Michael Atiyah

Wikipedia(e)tik
Michael Francis Atiyah» orritik birbideratua)
Hona jo: nabigazioa, Bilatu
Michael Francis Atiyah (2007)

Sir Michael Francis Atiyah (Hampstead, Londres, 1929ko apirilaren 29a

) britainiar matematikaria da. Postu garrantzitsuak izan ditu Oxford, Cambridge eta Princetongo unibertsitateetan. Atiyahk matematikako arlo asko landu du, geometria eta analisia, bereziki. Ekarpenik aipagarriena topologiako teknika berri eta indartsu bat da, K-teoria, F. Hizerbruchekin batera osatu zuena. Teoria horri esker, matematikako problema zail eta garrantzitsuak ebatzi ziren. Orobat landu zuen indize-teorema deritzona. Bi teoria horiek K-teoria liburuan azaldu zituen (1967). Atiyahren beste liburu aipagarri bat The Index of Elliptic Operators da (1968 eta 1971, Eragile eliptikoen indizea), Annals of Mathematics lanean argitaratua. Lan horiek zirela eta, Fields domina jaso zuen Atiyahk 1966ko Moskuko Nazioarteko Kongresuan. Geroago ikusi zen ideia horiek garrantzi handia dutela oinarrizko partikulen teorian. Fields dominaz gainera, beste sari asko jaso ditu: Accademia Nazionale dei Linceiko Feltrinelli saria (1981), Faisal erregearen Zientziako Nazioarteko Saria (1987), Benjamin Franklin domina (1993) eta Nehru domina, besteak beste.

Erreferentziak[aldatu | aldatu iturburu kodea]