Martin I.a Siziliakoa

Wikipedia, Entziklopedia askea
Hona jauzi: nabigazioa, Bilatu
Martin I.a Siziliakoa

1390 – 1409
Aurrekoa Maria Siziliakoa
Ondorengoa Martin II.a Siziliakoa

Jaiotza c.1374/1376
Bartzelona
Heriotza 1409ko uztailaren 25a (32–35 urte)
Cagliari
Ezkontidea(k) Maria Siziliakoa
Zuria Nafarroakoa
Senideak Martin I.a Aragoikoa (aita)
Maria Lunakoa (ama)
Erlijioa Katolizismo
Aragon-Sicily Arms.svg

Martin I.a Siziliakoa (c.1374/13761409ko uztailaren 25a), "Gaztea" deitua, 1390 eta 1409 artean Siziliako erregea izan zen.

Aita Martin I.a Aragoikoa eta aitona-amona Petri IV.a Aragoikoa eta Leonor Siziliakoa zituen.[1] 1389/1390eko otsailean, Maria Siziliakoa ezkondu zuen. 1392an Mariarekin batera Siziliara joan zen armada baten buru eta bertoko baroiak menderatu zituen. 1394an bikoteak bere seme bakarra- Petri izenekoa- izan zuen, 1400an hilko zena. 1401/1402ko maiatzaren 25era arte emaztearekin batera gobernatu zuen eta handik aurrera, bakarrik. 1409an Cagliarin hil zenean, bere aita, jada Aragoiko erregea zena, Sizilia gobernatu zuen, Martin II.a izenaz.

1398ko Gorteek Aragoiko koroaren oinordeko izendatu zuten.[2]

Maria hil ondoren, Catanian eta ahalordeen bitartez, 1402ko maiatzaren 21ean eta jada zuzenean 1402ko abenduaren 26an Zuria Nafarroakoa ezkondu zuen.[3] Seme bakarra izan zuten, Martin izenekoa, 1403an jaioa eta 1407an Valentzian hila. Beraz ez zuen legezko oinordekorik izan baina bai sasikoak: Tarsia Rizzari, Frederiko Aragoikoa eta Yolanda Aragoikoa.

Martin Gazteak 1409an Sardinia konkistatu zuen, Sanluriko guduan Arboreako agintariak menderatuz. Malariak hil zuen eta Cagliariko katedralean lurperatu zuten.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Martin I.a Siziliakoa Aldatu lotura Wikidatan
  1.   Beccaria, G. (1894), Spigolature sulla vita privata di re Martino in Sicilia, Palermo .
  2.   Aldama, Dionisio de; García González, Manuel (1862), Historia general de España desde los tiempos primitivos hasta fines del año 1860, 5, Madril, 70-71. orrialdea .
  3.   Lo Forte Scirpo, M.R. (2003), C'era una volta una regina...Maria d'Aragona e Bianca di Navarra, Napoli .