Musselburgh

Musselburgh; Baile nam Feusgan
	Eskozia
	Irudi gehiago
Administrazioa
Estatu burujabe	Erresuma Batua
Herrialdea	Eskozia
Eskoziako kontseilu gunea	Ekialdeko Lothian
Posta kodea	EH21
Geografia
Koordenatuak	55°56′31″N 3°03′15″W / 55.9419°N 3.0542°W
Azalera	5.42 km²
Demografia
Biztanleria	20.840 (2016)
Dentsitatea	3.845,02 bizt/km²
Informazio gehigarria
Ordu eremua	UTC±00:00
Hiri senidetuak	Rosignano Marittimo

Musselburgh (Eskoziako gaeleraz: Baile nam Feusgan, Eskozia erdialdeko udalerria da, Ekialdeko Lothian eskualdeko herri handiena da, baina ez hiriburua. 2011ko erroldaren arabera 22.639 biztanle ditu.

Etimologia[aldatu | aldatu iturburu kodea]

Musselburgh izenak "mariskoaren herria" esan nahi du.

Geografia[aldatu | aldatu iturburu kodea]

Edinburghetik 10 kilometro ekialdera dago eta honen eraginez bihurtu da eskualdeko herri handiena. Fortheko fiordoaren kostaldean kokaturik dago.

Historia[aldatu | aldatu iturburu kodea]

Erromatarrak izan ziren Musselburgheko lehen biztanleak, K.o. 80 urtean gotorlekua eraiki baitzuten bertan. Esk ibaia zeharkatzen zuen zubia ere eraiki zuten eta 13 mende iraun zituen. Ondoren hainbat aldiz berreraikia izan da.

1315 urtean burgoa bihurtu zen, Edinburgh bera baino lehenago. 1332an Randolph, Morayko kondea, bertan hil zen gaixotasun luze baten ondoren. Herritarrek oso ondo zaindu zutenez, zintzoak zirela esan zuen eta hortik dator herriaren "Honestas" leloa.

Herriaren populazio hazkundea XX mendearen bigarren erdialdean gertatu zen. Edinburgh hiriburutik hain gertu egoteak eragin zuen hazkuntza hori. Hiriburuarekin batera Midlothian eskualdean zegoen baina 1975 urtean Ekialdeko Lothianen sartua izan zen.