Mikiko Otani

Mikiko Otani
Bizitza
Jaiotza	Osaka prefektura, 1964 (59/60 urte)
Herrialdea	Japonia
Hezkuntza
Heziketa	Tokioko Unibertsitatea
Jarduerak
Jarduerak	abokatua

Mikiko Otani (Japonia, 1964) haur eta emakumeen eskubideen aldeko abokatua, ikertzailea eta idazlea da. 2022. urtean Haurren Eskubideen Batzordeko lehendakaria izan zen,^[1] Ann Marie Skelton ordeztua.

Biografia[aldatu | aldatu iturburu kodea]

Tokioko Sophia Unibertsitatean zuzenbidea ikasi zuen. Ondoren, New Yorkeko Columbia Unibertsitatean masterra egin zuen eta azkenik 2020an doktoretza ere bai, Tokioko Unibertsitatean.^[2] Abokatuen hainbat elkartetan parte-hartzeaz gain hainbat kargu izan ditu Nazio Batuen sisteman, besteak beste, Nazio Batuen Batzar Nagusiaren Hirugarren Batzordearen ordezkari alternatiboa (2005-2006) eta Emakumeen Egoera aztertzen duen NBE Batzordearen Japoniako ordezkariaren aholkularia (2009) izan da.^[2]

Haurren Eskubideen Batzordeko lehendakaria[aldatu | aldatu iturburu kodea]

2022an, Haurren Eskubideen Batzordeko lehendakari izendatu zuten. Ordutik hainbat adierazpen egin ditu, besteak beste, Najat Maalla M'jid, Nazio Batuen kontalari berezia, UNFPA eta UNICEFeko ordezkariekin batera El Salvadorko atxiloketa politikak haurrengan dituen ondorioak deitoratu ditu. Izan ere, Nayib Bukeleren gobernuak 12 urteko haurren erantzukizun penala onartu eta 10 urteko kartzela zigorra eta 16 urtetik gorakoei 20 urteko kartzela zigorra ere ezar diezaieke.^[3]