole et le clavecin ("Gama eta sinfoniako beste pieza batzuk biolinerako, biolarako eta klabezinerako", 1723)

Tragedia musikatuak (edo operak):

Alcide (1693)
Ariane et Bacchus (1696)
Alcyone (1706)
Semélé (1709)

Bitxikeria

Bera da Tous les matins du monde ("Munduko goiz guztiak", 1991) filmeko pertsonaia nagusia, Monsieur de Sainte-Colombe eta Maraisen bizitzari buruzko fikzioa da. Azken horren musika filmaren soinu bandaren zati handi bat da.

Kanpo estekak

Datuak: Q213519
Multimedia: Marin Marais / Q213519