Mendebaldeko Sierra Madre

Wikipedia, Entziklopedia askea
Jump to navigation Jump to search
Mendebaldeko Sierra Madre
Sierra Madres of Mexiko.jpg
Datu orokorrak
Mendirik altuena Cerro Mohinora Itzuli
Garaiera 10.863 oin
Luzera 1.250 km
Zabalera 150 milia
Azalera 289.000 km²
Geografia
Koordenatuak 26° 44′ 45″ N, 108° 03′ 28″ W / 26.745722222222°N,108.05786111111°W / 26.745722222222; -108.05786111111Koordenatuak: 26° 44′ 45″ N, 108° 03′ 28″ W / 26.745722222222°N,108.05786111111°W / 26.745722222222; -108.05786111111
Mendilerroa Bareko kostako mendikateak
Herrialdea Mexiko
Artikulu hau Mexiko ipar-mendebaldeko eta Arizona hegoaldeko mendilerroa buruzkoa da; beste esanahietarako, ikus «Sierra Madre (argipena)».

Mendebaldeko Sierra Madre[1] (gaztelaniaz: Sierra Madre Occidental) Ipar Amerikako mendilerroa da, Mexikoko mendebaldean eta Ameriketako Estatu Batuetako hego-mendebaldeko muturrean 1.500 kilometroz luzatzen dena.

Geografia[aldatu | aldatu iturburu kodea]

Arizona eta Sonoraren arteko mugatik hegoaldera hedatzen da Mendebaldeko Sierra Madre, Sonorako ekialdea, Chihuahuako mendebaldea, Sinaloa, Durango, Zacatecas, Nayarit, Jalisco, Aguascalientes eta Guanajuato zeharkatuz. Mendebaldeko kostaldea eta Mexikoko erdialdeko goi-ordoki zabala bereizten ditu. Hegoaldean Zeharkako Sumendi-ardatza eta Hegoaldeko Sierra Madrerekin elkartzen da. 1.500 kilometro inguru ditu ipar-mendebaldetik hego-ekialdera, eta 160-480 kilometro bitarteko zabalera. 289.000 kilometro koadroko eremua hartzen du, Mexikoko lurraldearen seirena.

1.150 metro inguruko mendiak ditu iparraldean eta 3.000 metro ingurukoak hegoaldean. Garaiera berdintsuko gailur gehiago badira ere, mendi garaiena Cerro Mohinora (3.311 metro) dela uste da. Mendien ekialdeko mazela leuna da; mendebaldekoa, berriz, oso malkartsua, ibar estu sakonek hautsia tarteka. Lurralde lehor samarra da, belarrez eta zuhaiskez estalia, baina leku garai hezeagoetan, pinu, zedro eta haritz zuhaiztiak ditu. Goi-ordokia eta Sinaloako eta Sonorako zabaldiak lotzen dituzten bi errepidek zeharkatzen dute mendilerroa.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Mendebaldeko Sierra Madre Aldatu lotura Wikidatan