Maurizia Aldeiturriaga

Wikipedia(e)tik
Hona jauzi: nabigazioa, Bilatu
Maurizia Aldeiturriaga
Maurizia Aldeiturriaga, panderoa jotzen
Maurizia Aldeiturriaga, panderoa jotzen
Datuak
Jaioterria Euskal Herria Zeberio, Bizkaia
Jaiotza data 1904ko irailaren 22a
Heriotza herria Euskal Herria Zeberio, Bizkaia
Heriotza data 1988ko maiatzaren 19a
Tresnak Panderoa eta ahotsa

Maurizia Aldeiturriaga Zabala (Zeberio, Bizkaia, 1904ko irailaren 22a - 1988ko maiatzaren 19a)[1][2] trikiti musikako pandero jotzailea eta abeslaria izan zen.

Biografia[aldatu | aldatu iturburu kodea]

Zeberioko Egia auzoan jaio zen, eta txikitatik panderoa jotzen eta koplak inprobisatzen ikasi zuen. Bederatzi urte zituela neskame joan zen Basurtura, ganadu tratante baten etxera. Han hiru urte inguru eman ondoren, berriz ere Zeberiora itzuli eta Ugaoko hariki fabrikan hasi zen lanean. Hamabi urte besterik ez zuela hasi zen Maurizia jaiegun eta festetan herriko plazetan jotzen. Plazarik plaza ibiliz ezagun bihurtu zen, eta Leon Bilbao albokariarekin batera hainbat grabaketatan parte hartu zuen. Abesteko modu kementsua zen Mauriziaren musikaren ezaugarri nagusia.

1988ko maiatzaren 19an hil zen, Zeberion, eta ia hil arte jo izan zuen panderoa.

Diskoak[aldatu | aldatu iturburu kodea]

  • Leon, Maurizia, Fasio eta Basilio: Alboka eta trikitixa (1998)
  • Juan Mari Beltran: Euskal Herriko soinu tresnak (1985)

Erreferentziak[aldatu | aldatu iturburu kodea]

  1.   «Maurizia Aldeiturriaga» (pdf), Bidegileak, http://www.euskara.euskadi.net/appcont/sustapena/datos/44%20ALDEITURRIAGA.pdf. Noiz kontsultatua: 2016-6-28 .
  2.   «Maurizia Aldeiturriaga Zabala», Auñamendi Entziklopedia, http://www.euskomedia.org/aunamendi/ee150003. Noiz kontsultatua: 2016-6-28 .

Kanpo loturak[aldatu | aldatu iturburu kodea]