Metronidazol

Wikipedia, Entziklopedia askea
Jump to navigation Jump to search
Metronidazol
Metronidazole.svg

Metronidazolaren egitura kimikoa
(IUPAC) izena
2-(2-metil-5-nitro-1H-imidazol-1-il)etanol
Datu klinikoak
Haurdunaldiko kategoria
Legezko egoera
Bideak Ahotik, zain barneko bidetik, topikoa, ondestekoa
Datu farmakozinetikoak
Bioerabil-
garritasuna
100% (ahotik)
59–94% (ondesteko)
Proteina lotura %20
Metabolismoa Gibelekoa (%60-%80)
Batez besteko bizitza 6-7 ordu
Iraizpena giltzurrunetik
Identifikatzaileak
CAS zenbakia 443-48-1
ATC kodea A01AB17 , D06BX01, G01AF01, J01XD01, P01AB01
PubChem CID 4173
DrugBank DB00916
ChEBI 6909
Datu kimikoak
Formula C₆H₉N₃O₃
Masa mol. 184 g/mol

Metronidazola nitroimidazolen taldeko antibiotiko eta antiparasitarioa da. Guztiz sintetikoa da, naturan ez baitago bera ekoizten duen inongo organismorik. Eraginkorra da hainbat protozoo eta bakterio anaerobioen aurka, besteak beste.

Erasobidea[aldatu | aldatu iturburu kodea]

Metranidazola profarmakoa da, hots, modu inaktiboan administratzen den substantzia farmakologikoa, organismoan metabolizatzen dena eta farmako aktiboa bihurtzen dena. Antza, hainbat mikrobiok botika hau erreduzitzen dute, eta modu horretan aktibatzen da.

Metronidazolek ADNaren sintesia inhibitzen du, molekula horren helize bikoitzari eraso egiten baitio.

Aplikazioak[aldatu | aldatu iturburu kodea]

Digestio-aparatuan, larruazalean eta ugaltze-aparatuan infekzioak eragiten dituzten mikrobioen aurka erabiltzen da.

Botika honekiko sentikorrak diren mikrobioen zerrenda luzea da: Trichomonas vaginalis (trikomoniasia), Giardia lamblia (giardiasia), Entamoeba histolytica, Clostridium difficile (kolitis pseudomenbranosoa) eta Clostridium perfringens, Helicobacter pylori, Bacteroides eta Fusobacterium, besteak beste.

Albo-ondorioak[aldatu | aldatu iturburu kodea]

Arinak dira; zefaleak eta asaldura gastro-intestinalak dira ohikoenak.

Tratamendu luzeetan leukopenia eta neutropenia ager daitezke.

Frogatuta dago laborategiko akuriengan minbizia sor dezakeela. Gizakiarengan efektu bera eragiten duenik froga sendorik ez bada ere, tentuz erabili behar da. Haurdun dauden emakumeek ez dute hartu behar.