Metrojet 9268 hegaldia

Wikipedia, Entziklopedia askea
Jump to navigation Jump to search
Metrojet 9268 hegaldia
Airbus A321-231 MetroJet EI-ETJ.JPG
Gertakaria
Data 2015eko urriaren  31
Kokapena North Sinai Governorate Itzuli
Koordenatuak 30° 09′ 02″ N, 34° 10′ 41″ E / 30.1506°N,34.178°E / 30.1506; 34.178Koordenatuak: 30° 09′ 02″ N, 34° 10′ 41″ E / 30.1506°N,34.178°E / 30.1506; 34.178
Kalteak
Hilak 224

Metrojet 9268 hegaldia (IATA: 7K9268ICAO: KGL9268) nazioarteko charter hegaldi bat zen[1], Errusiako Kogalymavia aerolineak (Metrojet gisa ezaguna), Sinaiko penintsulan 2015eko urriaren 31ko 06:13tan (Egiptoko ordua)[2] Sharm el-Sheikheko Nazioartkeo Aireportutik (Egipto) atera ondoren istripua izan zuen hegazkinaren izena zen. Pulkovo Aireportua zen bere helburua, San Petersburgon, Errusia.[3][4][5]

Hegazkinak, Airbus A321a, 217 bidaiari eta 7 langile zituen barruan.[6][7] Horietatik, gehienak turistak, 219 errusiarrak ziren, lau ukrainarrak eta bat bieloerrusiarra.[6] Hildakoak, guztira, 224 izan ziren,[6] beraz 9268 Hegaldiaren istripua Errusiar abiazioko inoizko larriena izan zen[8] eta Egipton gertatutako larriena.[9] A320 Airbus familiak inoiz jasan duen istripurik larriena ere izan da, eta 2015ean egon den istripurik larriena.[10] Bonba batek eztanda egin zuelakoan hainbat konpainiek euren hegaldiak kendu zituzten Sharm-el Sheikhetik.[11]

Istripuaren ostean ISISen Sinaiko adarrak, lehenago Ansar Bait al-Maqdis izenekoa, euren erantzukizuna izan zela esan zuen, eta gertakaria Sinaiko insurgentziatik gertu jazo zen.[12][13] ISISek euren ardura Twitterren azaldu zuten, Abu Osama al-Masriren bideo adierazpen batekin, talde honen liderra.[14][15]

2015eko azaroaren 9an, Egiptoko inbestigatzaileen kide anonimo batek adierazi zuen bonba batek hegazkina lehertu zuela, %90eko ziurtasunarekin;[11] Ayman al-Muqaddamen ustez beste azalpen batzuk fuelaren leherketa bat, materialen fatiga edo litio-ioi baterien gainberotzea izan daitezke.[11]

Erreferentziak[aldatu | aldatu iturburu kodea]