Milpiribil

Wikipedia, Entziklopedia askea
Jump to navigation Jump to search
Milpiribil
Datu orokorrak
Garaiera 1.279 m
Geografia
Koordenatuak 42° 56′ 28″ N, 2° 20′ 51″ W / 42.94105278°N,2.34746944°W / 42.94105278; -2.34746944Koordenatuak: 42° 56′ 28″ N, 2° 20′ 51″ W / 42.94105278°N,2.34746944°W / 42.94105278; -2.34746944
Herria Euskal Herria
Herrialdea Gipuzkoa
Lurraldea Araba eta Gipuzkoa
Mendizaletasuna
Ohiko bidea Zalduondo/Gordoa/Araia/Otzaurte/Arantzazu

Milpiribil edo "Pinpil" Araba eta Gipuzkoa artean kokatuta dagoen mendia da, Lautada eta Debagoiena artean, Urkilla mendilerroan dagoen tontorrik garaiena dena 1.279 metrorekin.

Mendebaldean Elgeako mendilerroarekin lotzen du Gainlaburreko lepoak (1.044 m), eta ekialdean Altzaniako mendilerroarekin Lizarrate edo San Adrian ezagunak (1.005 m).

Irispideak[aldatu | aldatu iturburu kodea]

Petroleroak edo Zumarraunditik (Zalduondo), Urbiarantz abiatu behar da, Askiola leporantz heldu arte. Mendebalderantz jarraituz, ezkerretara Onbakutz eta eskuinetara Burgalaitz utzi behar da, Pagomakurra izeneko leporantz heltzeko. Toki hontatik, azken igoera bat egin eta tontorrera heltzen da.

Galarretatik, Pagarrate edo Zelaibizkar lepoetatik hel daiteke. Lehenengo kasuan, Malkorra labarretik doa igoera. Labar hau Malkorra eta Milpiribil mendien artean sartzen da. Bigarren kasuan, Astibarri labarra zeharkatu behar da, lehenengoarengandik paraleloan dihoana. Gordoatik, igoera oso antzekoa da.

Gipuzkoatik, berriz, Arantzazu da mendi hontara igotzeko tokirik egokiena. Hemendik, Urbiarantz abiatu behar da. Hona heldu ondoren, Bolaleku leporantz joan behar da, Zabalaitz mendiaren hegoekialdean. Petrinaitz mendiaren tontor lau eta basotsua inguratuz, Urbiatik San Adrianera doan bidean sartu behar da. Zelaibizkar lepoan, Urkillako mendilerrora batu behar da, eta Milpiribilen tontorra mendebaldean geratzen da, distantzia gutxira. San Adrianera Otzaurtetik igotzen denez, tuneletik Urbiara doan bideari jarraiki, Zelaibizkar lepora hel daiteke, eta, hemendik, tontorrera.

Ikus, gainera[aldatu | aldatu iturburu kodea]

Euskarazko Wikipedian bada atari bat, gai hau duena:
Euskal Wikiatlasa