Misioaren Kongregazioa

Misioaren Kongregazioa
Datuak
Izen laburra	C.M.
Mota	bizitza apostolikoko elkartea eta erakundea
Agintea
Egoitza nagusi	via dei Capasso, 30., 00164; Erroma;
Historia
Sorrera	1625
Sortzailea	Bizente Paul
	webgune ofiziala;

Misioaren Kongregazioa (latinez: Congregatio Missionis) bizitza apostolikoko elkarte katolikoa da, Bizente Paulek 1625ean Parisen sortu zuena. Kideei lazarista, pauldar edo aita pauldar esan ohi zaie.^[1] Erlijiozko hiru botoak egiten dituzte eta elkarrekin bizi dira. Batzar nagusiak eta Parisen bizi den apaizburuak dute aginpide gorena.

Historia[aldatu | aldatu iturburu kodea]

Bizente Paulek 1625ean sortu zuen Misioaren Kongregazioa, Parisen. 1632an, elkarte horretako lehenbiziko kideak San Lazaro priore-barrutira aldatu ziren, eta hortik datorkie lazarista izena. Lazaristek ebanjelioa predikatzen zieten behartsuei, apaizgaitegi batzuen ardura zuten, gogo jardunak antolatzen zituzten, misiolari joaten ziren kristau ez ziren lurraldeetara, eta karitatezko egintzak egiten zituzten. 1642tik aurrera, lazaristak mundu osoan zehar zabaldu ziren.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.