Mendaro

Wikipedia, Entziklopedia askea
Hona jauzi: nabigazioa, Bilatu
Mendaro
 Gipuzkoa, Euskal Herria
Mendaro9.jpg
Mendaroko ikuspegia.

Mendaroko armarria

Administrazioa
Estatua Espainia
Erkidegoa Euskal Autonomia Erkidegoa
Lurraldea Gipuzkoa
Eskualdea Debabarrena
Izen ofiziala Mendaro
Alkatea Sonia Garcia Raposo Euskal Herria Bildu.PNG
Posta kodea 20850
INE kodea 20901
Herritarra mendaroar
Kokapena
Koordenatuak 43° 15′ 00″ N, 2° 23′ 00″ W / 43.25°N,2.3833333333333°W / 43.25; -2.3833333333333Koordenatuak: 43° 15′ 00″ N, 2° 23′ 00″ W / 43.25°N,2.3833333333333°W / 43.25; -2.3833333333333
Mendaro hemen kokatua: Gipuzkoa
Mendaro
Mendaro
Mendaro (Gipuzkoa)
Openstreetmap logo.svg Ikusi OpenStreetMapen
Azalera 25,39 km2
Garaiera 28-661 metro
Distantzia 48 km Donostiara
Demografia
Biztanleria 2.039 biztanle (2016)
(Green Arrow Up.svg 2)
% 50,64 Twemoji 1f6b9.svg  Twemoji 1f6ba.svg % 49,36
Dentsitatea 80,31 biztanle/km²
Hazkundea
(2003-2013)[1]
Green Arrow Up.svg% 30,76
Zahartze tasa[1] % 17,25
Ugalkortasun tasa[1] ‰ 76,58
Ekonomia
Jarduera tasa[1] % 83,33 (2011)
Genero desoreka[1] % 15,37 (2011)
Langabezia erregistratua[1] % 9,63 (2013)
Kultura
Euskaldunak[1] % 67,78 (2010)
Euskararen erabilera[2] % 37,3 (2011)
Datu gehigarriak
Sorrera 1983. urtea
Webgunea http://www.mendaro.net

Mendaro Gipuzkoako ipar-mendebaldeko udalerri bat da, Debabarrena eskualdekoa. 24.44 km² ditu, eta 2.039 biztanle zituen 2016. urtean.

Geografia[aldatu | aldatu iturburu kodea]

Mendaro Gipuzkoako ipar-mendebaldean dago, Bizkaiko mugatik gertu. Debabarreneko herria da. Herria bi haranez osatua dago. Hegoaldetik iparraldera, Deba ibaiak zeharkatzen du "V" itxura duen harana eginez. Haranaren barrenean, leku lauak daude, herriko auzoak dauden lekuak, alegia.

Mendaro inguruko mendiak

Mendaro mendiz inguraturik dago. Debako mugan, Otaerre (Otarre, 662m.), Gaintxipia (621m) eta Garaluz (Garallutz, 572m). Mutrikurekin mugan Arno dago (628m). Beste mendi garrantzitsu bat Urnobitza (643m.) da, Elgoibarko mugatik gertu.

Auzoak[aldatu | aldatu iturburu kodea]

Mendaro herria hiru auzo nagusik osatzen dute: Mendarozabal, Azpilgoeta eta Garagartza. Hiru auzoak azken urteotan baturik daude herriaren hazkundearen ondorioz.

Azpilgoeta auzoa Deba ibaiaren ezkerraldean dago. 1983baino lehen Mutrikuko udalerriariaren barruan zegoen. Azpilgoetan Plaza auzoa izeneko landa auzoa dago, Goikola errekak Deba ibaiarekin bat egiten duen lekuan. Plaza auzoa hainbat baserrik osatzen dute. Landa auzo horretan dauden baserriak Goikola, Emezabal, Olia, Agerre-txiki, Agerre-haundi, Idiazabal, Potzueta eta Aizti-haundi dira.

Ibaiaren beste aldean, Azpilgoeta parean, Mendarok Debarekin bat egiten duen lekuan, Garagartza auzoa dago. 1983. urtea baino lehenago Elgoibarko udalerriaren barnean zegoen auzo hori. Elgoibarkoa izan baino lehen Debakoa izan zen. Jatorriz, Garagartza auzoa Kilimon errekaren eskuinaldean zegoen, eta XX. mendean ezkerraldera ere zabaldu zen.

Mendarozabal ere Deba ibaiaren eskuinaldean dago. Aspaldian, auzo hori Kilimon errekaren ezkerraldean zegoen kokatuta. Garagartza ez bezala, Mendarozabal beti izan zen Elgoibarkoa. 1889. urtean, berriz, Garagatza eta Mendarozabal auzoek bat egin zuten Elgoibarko juridikziokoak izatera pasatuz. Bi auzoak batu egin ziren hazkunde urbanistikoaren ondorioz.

Hiru auzo nagusiez gain, Mendaron baserriz osaturiko hainbat landa auzo txiki daude, udalerritik sakabanatuta, hala nola Aranerreka, Alkorta, Etxabemendi eta Saratzu.

Herri mugakideak[aldatu | aldatu iturburu kodea]

Mendarok iparraldean Mutriku eta Debarekin egiten du muga, hegoaldean Elgoibarrekin, ekialdean Azkoitiarekin eta mendebaldean Markinarekin (Bizkaia).

Historia[aldatu | aldatu iturburu kodea]

Mendaro Gipuzkoako herri gazteenetariko bat da, 1983. urtean sortua.

