Mikel Losada

Mikel Losada
	; (2025)
Bizitza
Jaiotzako izen-deiturak	Mikel Losada García
Jaiotza	Ermua, 1978ko abenduaren 28a (46 urte)
Herrialdea	Bizkaia, Euskal Herria
Familia
Bikotekidea(k)	ikusi Olatz Ganboa;
Familia	ikusi Jon Ander Ganboa (aitaginarreba);
Hezkuntza
Heziketa	Juan Antxieta Musika eta Antzerki Ikasketen Zentroa
Hizkuntzak	euskara; gaztelania
Irakaslea(k)	Ramón Barea; Felipe Loza; Itziar Lazkano
Jarduerak
Jarduerak	aktorea
Lan nabarmenak	ikusi Ane; Los aitas; Cuéntame cómo pasó; Intimidad; El silencio;
Jasotako sariak	ikusi Unión de Actores y Actrices Vascos Awards (2001) ;
Kidetza	Pabellón Nº 6

Mikel Losada Garcia (Ermua, Bizkaia, 1978) antzezlea da.

Ikus-entzunezko ehun ekoizpen baino gehiagotan lan egin izan du, haien artean Ane edo Intimidad (Netflix), baita Espainia osoko ehun antzerki-ekoizpen baino gehiagotan ere.

Euskal Aktoreen Batasunaren Sarietan, hiru aldiz izendatu dute Euskal Aktore Onenaren Sarirako, azkenengoz 2022an, Ane filmarengatik. Orobat, 2001ean Euskal Aktoreen Batasunaren Sarietan Telebistako Aktore Onenaren Saria irabazi zuen; eta 2022an, berriz, kategoria berean izendatu zuten Intimidad telesailagatik.

Bizitza

Ermuan jaio zen 1978an. Hamasei urte zituela lortu zituen antzerki- eta ikus-entzunezko proiektuetan lehen paperak. Geroago, hemezortzi urterekin Ramon Barearen antzerki konpainian sartu zen. Ordutik hona, ikus-entzunezko ehun ekoizpen baino gehiagotan lan egin izan du, baita ehundik gora antzerki-produkziotan ere.

2020an, aldiz, Ane filmeko protagonista izan zen Patricia López Arnaizekin batera. Filmak bost izendapen jaso zituen Goya Sarietan, tartean Film Onenaren Saria. Azkenik, hiru Goya irabazi zituen.

Era berean, 2021ean Ana Murugarrenek zuzendutako García y García filmeko protagonista izan zen, José Mota, Pepe Viyuela eta Jordi Sánchezekin batera.

Pabellon 6 proiektuaren sortzaileetako bat da.

Bizitza pribatua

Gaur egun Bilbon bizi da. Olatz Ganboa aktorearekin bikote harremana dauka eta elkarrekin alaba bat dute. 2016an berak eta Losadak Los amantes del Casco Viejo antzeztu zuten. Etxekoak telesaila ere elkarrekin grabatu zuten ETB1en, 2020an, COVIDen pandemiak eragindako konfinamendu betean. Border collie bat du, Kea izenekoa.

Ana Murugarren zinemagilearekin harreman estua du, eta berak azaldu duenez, Losada bere film guztietan agertzen da. Ramon Barea aktorearekin ere harreman estua du, Losadak bere lagun eta mentore jotzen baitu.

Filmografia

Zinema

Ane (2020)
La pequeña Suiza (2019)
El guardián invisible (2017)
Igelak (2016)
Hileta (2016)
Txarriboda (2015)
Hiru gezur (2014)
Sapos y culebras (2014)
Alaba Zintzoa (2013)
Bypass (2012)
Anfitrioi berezia (2012)
Dragoi Ehiztaria (2010)
Sukalde kontuak (2009)
Zorion perfektua (2009)
Go!azen (2008)
Casual Day (2007)
Kutsidazu bidea, Ixabel (2006)
Corrientes circulares (2005)
Hoja de ruta (2005)
El coche de pedales (2004)
Lazaro (2001)
La voz de su amo (2001)
Los amigos (2000)
Pecados provinciales (1999)

Telebista

El silencio (2023)
Intimidad (2022)
Etxekoak (2020)
Lain (2012)
Cuéntame cómo pasó (2002-2016)
U.C.O. (2009)
Esto no es serio, ¿o sí? (2005-2006)
Goenkale (2001)
Aventuras vascas (1999)

Erreferentziak

Kanpo estekak

Datuak: Q12263625

Artikulu hau Bizkaiko biografia baten zirriborroa da. Wikipedia lagun dezakezu edukia osatuz.