Marine Le Pen

Wikipedia, Entziklopedia askea
Hona jauzi: nabigazioa, Bilatu
Marine Le Pen
Le Pen, Marine-9586.jpg
eskualde-kontseilari


Europarlamentaria

2004ko uztailak 20 -
Barrutia: North-West France
Frantziako Nazio Biltzarreko kidea

2017ko ekainak 21 -
Barrutia: Pas-de-Calais' 11th constituency
Bizitza
Izen osoa Marion Anne Perrine Le Pen
Jaiotza Neuilly-sur-Seine1968ko abuztuaren 5a
Herrialdea  Frantzia
Familia
Aita Jean-Marie Le Pen
Ama Pierrette Lalanne
Ezkontidea(k) Louis Aliot
Anai-arrebak
Familia
Hezkuntza
Heziketa Panthéon-Assas University
Hezkuntza-maila Master of Lawsa
Hizkuntzak frantsesa
Lanbidea
Lanbidea politikaria eta abokatua
Lantokia(k) Estrasburgo eta Brusela
Enplegatzailea(k) Écrits de Paris
Sinesmenak
Alderdi politikoa Rassemblement Bleu Marine
Fronte Nazionala
IMDb nm2265187
www.marinelepen.com
Marine Le Pen Signature.svg

Marine Le Pen (Neuilly-sur-Seine, 1968ko abuztuaren 5a - ) frantses politikari bat da, Front National eskuin muturreko alderdiaren burua. Jean-Marie Le Pen alderdiko presidentearen alaba, abokatua lanbidez, gaztetatik izan da Fronte Nazional alderdiko kidea. 2000ko hamarkadan hasi zen alderdiaren baitan postu nabarmenak hartzen. 2004 urtean Europako Parlamentuko diputatu aukeratua izan zen. Frantzian beste kargu politiko batzuetarako aukeratua ere izan da.

Adierazi izan da bere karrera politikoaren hasieran bere aita baino diskurtso samurragoa zuela, immigrazioaren inguruan, adibidez, baina oihartzun zabala izan duten polemika mediatiko zenbaitetan ere parte hartu du, hala nola, Frantziako kaleetan musulmanek egiten dituzten otoitz kolektiboen aurka, 'okupaziotzat' jo izan dituenak. 2017ko maiatzean, Emmanuel Macronekin lehiatu zen Frantziako presidentetzarako hauteskundean, baita hura galdu ere hautagai aurkariaren aurrean.


Front National alderdiaren presidentea (2011-)[aldatu | aldatu iturburu kodea]

2011ko urtarrilaren 16ean, alderdiko militanteen bozketa baten ostean, Front Nationaleko presidente aukeratua zuten % 67,5eko bozekin, Bruno Gollnisch hautagaia gaindituz, eta bere aitaren, alderdiaren sortzailearen, errelebua hartuz. 2011ko martxoan, Le Parisien egunkariak egindako inkesta batean lehenengo postua esleitu zioten Frantziako presidentetzarako hauteskundeen lehenengo itzulian % 23ko bozekin, Nicolas Sarkozy eta Martine Aubryren aurretik; azken hauek % 21ko ehunekoa erdietsi zuten.

Alderdia "desdeabrutzeko" ideia tinkoarekin, aukeratua izandako hilabetean Front Nationaleko Alexandre Gabriacen kanporatzea agindu zuen, Interneten agerturiko argazki batzuetan nazi agurraren keinua egiteagatik. Horri buruz, FNn mota horietako jokabideak onartezinak zirela esan zuen, ideologia nazkagarri baten parte zirelako.

2011ko ekainan ezagutzera eman zen Valéry Le Douguet-ek, frantziar mason garrantzitsu batek,idatzi zuela Front Nationalaren justizia programa osoa 2012ko Frantziar hauteskundeetarako.

Jarrera politikoak[aldatu | aldatu iturburu kodea]

2010eko Paris-Match aldizkariarentzako entrebista batean, ideologia politikoari buruzko bere ideiak azaldu zituen, baita Frantziako presidentea bihurtu ezkero hartuko lituzkeen neurriak ere, hauen artean heriotz-zigorra berrezartzeko referendum bat, mugen itxiera, euroaren abandonua edota protekzionismo ekonomikoa. Hortaz gain, "puntuzko gizartea" proposatu du, kotxeen eta gida baimenetan egiten den bezala. Abortuari buruz, France Inter frantziar aldizkarian esan zuen inoiz ez zela egon abortoaren legea debekatzearen alde.

Kanpo-politikan Frantzia OTAN-etik ateratzea eta Errusiarekin erlazioak hobetzea proposatzen du. Gainera FMI, Banko mundiala eta OMC entitate ekonomikoen existentzia bera zalantzan jartzen du.

Bizitza pribatua[aldatu | aldatu iturburu kodea]

Marine Le Pen Jean-Marie Le Pen-en hiru alabetan gazteena da. Bere aita Front National alderdi politikoaren presidentea izan zen 1972tik 2011ra; bere ama Pierrette Lalanne aitaren lehen emaztea izan zen. Saint-Cloudeko Florent Schmitt eskolan ikasle izan zen eta, ondoren, Sorbona unibertsitatean zuzenbidea ikasi zuen. Bere unibertsitate urteetan, Pariseko ikasle nazionalen zirkuluan (CNEP) parte hartu zuen, Front National alderdiaren inguruko ikasle-mugimendu bat, denboraldi batez ohorezko presidentea bilakatuz.

Hiru semeen ama, Frank Chauffroy-rekin ezkondu zen, Front Nationalaren alde lan egin zuen enpresa-zuzendaria eta, geroago, Éric Loriorekin ezkondu zen, FNren idazkari ohi eta Nord-Pas-de-Calaiseko kontseilari erregional bat, baina azken honetatik dibortziatua da egun. Egungo bikotekidea Louis Aliot da, FNko presidenteordea eta alderdiko idazkari orokorra 2005etik 2010era.


Liburuak[aldatu | aldatu iturburu kodea]

Autobiografia[aldatu | aldatu iturburu kodea]

  • (Frantsesez) À contre-flots, éd. Jacques Grancher, coll. "Grancher Depot", Paris, 2006, 322 p., broché, 15 x 22 cm

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Marine Le Pen Aldatu lotura Wikidatan