Mendaroren lehen aipamena 1335 agertzen da, Deba ibaiak Kilimon errekarekin bat egiten zuen lekua zela adieraziz. Hala ere, Mendaro ez zen Gipuzkoako udalerria, hiru herri hauen artean banatuta egon baitzen: Mutriku (1209. urtean sortua ), Deba (1343) eta Elgoibar (1346). Mendaro hiru herrien arteko muga zen.

Mendaroko hiru auzo historikoak, Azpilgoeta, Garagartza eta Mendarozabal, Mutriku, Deba eta Elgoibarkoak ziren, hurrenez hurren. Herri izateko lehenengo saioa, XIX. mende bukaeran izan zen: 1889. urtean, Debak Garagartza auzoa Elgoibar herriari eman zion, herri bilakatzeko asmotan. Baina saio horrek, Mutrikuk Azpilgoeta emateari uko eginda, ez zuen aurrera egin. Gertakizun hori izan zela eta, berriz, Garagartza eta Mendarozabal administrazio beraren menpean geratu ziren eta orduantxe bateratu ziren bi auzoak.

Mendaro herria behin behinekoz 1983. urtean sortu zen, Mutrikuk Azpilgoeta eta Elgoibarrek Garagartza-Mendarozabal eman zituztenean.

Demografia[aldatu | aldatu iturburu kodea]

Mendaroko biztanleria

Politika[aldatu | aldatu iturburu kodea]

2011ko maiatzaren 22ko hauteskundeetako emaitzen ondorioz, Bildu koalizioko Sonia Garcia hautatu zuten alkate. 2015eko udal hauteskundeen ondoren berak jarraitu zuen alkate.

Mendaroko udalbatza

Alderdia

2015eko maiatzaren 24a

2011ko maiatzaren 22a

Zinegotziak Boto kopurua Zinegotziak Boto kopurua
Euskal Herria Bildu*
5 / 9
414 (% 49,88)
5 / 9
435 (% 49,89)
Euzko Alderdi Jeltzalea (EAJ)
4 / 9
334 (% 40,24)
3 / 9
315 (% 36,12)
Euskadiko Alderdi Sozialista (PSE-EE(PSOE))
0 / 9
67 (% 8,07)
1 / 9
86 (% 9,86)
* 2011n Bildu koalizioa aurkeztu zen.
Datuen iturria: Udal hauteskundeen emaitzak euskadi.eus webgunean

2007ko udal hauteskundeetan Irune Berasaluze Lazkano (EAJ) hautatua izan zen, eta aurretik MTI Mendaroko Talde Independienteak gobernatu zuen.

2007ko udal hauteskundeak
Alderdi politikoa 2007
Botoak (%) Zinegotziak
Euzko Alderdi Jeltzalea (EAJ) 53,79% 5
Euskadiko Alderdi Sozialista-Euskadiko Ezkerra (PSE-EE) 12,02% 1
Eusko Alkartasuna (EA) 27,47% 3
Alderdi Popularra (PP) 2,86% 0

Kultura[aldatu | aldatu iturburu kodea]

Euskara[aldatu | aldatu iturburu kodea]

Mendaro herri euskalduna da, eta erdialdeko eta mendebaldeko euskararen lotura eremuan kokatzen da herria. Luis Luziano Bonapartek, 1864an taxututako sailkapenean, mendebaleko euskalkikotzat du Elgoibar, eta erdialdekokotzat, berriz, Deba, Mutriku eta Mendaro. Koldo Zuazoren 2008ko mapan, aldiz, Deba, Mutriku, Mendaro eta Elgoibar bi azpieuskalkion arteko lotura eremutzat ageri dira. Biztanleen %76,2 euskalduna da.

Gastronomia[aldatu | aldatu iturburu kodea]

Mendaro Euskal Herrian famatua da bertan egiten diren txokolateengatik. Txokolateak XVIII.mendetik egiten dira mendaron, Venezuelatik kakaoa garai hartan iristen hasi zelako Gipuzkoara. Mendaron jatorri frantziarreko Saint Girons familia finkatu zen garai hartan, eta txokolate enpresa sortu zuten. Gaur egun ere era tradizionalean egiten da txokolatea Mendaron. Mendaron famatuak dira ere bertako bizkotxoak.

Jaiak eta ohiturak[aldatu | aldatu iturburu kodea]

Mendaron Santa Ana jaiak ospatzen dira uztailaren amaieran. Euskal Herriko herri askotan bezala, herri kirolak eta sokamuturrak egiten dira. Urtean zehar hainbat erromeria ospatzen dira Mendaroko auzoetan. Santa Agata jaiaren bezperan baserriz baserri eta etxez etxe ibiltzen dira hainbat Mendarotar Santa eskean, koplak kantatuz eta bertsotan.

Kirolak[aldatu | aldatu iturburu kodea]

Mendaron Kilimon Futbol Taldeaak jokatzen zuen, Ospas Gain futbol zelaian. Taldea 2002-2003 denboraldian desagertu zen. Mendaron frontoi estalia dago.

Zerbitzuak[aldatu | aldatu iturburu kodea]

Mendaroko ospitalea

Mendaron Debabarreneko biztanleei osasun zerbitzuak eskaintzen dizkien ospitalea dago.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Mendaro Aldatu lotura Wikidatan
Portal.svg
Euskarazko Wikipedian bada atari bat, gai hau duena:
Gipuzkoa
  1. a b c d e f g   Euskal Herriari Begira, Udalbiltza, http://udalbiltza.eus/eu/euskal-herriari-begira .
  2.   «UEMA-Atlasa», Euskararen erabilera (UEMA), http://46.226.108.156/UEMA/atlas.html .