Miren Dobaran

Wikipedia, Entziklopedia askea
Miren Dobaran
Miren Dobaran Argia20070115.png
Logotipo del Gobierno Vasco.svg
Eusko Jaurlaritzako Kultura eta Hizkuntza Politika Sailburua

2017 -
Escudo de Berango.svg
Berangoko Alkate

2000 - 2007
Sailburuorde

Bizitza
Jaiotzako izen-deiturakMiren Dobaran Urrutia
JaiotzaBerango, 1970 (51/52 urte)
Herrialdea Bizkaia, Euskal Herria
Hezkuntza
HeziketaDeustuko Unibertsitatea Euskal Filologia
Euskal Herriko Unibertsitatea master
Hizkuntzakeuskara
gaztelania
Jarduerak
Jarduerakpolitikaria, irakaslea eta filologoa
Enplegatzailea(k)Lauro Ikastola  (2013 -  2017)
Sinesmenak eta ideologia
Alderdi politikoaEusko Alderdi Jeltzalea

Miren Dobaran Urrutia (Berango, Bizkaia, 1970) bizkaitar irakasle eta politikaria da.[1] Eusko Jaurlaritzako Hizkuntza Politikako sailburuordea da.[2][3]

Ikasketak[aldatu | aldatu iturburu kodea]

Euskal Filologiako lizentziaduna da Deustuko Unibertsitatean (1995), eta Itzulpengintza masterra du (1995) . Feminismoan ere trebatua da, EHUn: Ikerketa Feministen eta Generokoen masterra (2013) eta Berdintasunerako titulu propioa ditu (2012).

Irakaslea[aldatu | aldatu iturburu kodea]

Euskara-irakasle izan da urte askotan, ikastoletan zein euskaltegietan. Lauro ikastolako (Loiu, Bizkaia) zuzendari izan zen 2013tik 2017ra.

Politikaria[aldatu | aldatu iturburu kodea]

Euskara-irakasle lana hainbat ardura politikorekin tartekatu izan du: EAJrekin Berangoko alkate izan zen 2000tik 2007ra. Garaia hartan aurrerapauso handiak eman ziren herrian gizarte-kohesioan.[4]

Euskararen Sustapenerako zuzendari Bizkaiko Foru Aldundian 2008tik 2013ra. Euskararen erabilera sustatzeko aukerak bultzatu zituen euskalgintarekin batera. Eskolari esker ume asko euskaldundu da; baina, oraindino, helduen euskalduntze-prozesuan lan handia dago egiteko; eta hortik aurrera, erabilerarako jauzia egitea zen kontua.[4]

Diputazioa utzi zuen Lauro ikastolako (Loiu, Bizkaia) zuzendari aritzeko, eta han zebilen Eusko Jaurlaritzan sartzea proposatu ziotenean. 2017ko urtarriletik Eusko Jaurlaritzako Hizkuntza Politikako sailburuordea da.[1] Bere egitasmoen artean lau ardatz zituen: euskara-eskolak B2 titulura arte doakoak izatea, euskararen erabileran eta hizkuntza eskubideetan aurrerapausoak ematea, Iparraldearekin eta Nafarroarekin praktika onak elkartrukatzen eta programak adostea.[4]

2018ko Euskaraldiaren sustatzaile nagusietarikoa izan da.[5]

Erreferentziak[aldatu | aldatu iturburu kodea]

  1. a b «Altzairuzko sabaiari ostikoka» Berria 2018-08-19 CC BY-SA 4.0 lizentziapean.
  2. Dobaran Urrutia, Miren. (2017). «Irekia Mobile. Hizkuntza Politikarako Kontseilariordea» www.irekia.euskadi.eus (Eusko Jaurlaritza) (Noiz kontsultatua: 2019-08-24).
  3. (Gaztelaniaz) «Miren Dobaran releva a Patxi Baztarrika en Política Lingüística» El Diario Vasco 2016-12-23 (Noiz kontsultatua: 2019-08-24).
  4. a b c «Miren Dobaran Urrutia: "Euskalgintzagaz elkarlanean gabiltza euskara kalean egon dadila bermatzeko" - Berango» Hiruka.eus (Noiz kontsultatua: 2019-08-24).
  5. «"Hiru gobernuek bakarrik, edo gizarte eragileek bakarrik, ezingo genuke hau antolatu"» Argia (Noiz kontsultatua: 2018-11-19).

Kanpo estekak[aldatu | aldatu iturburu kodea]