Milioi instrukzio segundoko
Milioi instrukzio segundoko edo MIPS (ingelesez millions of instructions per second) mikroprozesadoreen potentzia neurtzeko modu bat da. Hala ere, neurri hau erabilgarria da soilik prozesadoreak konparatzeko instrukzio-joko berarekin eta konpiladore berak konpilatutako benchmark-ak erabiliz eta optimizazio maila berarekin. Izan ere, litekeena da lan berak instrukzio kopuru desberdina behar izatea, baldin eta instrukzio-jokoak ere desberdinak badira; eta deskribatutako beste bi egoeretan antzeko arrazoiak izan daitezke. Konparazioetan, eskuarki, gailur-balioak irudikatzen dira; beraz, neurria ez da guztiz errealista. Prozesadoreak erabiltzen duen memoriak nola funtzionatzen duen ere funtsezko faktorea da prozesadorearen potentziarako, eta hori ez da kontuan hartzen MIPSekin egindako kalkuluetan. Arazo horiek direla eta, ikertzaileek SpecInt eta antzeko proba estandarizatuak sortu dituzte benetako funtzionamendua neurtzeko, eta MIPSak ez dira erabiltzen.
GNU/Linuxen munduan, MIPSak BogoMips gisa aipatzen dira.
MIPSen koma migikorreko aritmetikaren baliokidea flopa da.
8 eta 16 biteko mikroprozesadore asko KIPSetan neurtzen dira (kiloinstrukzioak segundoko), eta hori 0,001 MIPen baliokidea da. Intel 8080 helburu orokorreko lehen mikroprozesadoreak 640 KIP exekutatzen zituen. Intel 8086ak (16 bit), PCan erabiltzen den lehen mikroprozesadoreak, 800 KIP exekuta zitzakeen. Pentium 4 1700 MIPS ingurura iristen da.
Instrukzio segundokoek denboran duten bilakaera
[aldatu | aldatu iturburu kodea]| Prozesadorea | IPS | Erlojua | Urtea |
|---|---|---|---|
| Intel 8080 | 640 KIPS | 2 MHz | 1974 |
| Intel 8086 | 800 KIPS | 4,77 MHz | 1979 |
| Motorola 68000 | 1 MIPS | 8 MHz | 1979 |
| Intel 486DX | 54 MIPS | 66 MHz | 1992 |
| Intel Pentium | 100 MIPS | 60 MHz | 1993 |
| PowerPC 600s (G2) | 35 MIPS | 33 MHz | 1994 |
| ARM 7500FE | 35,9 MIPS | 40 MHz | 1996 |
| PowerPC G3 | 525 MIPS | 233 MHz | 1997 |
| ARM10 | 400 MIPS | 300 MHz | 1998 |
| Zilog eZ80 | 80 MIPS | 50 MHz | 1999 |
| Sony "Allegrex" (PSPkoa) | 32 MIPS | 333 MHz | 2002 |
| Pentium 4 Extreme Edition | 9726 MIPS | 3,2 GHz | 2003 |
| ARM Cortex A8 | 2000 MIPS | 1 GHz | 2005 |
| Xbox360 IBM "Xenon" Single Core | 6400 MIPS | 3,2 GHz | 2005 |
| AMD Athlon 64 | 8400 MIPS | 2,8 GHz | 2005 |
| AMD Athlon FX-57 | 12 000 MIPS | 2,8 GHz | 2005 |
| AMD Athlon 64 Dual Core | 18 500 MIPS | 2,2 GHz | 2005 |
| AMD Athlon 64 3800+ X2 (Dual Core) | 18 900 MIPS | 2,2 GHz | 2005 |
| Overclocked AMD Athlon 64 3800+ X2 (Dual Core) | 25 150 MIPS | 2,8 GHz | 2005 |
| Cell (PPE bakoitza) | 6400 MIPS | 3,2 GHz | 2006 |
| PlayStation 3ren Cell prozesadorea | 21 800 MIPS | 3,2 GHz | 2006 |
| AMD Athlon FX-60 (Dual Core) | 22 150 MIPS | 2,6 GHz | 2006 |
| Overclocked AMD Athlon FX-60 (Dual Core) | 24 300 MIPS | 2,8 GHz | 2006 |
| Overclocked AMD Athlon FX-60 (Dual Core) | 27 100 MIPS | 3,0 GHz | 2006 |
| AMD Ryzen Threadripper 3990X | 2,356,230 MIPS | 4,35 GHz | 2020 |
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q72303889