Mooreren legea

Wikipedia, Entziklopedia askea
Jump to navigation Jump to search
Mooreren legea Intelen mikroprozesadoreen bilakaerarekin alderatuta.

Mooreren legea zirkuitu integratu trinko berrien transistore kopurua bi urtero bikoiztuz doala dioen aurreikuspen edo behaketa da. Iragarpenaren egilea Gordon Moore estatubatuar ingeniari eta enpresaburua da, Fairchild Semiconductor eta Intel enpresen sortzaileetako bat. Hortaz, haren abizenak ematen dio izena aurreikuspenari.

Hala ere, Mooreren hasierako iragarpena ez dator bat gaur egungoarekin. Izan ere, 1965eko Mooreren hasierako aurreikuspenak zioen zirkuitu integratu trinkoen transistore kopurua urtez urte bikoiztuz joango zela. 1975ean, ordea, iragarpena zuzendu zuenean, transistore kopurua bi urtero bikoiztuz joango zela iragarri zuen. Iragarpenaren azken zuzenketa hau da oraindik gaur egun balio duena.