Marta Cárdenas

Wikipedia(e)tik
Hona jauzi: nabigazioa, Bilatu
Marta Cárdenas
Datu pertsonalak
Izen osoa Marta Cárdenas Díaz de Espada
Jaio 1944
Donostia ( Gipuzkoa)

Marta Cárdenas Díaz de Espada (Donostia, 1944) euskal herritar margolari eta grabatzailea da[1].

Biografia[aldatu | aldatu iturburu kodea]

Madrilgo San Fernando Arte Ederretako Eskolan eta Parisen ikasi ondoren, 1970ean lehendabizikoz Donostian bere lana aurkeztu eta hainbat erakusketa izan ditu Euskal Herrian zein nazioartean, 1970 eta 1980ko hamarkadetan.

1995ean, bestalde, bere marrazkiz osatutako erakusketa antologikoa egin zuten Bilboko BBKren erakusketa-aretoan.

Marta Cárdenasek teknika tradizionala erabili ohi izan du, eta paisaietan gauzatu du gehienbat bere lana, kasurik gehienetan estudiotik kanpo, aire zabalean. 1980tik aurrera, bere pintura gero eta abstraktuago bilakatu zen, betiere errealitatean inspiratuta. Indiara egindako bidaia baten ondorioz osatutako lanekin eman zuen 2000. urtean abstrakziorako azken urratsa, eta urte horretan aurkeztu zuen Donostiako Galeria 16 erakustokian bere lehenengo erakusketa erabat abstraktua, bidaian hartutako oharretan oinarritua, eta ez izadian bertan egindako koadroz osatua.

Marta Cárdenas, Luis de Pablo konpositorearekin ezkonduta, Madrilen bizi da azken urteotan.

Erreferentziak[aldatu | aldatu iturburu kodea]