Michel Brault

Michel Brault Kanadar zinemagilea (Montréal, 1928).

Biografia

Argazki-zuzendari aritu zen lehenbizi, eta 1958an zuzendu zuen, elkarlanean, bere lehen filma: Les Raquetteurs. 1963an, Pour la suite du monde egin zuen, eta urteko film hoberena hautatu zuten Kanadan; 1974ko Les Ordres filmak zuzendaritza hoberenaren saria irabazi zuen Montréaleko Zinemaldian. 1994an, Mon amie Max egin zuen. Telebistarako filmak ere egin zituen, hala nola Les Noces de papier (1990), baita film labur zein ertain ugari ere. Frantziako cinéma veritéren eragin nabarmena du bere obrak.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.