Melatonina

Wikipedia, Entziklopedia askea
Jump to navigation Jump to search
Melatoninaren egitura kimikoa


Melatonina guruin pinealak jariatzen duen hormona da. Guruin pineala garunean dago, eta melatonina neurohormonatzat jotzen da.

Beste hormonen aldean melatoninak berezko ezaugarria du: haren ekoizpena argiaren intentsitatepean dago. Egunean zehar guruin pinealak kopuru aldakorretan jariatzen du melatonina, jariaketa handiagoa izanik ilunpean, eta urriagoa argipean. Ondorioz, melatoninak eginkizun garrantzitsua betetzen du erritmo biologikoetan, fisiologiaren ikerketek agerian uzten dutenez.

Guruin pineala ingurugiroaren eragina jasotzen du erretinaren bidez, inguruneko seinaleak mezu endokrinoak bihurtuz. Hipotalamoaren gune suprakiasmatikoaren bidez erretinak jasotako argiak guruin pinealera iristen da, melatoninaren sintesia eragotziz. Hori dela eta, hormona honen sintesia handiagoa da argirik ez dagoenean, hots, gauean.

Serotonina neurotransmisoretik abiatuta sintetizatzen da melatonina. Era berean, serotonina triptofano aminoazidotik sortzen da.

Melatoninaren ekoizpena adinean aurrera joan ahala jaisten da. Zahartzaroan agertzen diren hainbat aldaketa fisiologikoak, hain zuzen (insomnioa, zelulen oxidazioa, immunitate-sistemaren ahultzea ere, agian...) melatoninaren ezarekin lotuak izan dira. Izan ere, frogatu da melatoninak loa eragiten duela, eragile hipnotikoa baita. Aldi berean anti-oxidatzaile indartsua da, erradikal askeek zelulei egiten dizkieten kalteak ekiditen dituena. Propietate horiek direla-eta, botika moduan erabiltzen da, lo eza edo insomnioa tratatzeko, eta zahartze prozesuak moteltzeko.

Kirolarientzako produktu osagarriak saltzen diren zenbait dendatan, eta online dendetan ere bai, errezetarik gabe saltzen da melatonina, alboko ondorioak edo eragin desiragaitzak deskribatu badira ere. Farmazietan saltzen den dosietan baino dosi txikiagoetan saltzen da errezetarik gabe saltzen denean.

Wikimedia Commonsen badira fitxategi gehiago, gai hau dutenak: Melatonina Aldatu lotura Wikidatan