Moherko itsaslabarra

Moherko itsaslabarra
Mota	amildegi eta erakargarri turistiko
Geografia
Koordenatuak	52°56′10″N 9°28′15″W
Estatu burujabe	Irlandako Errepublika
Province of Ireland	Munster
Irlandaren banaketa administratiboa	Clareko konderria
Ur-gorputza	Ozeano Atlantikoa

Moherreko Amildegiak

Moherko Amildegiak (ingelesez: Cliffs of Moher; irlanderaz: Aillte an Mhothair, literalki "hondamendiaren amildegiak"), Irlandako mendebaldeko kostaldean Ozeano Atlantikoaz gain dauden itsaslabar batzuk dira, Clareko konderriaren mendebaldean, eta Liscannor, Doolin eta Lahinch udalerrietatik hurbil.

The Burren eskualdearen hego-mendebaldeko mugan daude.

Amildegiak

Amildegiak, Hag's Head deritzon tokian, Ozeano Atlantikoaren gainetik 120 metrora altxatzen dira eta zortzi kilometro luzez hedatzen dira, 214 metroko altuerara iritsi arte.

Amildegiak, atrakzio turistiko azpimarragarriak dira, horren ondorioz, bertan bisitagunea eta geltokigunea daude. Amildegiak kostaldean barna eta euren luzera osoan zeharkatzen dituen bidezidor bat ere badago.

O'Brienen dorrea

O'Brienen dorrea (O'Briens Tower), gutxi gora-behera, amildegien erdian dagoen harrizko dorre zirkular bat da. 1835ean Sir Cornellius O'Brienek eraiki zuen, garai hartan ere, toki hartara joaten ziren ehundaka turistentzako behatoki izan zedin. Talaiaren tontorretik itsasorantz so eginda, Aran Uharteak eta Galway badia daude, eta egun garbiz, atzean, Connemara eskualdea eta Maumturk mendiak ere ikus daitezke.

Zinema

1987ko The Princess Bride (Printzesa Emaztegaia) filmean "Erokeriaren Amildegiak" (Cliffs of Insanity) izenez agertzen dira.

Iruditegia

• 
  O'Brienen dorrea.
• 
  200 metroko amildegia.
• 
  Amildegiak itsasotik ikusita
• 
  Eskualdeko arrazako Bilberry akerrak.
• 
  Branaunmore itsas harkaitza
• 
  O'Brienen dorreaz gain dagoen ikuspegi panoramikoa.

Ikus gainera

• O'Brienen dorrea
• Hag's Head
• Moherko dorrea

Kanpo estekak

• Moherreko Amildegien webgunea (Ingelesez)

• Datuak: Q239477
• Multimedia: Cliffs of Moher / Q239477